Қазақша рефераттар

Тасымалданбайтын сөздерді теріп жазу

Сабақтың тақырыбы: «Біздің ту»

Сабақтың мақсаты

  1. Өлеңнің мазмұнымен таныстыру, мемлекеттік рәміз — Ту туралы мәлімет беру.
  2. Ойын түрлері арқылы оқушылардың ізденімпаздық қабілетін, мәнерлеп және сауатты оқу дағдыларын дамыту.
  3. Елін, жерін сүюге, қорғауға, Қазақстанның рәміздерін қастерлеуге тәрбиелеу.

Сабақ туралы қысқаша ақпарат

Сабақтың әдісі
Түсіндіру, сұрақ-жауап.
Сабақтың көрнекілігі
Тудың суреті, тірек сызбалар.
Сабақтың түрі
Жарыс сабақ.

Сабақтың барысы

1) Ұйымдастыру бөлімі

  • Оқушыларды сабаққа дайындау.
  • Оқушыларды 2 топқа бөлу.

2) Үй тапсырмасын тексеру

Сұрақ-жауап арқылы үй тапсырмасын бекіту.

3) Жаңа сабаққа кіріспе (тірек сызбамен жұмыс)

Оқушылармен «Отан» тақырыбы аясында ой қозғау жүргізіледі. Топтастыру әдісі арқылы төмендегі сұрақтар қойылады:

  • «Отан» сөзінің мағынасын қалай түсінесіңдер?
  • Біздің еліміз қалай аталады?
  • Астанамыз қай қала?

4) Оқулықпен жұмыс: «Біздің ту» өлеңі

Авторы

Тұманбай Молдағалиев (1935 ж. 20 наурыз) — Алматы облысы, Еңбекшіқазақ ауданы, Жарсу совхозында дүниеге келген. Қазақстанның халық жазушысы, ақын.

Кіріспе ой

Әлемдегі әрбір мемлекеттің өзіне тән мемлекеттік рәміздері бар. Тәуелсіз елдің ең айрықша белгілері — Елтаңба, Ту, Әнұран. Тарихта тудан айырылу елден айырылумен тең саналатын кезеңдер болған.

Қазақстан Республикасының Туы туралы мәлімет

Автор
Шәкен Оңдасынұлы Ниязбеков (Алматы қаласының бас суретшісі).
Қабылданған күні
1992 жыл, 4 маусым.
Негізгі түсі
Көгілдір түс — кеңдікті, ашық аспанды, бірлікті білдіреді.
Ортасындағы күн
Алтын күн — нұр мен берекенің нышаны.
Қыран құс
Қырағылықты, биіктікті, еркіндікті білдіреді.
Ұлттық өрнек
Тудың жиегіндегі өрнек — ұлттық нақыштың белгісі.

Өлшемі

Ені — 1 м, ұзындығы — 2 м.

Өлеңмен жұмыс

  • Өлеңді мұғалім мәнерлеп оқып береді.
  • Оқушылар өлеңді тізбектей оқиды.

Ережемен жұмыс: тасымал

Тасымалдауға болмайтын сөздер

1) Бір буынды сөздер

Мысалдар: от, сүт, қант.

2) Бір дыбысты буыны бар екі буынды сөздер

Мысалдар: о-рақ, ө-зен, а-ю, ұ-я, қи-я.

Тасымалданбайтын екі буынды сөздер

  • 1-топ: аю, ою, ұя, иә.
  • 2-топ: ата, әже, екі, оқу, өсу.
  • 3-топ: іні, ине, аяқ, оян.

Себебі: бір дауысты дыбыстан жасалған буынға негізделген сөздер тасымалданбайды.

Дәптермен жұмыс

  • Күннің жадын жазу.
  • Көркем жазу: «Отан — оттан да ыстық.»
  • 76-жаттығу.

Терме диктант

  1. Тасымалданбайтын сөздерді теріп жазу.
  2. Бір буынды сөздердің астын бір рет, бір дыбысты буыны бар екі буынды сөздердің астын екі рет сызу.
  3. Түсіндіру: бір дауысты дыбыстан жасалған сөз тасымалданбайды (мысалы: от, сүт, қант).

Дидактикалық ойын: «Бәйге»

Оқушылар тасымал мен буын туралы өткен білімін «Бәйге» ойыны арқылы бекітеді. Екі топқа түрлі түсті таңдаулар ұсынылады. Оқушылар таңдаған түсіне сәйкес сұраққа жауап береді.

1-сұрақ

Сөйлем неден құралады?

2-сұрақ

Сөз неден құралады?

3-сұрақ

Дыбыс деген не?

4-сұрақ

Әріп деген не?

5-сұрақ

Дауысты дыбыстар нешеге бөлінеді?

6-сұрақ

Жуан дауыстыларды ата.

7-сұрақ

Тасымал деген не?

8-сұрақ

Жіңішке дауыстыларды ата.

9-сұрақ

Жуан және жіңішке жұп дауыстыларды ата.

Қорытынды бөлім

Бүгін нені білдік, нені үйрендік?

  • Тасымал және буын ұғымдары.
  • Бір буынды сөздер.
  • Бір дыбысты буыны бар екі буынды сөздер.
  • Тасымалданбайтын екі буынды сөздер (мысалдар келтіру).

Рәміздерге қатысты бекіту сұрақтары

  • Қазақстан Республикасының мемлекеттік рәміздерін ата.
  • Туымыздың түсі қандай?
  • Тудың авторы кім?

Қазақстан Туымен — тұғырлы, Елтаңбасымен — еңселі, Әнұранымен — айбатты. Еліміздің болашағы — сендер. Отанды сүюге, қорғауға әрқашан дайын болыңдар.

Үй тапсырмасы және бағалау

Үйге тапсырма

«Біздің ту» өлеңін мәнерлеп оқу.

Бағалау

Оқушылардың жауаптары мен белсенділігіне қарай бағалау.