Менің кішкентай бөпе кезімдегі суретім

Отбасы
Білім беру саласы: қатынас
Бөлімдері: тіл дамыту
Мақсаты: балаларға өзінің отбасы туралы әңгіме құрап айта білуге дағдыландыру, сұрақтарға жауап бере білуге үйрету: сен кіммен тұрасың? ,
сенің отбасыңда кімдер бар? , саған кім қамқорлық жасайды? , анаңа қандай көмек көрсетесің? және т. б Тілде сын есімдерді (мейірімді, тату,) етістіктерді(қамқорлық жасау, жұмыс істейді, көмектеседі) қолданып сөйлеуге үйрету.
Көрнекілігі: суреттер, теледидар т. б
Әдісі: ойын, түсіндіру, сұрақ - жауап, сурет бойынша әңгіме, т. б

Мотивациялық - қозғаушы: Біз өнерге, ұлы өнерге
Гүл өмірге иеміз!
Елімізді, жерімізді
Көгімізді сүйеміз!
Қонақтарға, апайларға
Басымызды иеміз!
Сәлеметсіздер ме, балалар!
Сәлеметсіздер ме, апайлар

Іздестіру - ұйымдастырушы: Білім беру саласы - қатынас,
Ұйымдастырылған оқу іс - әрекеті - тіл дамыту, тақырыбы - өзінің отбасы туралы әңгіме.
- балалар мына суретке назар аударайықшы, бұл суретте кімдер бейнеленген?
- осылардың бәрін бір сөзбен жинақтап қалай атаймыз?
- дұрыс айтасыңдар.
Балалар, мен сендерге жұмбақ жасырайын, шешуін тауып көріңдер, жарай ма?

Жұмбақтар жасыру.
1. Өзі мейірімді, шашы ағарған,
Дәмді етіп тағамдар дайындайды, тоқыма тоқиды, кешке ертегі айтып береді, ол - кім?
- Өте жақсы, ендеше осы әже туралы кім тақпақ біледі екен?
2. Өзі көзілдірік киеді, кітап оқығанды ұнатады, газетті көп оқиды, қорға барып мал шаруалайды, зейнетақы алады, бұл - кім?
- дұрыс, енді маған кім ата туралы тақпақ айтады?
3. өте жақсы, менің келесі жұмбағыма назар аударыңдар.
Жер бетіндегі ең әдемі, ең ақылды, бізге ең қымбат жан, ол - кім?
- дұрыс ендеше ана туралы тақпақты кім айтқысы келіп отыр?
- жарайсың, ана туралы жақсы тақпақ айттың.
4. өзі көлік жүргізеді, көлік бұзылып қалса оңдайды,
- балалар сендер ата, әже, ана туралы жақсы тақпақтар біледі екенсіңдер. Олай болса, отбасы - ол біздің жанұямыз. Жанұя мүшелеріне ата, әже, әке, ана, бала, қыз т. б кіреді. Жанұя мүшелері бір - бірін сыйлайды, құрметтейді, кішілері үлкендерге құрмет көрсетеді, үлкендері кішілерге қамқор болып жүреді. Сондықтан да олар бір отбасы болып есептеледі.
Балалар енді бәріміз теледидарға назар аударайықшы.

1 - сурет. Жайдарының отбасы.
- балалар мына суреттегі кімнің отбасы?
Балалар мен сендермен ойын ойнағым келіп тұр, менімен ойын ойнауға дайынсыңдар ма?

2 - сурет.
Тайманның отбасы.
Балалар мына суретте кімнің отбасы бейнеленген?
Тайманның жауабы: бұл суретте менің отбасым, менің жанұям үлкен. Атам, әжем, әкем, анам мен және бөпем бар. Мына суретте қалада тойда түскеніміз.
Менің кішкентай бөпе кезімдегі суретім. Ол кезде бөпем жоқ.
3 - сурет. Ерасылдың отбасы.
4 - сурет. Айқынның отбасы.
5 - сурет. Інжудің отбасы.

Ойын: кімге не керек?
Шарты: теледидардан экраннан ата, әже, әке, ана суреттері және төменде әр түрлі заттардың суреттері көрініп тұрады. Балалар кімге не керек? дегенде сол затты дәл тауып апарып қоюы тиіс.
- балалар енді маған кім жанұя, отбасы мүшелері туралы мақал - мәтел айтып береді?
1. ата көрген оқ жонар,
Әже көрген тон пішер.
2. балалы үй базар,
Баласыз үй қу мазар.
3. әкенің көңілі - балада,
Баланың көңілі - далада.
4. балалы үйдің ұрлығы жатпас.
5. ағасы бардың - жағасы бар,
Інісі бардың тынысы бар.
6. өз үйім - өлең төсегім.
7. ата - балаға қорған.

Сергіту сәті:
Бас бармағым атам үйдің данасы
Балан үйрек - әжем ошақ анасы.
Ортан терек - әкем үйдің панасы
Шылдыр шүмек - анам үйдің ажары
Кішкене бөбек - мен бәрінің базары.
- өте жақсы, бойымыз сергіп қалды ма?

Рефлексивті - коррекциялаушы: Қорыту.
Сұрақ - жауап:
- балалар біз бүгін немен айналыстық?
- бүгінгі оқу іс - әрекетіміз сендерге ұнады ма?
Ата - әжелеріңе қандай көмек көрсетесіңдер?
Әке аналарыңа ше?
Өздеріңнен кішілерге қандай қамқорлық жасайсыңдар?
Әкем, шешем және мен
Тату - тәтті тұрамыз.
Сыйластықпен махаббатпен
Сауық - сайран құрамыз.
Мадақтау.

Атырау облысы, Исатай ауданы,
Исатай ауылы Балбөбек балабақша тәрбиешісі
Доскалиева Айнагуль Мураткалиевна

Толық нұсқасын жүктеу