Жарайсыңдар амандасу әдептіліктің белгісі
Ұйымдастырылған оқу іс-әрекетінің технологиялық картасы
Жамбыл облысы, Т. Рысқұлов ауданы, Құлан ауылы. «Балауса» балабақшасы. «Қарлығаш» ортаңғы тобы.
Тәрбиеші: Байтугелова Гаухар Ерғалиевна
Білім беру салалары
- Қатынас
- Шығармашылық
Бөлімдері
- Қоршаған ортамен таныстыру
- Сурет
Тақырыбы
Әдептілікке тәрбиелеу
Мақсаты
- Ересектерге «Сіз» деп сыпайы түрде сөйлеуге үйрету, әдепті қарым-қатынас мәдениетін және сыпайылық дағдыларын қалыптастыру.
- Байланыстыра сөйлеуге, диалог құрауға және эмоциялық қарым-қатынас жасауға баулу.
- Табиғатты сүюге және қорғауға тәрбиелеу.
- Дәстүрден тыс сурет салу техникасын дамыту, ұсақ қол моторикасын жетілдіру.
Міндеттері
Балалардың мейірімділік, өзара көмек және достық сияқты қасиеттер туралы түсініктерін кеңейту.
Көрнекі құралдар
Орман декорациясы: ағаштар, шыршалар, саңырауқұлақтар, гүлдер.
Құрал-жабдықтар
- Ақ қағаз парағы
- Түрлі түсті субояқ
- Бұршақтар
- Ермексаз жапсырылған кішкене стақан
- Сулық
Сөздік жұмыс
Билингвистикалық компонент
- Сәлеметсіздер ме
- Здравствуйте
- Сау болыңыз
- До свидания
- Өтінемін
- Пожалуйста
Инклюзивтік аспект
Тіл кемістігі бар балалармен жұмыс: тапсырмалар қысқа әрі түсінікті беріледі, маңызды сөздер бірнеше рет қайталатылады, диалогты қолдау үшін жетекші сұрақтар қойылады.
Сабақ барысы
Мотивациялық-қозғаушы кезең
Шаттық шеңбері. Балалар қонақтармен және бір-бірімен амандасады. Тәрбиеші амандасу — әдептіліктің белгісі екенін атап өтеді.
Қазақта: «Әдептілік белгісі — иіліп сәлем бергені» деген мақал бар.
Тілдік байланыс: орыс тілінде «Сәлеметсіздер ме?» — «Здравствуйте», ағылшын тілінде — Hello.
Тәрбиеші жыл мезгіліне қатысты жұмбақ жасырып, балаларға сұрақтар қояды. Содан кейін көктемнің жайма-шуақ күнінде орманда болған оқиға туралы әңгіме бастайды.
Іздену-ұйымдастырушы кезең
Тәрбиеші балаларға көздерін жұмып, көктем мезгілін елестетуді ұсынады. Жай әуен қосылып, орман табиғатының дыбыстары естіледі. Орманның ауасы таза екенін айтып, бірге тыныс алу жаттығуын жасайды.
Әңгіме желісі
Бұл орманда қоян мен кірпі өмір сүріпті. Тәрбиеші балалардан олардың қандай жануар екенін еске түсіруін сұрайды.
Алайда олар шыдамсыз болып, жан-жағын ластап, бұтақтарды сындырып, гүлдерді жұлып, саңырауқұлақтарды құлатып, таптап кетеді (декорация арқылы көрініс көрсетіледі).
Бір күні «Әдептілік еліне» ұшып бара жатқан Сыпайылық ханшайымының қолшатыры сынып, ол амалсыз орманға қонуға мәжбүр болады.
Әңгімелеу және диалог
- Тәрбиеші сұрағы: «Балалар, сендер бір-біріңмен және үлкен кісілермен қалай сөйлесесіңдер?»
- Қорытынды: әдепті бала сыпайы әрі мәдениетті сөйлейді.
- Балалар әдептілік туралы мақал-мәтелдер айтады.
Инклюзивтік қолдау: Нұрымға негізгі сөз тіркестерін 2–3 рет қайталатып, анық айтуына көмектесу: «Өтінемін», «Кешіріңізші».
Сергіту сәті
Қысқа қимыл-қозғалыс жаттығулары орындалады.
Орталықтарға бөлу
Балалар өз қалауы бойынша екі орталыққа бөлінеді: 1) Бейнелеу, 2) Өнер. Тәрбиеші қауіпсіздік ережелерін еске салып, жұмыс тәртібін түсіндіреді.
Саусақ жаттығуы
«Кірпі» саусақ жаттығуы арқылы ұсақ моторика дамытылады.
Рефлексивті-түзету кезеңі
Балалардың жұмыстары көрме ретінде ұйымдастырылып, әрқайсысының еңбегі бағаланып, мақтау сөздер айтылады.
Сұрақ-жауап арқылы балалардың түсінгені анықталып, оқу іс-әрекеті қорытындыланады.
Ескерту
Толық нұсқасын жүктеу: материалдың толық мәтіні бөлек файлда/қосымшада ұсынылады.