Адам әрекетінің қоршаған ортаға әсері

Астана қаласы · №8 орта мектеп

Бастауыш сынып мұғалімі: Бектұрғанова Бақытгүл Қабделовна

Қысқа мерзімді сабақ жоспары

Дүниетану · 4-сынып

Сабақтың тақырыбы

Адам әрекетінің қоршаған ортаға әсері.

Негізгі түйінді идея

Табиғатқа төнген қауіп туралы түсінік қалыптастыру.

Оқу мақсаты

Қоршаған ортаны қорғауға және сақтауға ұмтылу.

Сабақ ұраны

«Адамзаттың табиғатсыз күні жоқ. Табиғаттың оны айтуға тілі жоқ.» — Ш. Айтматов

Сабақты әр қатарға бірнеше сөз оқып беруден бастаймыз. Оқушылар сөздерді мұқият тыңдап, ортақ қорытынды жасайды.

Сынып болып бір әрекет жасап, орнымыздан тұрып амандасамыз.

Қайырлы күн, күнім, далам, орманым,

Қайырлы күн, гүлім, құсым, көлдерім.

Қайырлы күн, өсімдіктер, жәндіктер,

Қайырлы күн, бар тіршілік иесі!

Бүгінгі сабақтың тақырыбы қандай болуы мүмкін?

Табиғат Адам Әрекет

Талқылауға арналған сұрақ: «Адамның өз өмірін жақсартуға бағытталған іс-әрекеті әрқашан табиғат үшін пайдалы ма?»

1. Ормандардың адам мен жануарлар өмірі үшін маңызы қандай?
2. Қазақстанда қандай қорықтар бар? Олардың атқаратын қызметі қандай?
3. Топырақтың құнарлылығын сақтау үшін адамдар қандай шаралар қолданады?
4. Су қоймасы дегеніміз не? Ондағы жануарлар мен өсімдіктердің байланысы туралы айт.
5. Су қоймаларындағы өсімдіктер мен жануарларды қалай қорғау керек?
6. «Қызыл кітап» туралы не білесің? Оған енген өсімдіктер мен жануарлар туралы айт.

Негізгі ұғымдарды бекіту үшін қысқа тест тапсырмалары орындалады.

Сабақ соңында кесте толтырылады: адам әрекеті және оның салдары.

1) Адамның әрекеті	2) Әрекеттің салдары
...	...
...	...

Эмблемалар таратылады. Оқушылар сабақ тақырыбына сай қысқа идея немесе ұран дайындайды.

Үй тапсырмасы сұрақтары: 1–5.

Сабақтың өту деңгейі «саты» әдісі арқылы бағаланады: оқушылар өз түсіну деңгейін сатыға орналастырып, қысқаша пікір білдіреді.