Топтарға сұрақ
Мекеме және жауапты тұлға
Өңір / аудан
Маңғыстау облысы, Бейнеу ауданы
Білім беру ұйымы
Тәжен мектеп-балабақша кешені
Лауазымы
Бастауыш сынып мұғалімі
Мұғалім
Сарсенбаева Бақтыгүл
Тақырыбы
Өнерлі өрге жүзер
1–4 сынып оқушыларына арналған «білімділер сайысы» форматы арқылы пәндік білімді пысықтау, өнер мен тілдік құзыреттілікті ұштастыру, топпен жұмыс мәдениетін дамытуға бағытталған сабақтан тыс іс-шара.
Негізгі мақсат
Оқушылардың пәндер бойынша алған білімдерін саралау, ой ұшқырлығын байқау, топпен бірлесе жұмыс істеуге және өз білімін көрсетуге үйрету.
Дамытушылық бағыт
Сөздік қорын молайту, дүниетанымын кеңейту, тіл байлығын, шығармашылық қиялды және логикалық ойлау қабілетін дамыту; өз ойын еркін жеткізуге дағдыландыру.
Тәрбиелік бағыт
Ізденімпаз ұрпақ тәрбиелеу; жан-жақты білімділікке, тапқырлыққа, жылдамдыққа және ұйымшылдыққа баулу.
Шабыттандыратын ұран
Асып әсте саспайық, батыл қадам бастайық.
Еркіңді билеп барынша, жарыста сірә қалыспа!
Сайыс қызығын, балалар, шабытпен бірге бастайық.
Сайыстың ұйымдастыру форматы
Қатысушылар
- 1–4 сынып оқушылары
- 4 топ, әр топта 4 оқушы
- Әділқазылар алқасы сайысты бағалайды
Жүргізушінің кіріспе сөзі (үлгі)
Құрметті ұстаздар, оқушылар және сайысқа қатысушылар! «Өнерлі өрге жүзер» атты білімділер сайысын бастауға рұқсат етіңіздер. Бүгінгі сайысымызда қызықты сұрақтар мен тапсырмалар арқылы білім, тапқырлық және ұйымшылдық сыналады.
Айналым саны және құрылымы
Сайыс бірнеше айналымнан тұрады. Әр кезең оқушылардың білімін, тілдік қорын және шығармашылық қабілетін әр қырынан көрсетуді көздейді.
1-айналым: Таныстыру
Әр топ өздерін таныстырады. Сұрақ: «Бүгінгі сайысқа қандай дайындықпен келдіңдер және не күтесіңдер?»
2-айналым: «Білгенге маржан»
- 1–2 сынып: сурет салуға қажетті құрал-жабдықтарды жазады.
- 3–4 сынып: бейнелеу өнеріне қатысты сөздерді жазады.
- Бағалау: әр сөзге 1 ұпай.
3-айналым: «Құпия кітапша» (жұмбақтар)
Жұмбақтың шешуін суреттер арасынан тауып жапсырады және үш тілде айтады.
Жұдырықтай қызыл шар, тілді үйірген шырын бал.
Алма — яблоко — apple
Мұртымен туады, мұртымен өледі.
Мысық — кошка — cat
Қыста жерді басады, жазда сайға қашады.
Қар — снег — snow
Жеті қазынаның бірі, адамды қорғап жүреді.
Ит — собака — dog
Сағат сайын қағылады, тек мектептен табылады.
Қоңырау — звонок — bell
Ұпай қою тәртібі
- 3 тілде дұрыс айтса — 15 ұпай
- 2 тілде — 10 ұпай
- 1 тілде — 5 ұпай
4-айналым: «Кім жылдам?»
- 1–2 сынып: 1 сурет бойынша тапсырма.
- 3–4 сынып: 2 сурет бойынша тапсырма.
5-айналым: «Сәйкестендір» (ұғымдар мен анықтамалар)
| Термин | Мағынасы |
|---|---|
| Акварель | Суда еритін мөлдір бояулар және осы бояулармен орындалған шығарма. |
| Аппликация | Белгілі бір фонға әртүрлі қиындылардан бейнені жапсыру арқылы жұмыс орындау. |
| Архитектура | Сәулет өнері. |
| Палитра | Бояу араластыратын тақтайша. |
| Пейзаж | Бейнелеу өнеріндегі табиғатты бейнелейтін жанр. |
6-айналым: Топ басшылар сайысы
«Суретті кім әдемі бояйды?» — топ басшылары берілген суретті ұқыптылықпен әрі көркем бояу арқылы өз шеберлігін көрсетеді.
Қорытынды бөлім
Әділқазылар пікірі
Әділқазылар алқасына сөз беріледі: нәтижелер жарияланып, үздік топтар мен белсенді қатысушылар марапатталады.
Жабылу сөзі (үлгі)
Осымен сайысымыз өз мәресіне жетті. Қатысқандарыңызға көп рақмет!