Қазақша рефераттар

Үйге берілген есепті ауызша тексеру

Математика • 4-сынып

Үлестер мен бөлшектер

Бұл сабақта оқушылар үлес пен бөлшек ұғымдарын түсініп, оларды күнделікті өмірмен байланыстыра отырып қолдануды үйренеді. Сабақ ойын элементтері мен көрнекі материалдарға сүйеніп, белсенді, ынтымақты орта қалыптастыруға бағытталған.

Сабақтың мақсаттары

1) Білімділік

Үлестер мен бөлшектер туралы түсінік қалыптастыру, өмірмен байланыстыра отырып білім беру.

2) Дамытушылық

Оқушылардың ойлауын, пәнге қызығушылығын және белсенділігін арттыру.

3) Тәрбиелік

Шапшаңдыққа, ұқыптылыққа, ұйымшылдыққа, бір-бірін сыйлауға тәрбиелеу және үлес пен бөлшек ұғымын өмірде қолдана білуге баулу.

Көрнекіліктер

  • Кеспелер: тастар, үй қабырғасы, шатыры, терезе, есік, ағаштар, аула суреттері
  • 1 бөтелке лимонад
  • Алма

Әдіс-тәсілдер және сабақ түрі

Сабақтың әдісі

Топтық ойын, көрнекілік, сарамандық түсіндіру.

Сабақтың түрі

Жаңа сабақ.

Сабақтың барысы

I. Ұйымдастыру кезеңі

  • Оқушылармен сәлемдесу.
  • Түгелдеу, оқу құралдарының дайындығын тексеру.
  • Сабаққа назар аударту.

II. Үй тапсырмасын тексеру

  1. Үйге берілген есептерді ауызша тексеру.
  2. Сұрақтарға жауап алу.
  3. Оқушыларды «мозайка» тәсілімен топтастыру:
    • 1-топ — Шаршылар: қиынды бөліктерден шаршы құрастыру.
    • 2-топ — Үшбұрыштар: қиынды бөліктерден үшбұрыш құрастыру.
    • 3-топ — Дөңгелек: қиынды бөліктерден дөңгелек құрастыру.
  4. Құрастырылған геометриялық пішіндерді қорғау (қасиеттерін толық сипаттау).
  5. Жаңа сабақтың тақырыбы, мақсаты және міндеттерімен таныстыру.
  6. Әділқазыларды сайлап, әр топтың жұмысын бағалауды тапсыру.

III. Қызығушылықты ояту: «Үй саламыз» ойыны

Мұғалімнің бағыттаушы сұрақтары

Сұрақ:

Балалар, қазір жылдың қай мезгілі?

Жауап: Көктем.

Сұрақ:

Көктемде адамдар немен айналысады?

Жауап: Бау-бақша, егін жұмыстарымен айналысады.

Сұрақ:

Адамдар үй салумен де айналыса ма?

Жауап: Иә.

Қорытынды:

Ендеше, біздің сынып та «үй салады». Ол үшін алдымен құрылыс алаңын дайындайық.

1-қадам: «Алаңды тазалау» тапсырмасы

Құрылыс алаңындағы қоқыс пен тастарды алып, артындағы мысалдарды ауызша шығару арқылы ұпай жинаймыз.

Ауызша есептер

3003 ÷ 3
693 ÷ 3
408 ÷ 2
846 ÷ 2
245 × 2
963 ÷ 3
123 × 3
2000 − 254
5000 − 1580

Тапсырма аяқталғаннан кейін әр топтың ұпайы есептеліп, әділқазылар бағалайды.