Суреттерді және жазуларды пайдаланып, қосу мен азайту тәсілдерін түсіндіру
Сабақ туралы мәлімет
Орны
Маңғыстау облысы, Бейнеу ауданы, Тәжен мектеп-балабақша кешені
Мұғалім
Бастауыш сынып мұғалімі: Сарсенбаева Бактыгүл Аширбаевна
Пән / Сынып
Математика, 2-сынып
Тақырып
Қосу және азайту: 26 + 30, 56 − 30
Мақсат
- Қосу мен азайтудың амалдары мен әдіс-тәсілдерін меңгерту арқылы оқушылардың есте сақтау қабілетін дамыту.
- 1-ден 100-ге дейінгі сандар жиынын санау және таңбалау дағдыларын бекіту.
- Оқушылардың математика пәніне қызығушылығын ояту.
Сабақтың түрі
Аралас сабақ
Әдіс-тәсілдер
Сын тұрғысынан ойлау, бақылау, сұрақ-жауап
Сабақтың барысы
1) Ұйымдастыру кезеңі
- 1 Амандасу.
- 2 Оқушылардың назарын сабаққа аудару.
- 3 Дұрыс жауап берген оқушыларды 1000 теңгелік «ақшамен» ынталандыру.
2) Үй тапсырмасын тексеру
- 6-тапсырманы пысықтау.
- Ондықтармен санату (100-ге дейін).
- (28, 43, 54) санынан кейін келетін санды атау.
- (30, 55, 79) санының алдындағы санды атау.
- (50, 76, 94) санының көршілерін атау.
3) Жаңа сабақ
Сандар қатары арқылы заңдылық табу
Берілген қатар: 21, 22, 23, 24, 25, 26, 27, 28, 29, 30.
Тапсырма: ондықтары 3 болатын, ал бірліктері алдыңғы қатардағыдай сақталатын жаңа қатар құрыңдар.
Нәтиже
31, 32, 33, 34, 35, 36, 37, 38, 39, 40
Зейінділік есебі
Себетте 9 алма бар еді. Оның 2-еуі жерге түсіп қалды. Себетте неше алма қалды?
Жауабы
7 алма
Оқулықпен жұмыс
1-тапсырма: қосу және азайту тәсілін түсіндіру
Қосу
26 + 30 = (20 + 30) + 6 = 56
20 + 30 жазуы ондықтарға ондықтарды қосуды білдіреді.
Азайту
56 − 30 = (50 − 30) + 6 = 26
50 − 30 жазуы ондықтардан ондықтарды азайтуды білдіреді.
2-тапсырма: тақтамен жұмыс (түсіндіре отырып орындау)
Қосу
53 + 30 = (50 + 30) + 3
35 + 40 = (30 + 40) + 5
Азайту
83 − 30 = (80 − 30) + 3
75 − 40 = (70 − 40) + 5
3-тапсырма: өзіндік жұмыс
а) Өрнекті жаз және мәнін тап
(20 + 5) + 60 = 85
(70 + 9) − 40 = 39
(60 + 4) − 40 = 24
(20 + 2) + 50 = 72
ә) Теңдеуді шеш
6 + a = 10
a = 10 − 6
a = 4
Тексеру: 6 + 4 = 10