Тапқышбектер аялдамасы
Тақырыбы: Білімді мыңды жығады.
Мақсаты: Оқушылардың алған білімдерін жан - жақты дамыту, ойлау қабілеттерін, еркін сөйлеу дағдыларын дамыту, өз ұлтының салт - дәстүрін, мәдениетін, тарихын құрметтейтін азамат тәрбиелеу;
Түрі: талаптылар, білімділер сайысы.
Барысы:
1. Ұйымдастыру кезеңі.
Сайысқа 5 - 8 сыныптардан 1 оқушыдан қатысады, жан - жақты білімді, тапқыр оқушыны анықтау мақсатында сайысқа түседі.
Үлгілі тәртіп, жақсы оқу,
Алға қойған мақсаты.
Әрқашан да мектепте,
Шығып жүрген жақсы аты сайыскерлерімізді ортаға шақырайық.
А) Әділқазы алқасын тағайындау.
Ә) Қатысатын оқушыларды таныстыру.
Сәт сапар тілеп бәріңе, сайысты біздер басталық,
Көрсетіңдер өнерді, қалмаңыздар жасқанып дей отырып, сапарымызды бастаймыз.
1 - тур. Болашақ мектебім суретшілер аялдамасы.
Әр оқушы тақырып бойынша сурет салып, тақырыбын қорғайды.
2 - тур. Кім көп біледі? білімпаздар аялдамасы.
Салт - дәстүр, тарихымызға байланысты сұрақтарға жауап беру.
3 - тур. Өнерліге өріс кең өнерпаздар аялдамасы.
Құлақтан кіріп, бойды алар,
Әсем ән мен тәтті күй.
Көңілге түрлі ой салар,
Әнді сүйсең менше сүй.
Оқушылар өз өнерлерін ортаға салады.
4 - тур. Сен білесің бе? Тапқышбектер аялдамасы.
Математика пәні бойынша логикалық сұрақтарға жауап беру.
Сұрақтар:
1) Бір санды 9 есе арттырғанда 27 шығады, ол қандай сан? ( 3 )
2) 7 цифрымен аяқталатын сан берілген. Ол 300 - ден артық 310 - нан кем. Берілген санды тап. ( 307 )
3) Бөлмедегі 6 үстелдің әрқайсысының 4 орындығы бар, 4 үстелдің әрқайсысының 2 орындығы бар және 3 үстелдің әрқайсысының 6 орындығы бар. Барлығы неше орындық бар? ( 50 )
4) Самат кішкентай кенгурулерді бояуда: көк, жасыл, қызыл, қара, сары, көк, жасыл, қызыл ары қарай осы ретпен...... Кішкентай 17 - ші кенгурудің түсі қандай? (жасыл)
5) 360000 секунд қанша сағатқа тең болады? ( 100)
5 - тур. Жалғасын тап мақалшылар аялдамасы.
Жазылған мақалдың жалғасын тауып айту.
1) Досы көпті жау алмайды,...
2) Білекті бірді жығар,...
3) Жеті жұрттың тілін біл,..
4) Отыз тістен шыққан сөз,...
5) Білгенің бір тоғыз,..
6) Екі жақсы қас болмас,..
7) Досыңды үш күн сынама,...
8) Бір елі ауызға -...
9) Ер жігіттің екі сөйлегені - өлгені,...
10) Екі кеменің басын ұстаған.....
Қорытынды.
Келгенде жанға бақ күліп,
Сайысқа жаңа жақты үміт.
Әрқашан алда жүріңдер, мектептің даңқын арттырып.
Әділқазы алқасының шешімін жариялау
Сыныптан тыс жұмыстарының түрлері және маңызы туралы
Сауат ашу мәселесі бастауыш сынып окушыларын оқыту
Автобус қозғалысы жұмысын ұйымдастыру
ГАЖ негізінде ақпараттық анықтамалық жүйе құру
Қимыл-қозғалыс ойындарының нұсқалары
Сөз тіркесінің түрлері, топтастыруы
Айналадағы әлеммен таныстыру сабағында қимылды ойындар арқылы бала белсенділігін арттырудың педагогикалық ерекшелігі
Эстетикалық тәрбие туралы жалпы түснік
Зияткерлік тәрбие, ақпараттық мәдениет тәрбиесі
Экскурсиялық құжатты жобалау (Алматының архетектуралық көрінісінің ерекшелігі)
Сөзтізбек аялдамасы
Қостанай аялдамасы
Ойлан - ойлан аялдамасы
Мәтін аялдамасы
Көңілді қыс аялдамасы