Жылдамдықтарды қосу заңы

Бақылау жұмысы Салыстырмалы теория элементтері
Салыстырмалы теория. Эйнштейн постулаттары. Жылдамдықтарды қосу заңы. Ұзындық пен уақыттың салыстырмалылығы.

1 нұсқа
1. Релятивтік физикадағы салыстырмалы теорияның І постулаты классикалық механика физикасындағы салыстырмалы принциптен айырмашылығы неде?
2. Жердегі бақылаушы көзқарасымен ғарыш кемесіндегі уақыт 2 есе кемісе, Жермен салыстырғандағы инерциялық санақ жүйесіндегі ғарыш кемесі қандай жылдамдықпен қозғалар еді?
3. Қозғалмай тұрған бақылаушымен салыстырғандағы екі ғарыш кемесі бір - біріне қарама - қарсы бағытта υ1=0, 6•c және υ2=0, 9•c жылдамдықпен қозғалды. Жылдамдықтарды қосудың классикалық механика және релятивтік заңы бойынша ғарыш кемелерінің бір - біріне жақындау жылдамдығын анықтаңдар.

2 нұсқа
1. Классикалық механика және релятивтік физика бойынша денелердің өзара әрекеттесу жылдамдықтарында қандай ерекшеліктер бар?
2. Қозғалыстағы дененің ұзындығы 10 %- ға қысқаратын болса, дене қандай жылдамдықпен қозғалады?
3. Қозғалмай тұрған бақылаушымен салыстырғандағы екі ғарыш кемесі бір түзудің бойымен, бір бағытта υ1=0, 5•c және υ2=0, 8•c жылдамдықпен қозғалады. Жылдамдықтарды қосудың классикалық механика және релятивтік заңы бойынша екінші ғарыш кемесінің бірінші ғарыш кемесінен алыстау жылдамдығын анықтаңдар.

3 нұсқа
1. Инерциалды санақ жүйесі дегеніміз не?
2. Жермен салыстырғанда υ=0, 8•c жылдамдықпен қозғалған ғарыш кемесінде 21 жыл өтсе, Жерде қанша жыл өтер еді?
3. К' санақ жүйесімен салыстырғанда А дене υ1=0, 2•c жылдамдықпен, ал К қозғалмайтын санақ жүйесімен салыстырғанда υ2=0, 8•c жылдамдықпен қозғалады. К санақ жүйесімен салыстырғандағы К' санақ жүйесі қандай жылдамдықпен қозғалады?

4 нұсқа
1. Дененің тыныштықтағы ұзындығы деген не? Ұзындықтың қысқаруының физикалық мағынасы неде?
2. Жердегі бақылаушы үшін ғарыш кемесінің қозғалыс бағытындағы сызықтық өлшемі 4 есе қысқарды. Бақылаушының сағатымен салыстырғанда кемедегі сағат неше есе баяу жүреді?
3. К санақ жүйесімен салыстырғанда А дене υ=2•108 м с жылдамдықпен, ал К санақ жүйесі М санақ жүйесімен салыстырғанда υ=- 4•108 м с жылдамдықпен қозғалады. М санақ жүйесімен салыстырғандағы К санақ жүйесі және А денесі бірқалыпты және түзу сызықты қозғалса, М қозғалмайтын санақ жүйесімен байланысқан бақылаушымен салыстырғандағы А денесінің жылдамдығын анықтаңдар.

5 нұсқа
1. Меншікті уақыт жүйесі деген не? Уақыттың қысқаруының физикалық мағынасы неде?
2. Ғарыш кемесінің меншікті ұзындығы 15 м. Ғарыш кемесіндегі бақылаушы және υ=1, 8•108 м с жылдамдықпен қозғалған кемені бақылаушы үшін ғарыш кемесінің ұзындығын анықтаңдар.
3. К' санақ жүйесімен салыстырғанда А дене υ1=0, 5•c жылдамдықпен, ал К' санақ жүйесі К санақ жүйесімен салыстырғанда υ2=0, 8•c жылдамдықпен қозғалады. А денесі мен К' санақ жүйесінің жылдамдықтары бағыттас деп есептесек, К санақ жүйесімен салыстырғандағы А денесінің жылдамдығын анықтаңдар.

6 нұсқа
1. Бақылаушы орналасқан К санақ жүйесі А және В жарық көздерін қосатын түзу бойымен υ жылдамдықпен қозғалады. Қозғалмайтын А және В жарық көздерінен таралған фотондар қандай жылдамдықпен қозғалады?
2. Қозғалыс бағытындағы дененің меншікті ұзындығы 5 есе азайса, дене қандай жылдамдықпен қозғалар еді?
3. Қозғалмай тұрған бақылаушымен салыстырғандағы екі дене бір - біріне қарама - қарсы, бірқалыпты және түзу сызықты бағытта υ1=0, 8•c және υ2=0, 5•c жылдамдықпен қозғалады. Жылдамдықтарды қосудың классикалық механика және релятивті заңы бойынша денелердің бір - бірінен алыстау жылдамдығын анықтаңдар.