Қазақша рефераттар

Оқушыларды Тұрсын Жұртбайдың Қоңыр қозы әңгімесімен таныстыру

Әдебиеттік оқу • 2-сынып • Аралас сабақ

Сабақ тақырыбы: «Қоңыр қозы» (Тұрсын Жұртбай)

Бұл сабақта оқушылар Тұрсын Жұртбайдың «Қоңыр қозы» әңгімесімен танысып, мәтіннің мазмұны мен идеясын меңгереді. Сонымен қатар Мұхтардың балалық шағы туралы қысқаша мәлімет алып, көркем мәтінді мәнерлеп оқуға және топта бірлесе жұмыс істеуге дағдыланады.

Білімділік мақсат

  • «Қоңыр қозы» әңгімесінің мазмұны мен идеясын түсіну.
  • Мұхтардың балалық шағына қатысты мәліметпен танысу.

Дамытушылық мақсат

  • Сауатты, мәнерлі және әсерлі оқуға машықтану.
  • Шығармашылық тапсырмалар арқылы ойлау мен сөйлеу мәдениетін дамыту.

Тәрбиелік мақсат

  • Өнерге және білімге қызығушылықты арттыру.
  • Адамгершілік пен ізгілік құндылықтарын қалыптастыру.
  • Топта ынтымақтастықпен жұмыс істеуге тәрбиелеу.

Сабақтың сипаттамасы

Сабақ типі
Жаңа білімді меңгерту сабағы
Сабақ түрі
Аралас сабақ
Әдіс-тәсілдер
Түсіндіру, сұрақ-жауап, көрнекілік арқылы түсіндіру, жарыс элементтері
Көрнекілік
Суреттер, «Жазушылар топтамасы», интерактивті тақта материалдары

Сабақ жоспары

  1. Ұйымдастыру кезеңі
  2. Үй тапсырмасын тексеру
  3. Жаңа сабақ
  4. Жаңа сабақты бекіту
  5. Қорытындылау, бағалау
  6. Үйге тапсырма

Сабақтың барысы

1) Ұйымдастыру кезеңі

  • Сәлемдесу, оқушыларды түгендеу.
  • Сабаққа дайындығын тексеру, оқу құралдарын әзірлеу.
  • Оқушыларды топқа бөлу (әртүрлі пішіндегі суретшелер арқылы).

Психологиялық ахуал

Оқушылар жұптасып тұрып, бір-біріне шапалақтау арқылы сәттілік тілейді: қолды айқастырып, оң жаққа және сол жаққа кезекпен шапалақтайды.

2) Үй тапсырмасымен жұмыс

Әңгімені бөлімдер бойынша түсінік айтуға дайындалу. Топтарға сұрақтар беріліп, дайындыққа уақыт бөлінеді.

Белсенді меңгеруге дайындау

«Жазушылар топтамасы» материалдары бойынша тыңдалым ұйымдастырылады. Интерактивті тақта арқылы оқушылардың әңгімелерін тыңдау.

Ассоциация құрастыру

Әр топ «М. Әуезов» тақырыбында ассоциация жасап, ой түйінін өзге топ алдында қорғайды.

Нақтылау сұрағы

М. Әуезов кім? Ол — жазушы, драматург, Абайды әлемге танытқан тұлға. Мұхтардың атасы Әуез — Абайдың замандасы болған.

3) Жаңа сабақ

Тақырып пен мақсат

Сабақтың тақырыбы мен мақсаттары таныстырылады. Тақырып ребус арқылы табылады.

Қоян Ою Аң Ыдыс Радио Қоңыз Орақ Зырылдауық Ырғақ

Мұғалімнің бағыттауы: «Бүгін біз Мұхтардың бала кезіндегі бір сәтпен танысамыз».

Оқулықпен жұмыс

Әңгімені бөліктерге бөліп, топтық жұмыс арқылы мазмұнын ашу. Оқушылар мәтінді мәнерлеп оқиды.

1-топ

1-абзац

2-топ

2-абзац

3-топ

3-абзац

4-топ

4-абзац

Топтық тапсырмалар

  1. Мазмұндау
  2. Тізбектей оқу (кезектесе отырып)
  3. Суреттеу

Оқушылар тізбектей оқып, мәтін мазмұны бойынша сұрақтарға жауап береді.

Сергіту сәті

«Би терапиясы» (интерактивті тақта арқылы).

4) Бекіту: сұрақтар мен тапсырмалар

1-топ

  • Бала Мұхтарды атасы неге «қоңыр қозым» деп атады?
  • Мұхтар ауылының көктемгі көрінісін суреттеген жолдарды тауып оқы.

2-топ

  • Атасы Мұхтарды қайда апармақшы болды?
  • Абай ауылының көрінісін суреттеген жерді тауып оқы.

3-топ

  • Мұхтар ойынға неге араласпады?
  • Мұхтарды қызықтырған нәрселерді тауып оқы.

4-топ

  • Оның назары неге ауды?
  • Ұлттық ойындарды ата.
  • Мәтінде кездескен кейіпкерлерді ата.

Дәптермен жұмыс

Төмендегі сөз тіркестерін дәптерге жаз: күн шуағы, жасыл кілем, жасыл құрақ және т.б.

5) Қорытындылау және бағалау

Суретпен жұмыс

Ортақ топ құрып, сұрақ-жауап әдісі арқылы сурет бойынша талдау жүргізіледі.

Венн диаграммасы

Екі ауылдың көрінісін салыстыру:

I

Мұхтар ауылының көрінісі

II

Абай ауылының көрінісі

Бағалау

Бірін-бірі бағалау жүргізіледі. Мұғалім әр оқушының білімі мен белсенділігін кестелік бағалау арқылы қорытындылайды.

Кері байланыс (рефлексия)

  • Маған ұнады / ұнамады
  • Мен үшін жаңалық болды

6) Үйге тапсырма

Әңгімені бөлімдері бойынша түсінік айтуға дайындалу.