Жалпы білім беретін мектеп оқушылары арасында өтетін аймақтық - 5 - ші Жарқын болашақ байқауының сценарийіМақсаты
Іс-шара туралы
Жалпы білім беретін мектеп оқушылары арасында өтетін аймақтық «Жарқын болашақ» байқауының (5-ші) сценарийі.
Өтетін орны
Қазақ-түрік лицей-интернатының жиын залы
Өтетін уақыты
9 ақпан 2013 жыл, сағат 10:00
Атмосфера
Қазақтың әсем ұлттық әуені ойнап тұрады. Сахна безендіріліп, баннер ілінеді.
Мақсаты
- Қазақстан Республикасының «Білім туралы» және «Тіл туралы» заңдарын іске асыру.
- Ел Президенті Н.Ә. Назарбаевтың «Қазақстан–2050» стратегиясы — қалыптасқан мемлекеттің жаңа саяси бағыты туралы Жолдауын жүзеге асыру.
- Бәсекеге қабілетті жас ұрпақты тәрбиелеу.
- Оқушылардың мемлекеттік тілге, қазақ халқының әдебиеті, мәдениеті, өнері мен ұлттық құндылықтарына сүйіспеншілігін арттырып, оны қастерлеуге баулу.
Салтанатты ашылу
Сахналық белгі
Фанфара. Екі жүргізуші сахнаға шығады.
1-жүргізуші
Қош келдіңіздер, құрметті әдебиетті, өнерді, тілді сүйетін қауым, аяулы ұстаздар мен ардақты оқушылар! Бүгінгі оқушылардың өнерін тамашалауға келген ата-аналар мен жанкүйерлерге де ыстық ықыласымызды білдіреміз!
2-жүргізуші
KATEV халықаралық қоғамдық қорының бастамасымен, облыстық білім басқармасының қолдауымен және Жезқазған қаласындағы дарынды балаларға арналған облыстық қазақ-түрік ерлер лицей-интернатының ұйымдастыруымен өтетін жалпы білім беретін мектеп оқушылары арасындағы «Жарқын болашақ» 5-ші республикалық қазақ тілі олимпиадасына қош келдіңіздер!
Қатысушылар туралы
«Жарқын болашақ» 5-ші республикалық қазақ тілі олимпиадасының аймақтық кезеңіне Жезқазған, Сәтбаев қалалары мен Ұлытау ауданы мектептерінен 100-ден астам оқушы қатысып, өнер додасында бақ сынады.
Бүгінгі аймақтық байқауда аудандық және қалалық мектептерден іріктелген, жүзден — жүйрік, мыңнан — тұлпар шыққан 24 оқушы өнер көрсетеді.
Ресми бастау
«Жарқын болашақ» 5-ші республикалық қазақ тілі олимпиадасының аймақтық кезеңін ашық деп жариялаймыз.
Сахналық белгі
Қазақстан Республикасының Әнұраны орындалады.
Ана тілі туралы тебіреніс
1-жүргізуші
Дауға салса алмастай қиған,
Сезімге салса қырандай қалқыған,
Ойға салса қорғасындай балқыған
Ана тілінен артық қазақ үшін бұл дүниеде қымбат не бар екен?!
Бұл жанды тіл — менің азат тілім,
Жадымда талмай самғар қанат тілім.
Бірлік, достық, татулық жүрегі боп
Жасай бер, Ана тілім — Қазақ тілім!
2-жүргізуші
Жанын сап, халқын сүйіп баққан тілім,
Жалықпай құпиялар ашқан тілім!
Жаһанның төрт бұрышы түгел танып,
Жат жұрттан да достарын тапқан тілім!