Допты біреудің бастапқы қолына допты кеудеге қарай жақындатып ұстап тұру

Ұйымдастыру бөлімі

• Сапқа тұрғызу.
• Сәлемдесу.
• Сабақтың мақсатын және қауіпсіздік ережелерін түсіндіру.
• Оңға және солға бұрылу командалары.

Қыздыру және қозғалыс дайындықтары

• Залды айнала жүру.
• Қолды жоғары көтеріп, аяқтың ұшымен жүру.
• Баяу жүгіру.
• Тіркеме адыммен жүгіру: оң бүйірмен және сол бүйірмен.
• Тыныс алу жаттығулары.
• Қол белде: жартылай отырып және толық отырып жүру.
• Залдың ортасында 4 қатарға тұрғызу.

1) Бас айналдыру

Б.Қ.: қол белде, аяқ иық деңгейінде. 1–4 — басты оңға айналдыру; 5–8 — солға айналдыру.

2) Иықты айналдыру

Б.Қ.: қол иықта, аяқ иық деңгейінде. 1–4 — иықты алға айналдыру; 5–8 — иықты артқа айналдыру.

3) Қолды кері созу

Б.Қ.: оң қол жоғарыда, сол қол төменде. 1–2 — қолды кері созу; 3–4 — қолдың қалпын ауыстыру.

4) Қолды кері сермеу

Б.Қ.: қол кеуде алдында бүгулі. 1–2 — бүгулі қолды кері созу; 3–4 — түзу қолды кері созу.

5) Бүйірге еңкею

Б.Қ.: аяқ иық деңгейінде, қол белде. 1–2 — оңға еңкею; 3–4 — солға еңкею.

6) Дене айналдыру

Б.Қ.: аяқ иық деңгейінде, қол белде. 1–4 — денені оңға айналдыру; 5–8 — денені солға айналдыру.

7) Аяқты сермеу және қол ұшына тигізу

Б.Қ.: қол алда. 1 — сол аяқты сермеп, сол қолдың ұшына тигізу; 2 — оң аяқты сермеп, сол қолдың ұшына тигізу.

8) Отырып-тұру

Қайталау саны мұғалімнің нұсқауына сәйкес орындалады. Тізе бағыты аяқ ұшымен бір сызықта болсын.

1) Допты алып жүру (дриблинг)

Допты алып жүру кезінде ойыншы допты саусақ ұшымен жерге ұрып, ыршыта отырып алға қозғалады. Дриблинг кезінде аяқтар аздап бүгілген, дене сәл еңкейген күйде болады, ал допты алып жүретін қол шынтақтан бүгулі тұрады.

Оң қолмен доп алып жүргенде сол аяқ жарты қадамдай алға шығады — бұл тепе-теңдікті сақтауға және қозғалысты жылдамдатуға көмектеседі.

2) Допты беру және қабылдау

Допты берер алдында оны кеудеге жақын ұстайды. Лақтыру кезінде қол кеудеден алға қарай шағын доға жасап, толық жазылады.

Ұшып келе жатқан допты мүмкіндігінше қарсыластан бұрын ұстау керек. Ол үшін баскетболшы бойын тіктеп, доптың ұшу бағытына қолын созып, қабылдауды сенімді орындайды.