Балаларға өздерінің отбасы туралы түсінік бер
Білім беру саласы және оқу іс-әрекеті
Бағыттары
- Саласы
- Таным, шығармашылық
- Оқу іс-әрекеті
- Айналамен қоршаған орта
- Тақырыбы
- Мен және менің отбасым
Мақсаты
- Балалардың өз отбасы туралы түсінігін қалыптастыру.
- Ақыл-ойын, логикалық ойлау қабілетін және тілін дамыту.
- Достыққа тәрбиелеу; үлкенді сыйлауға, кішілерге қамқор болуға баулу.
Әдіс-тәсілдері
Сұрақ-жауап, әңгімелеу, ой қозғау.
Көрнекіліктер
Суреттер, нақыл сөздер, слайдтар.
Оқу іс-әрекетінің кезеңдері
Мотивациялық-қозғаушы кезең
Тәрбиешінің іс-әрекеті
Ұйымдастыру: шаттық шеңберін құру, балаларды бір-біріне жылы лебіз айтуға бағыттау.
Балалардың іс-әрекеті
Дөңгеленіп, шаттық шеңберін құрады:
Мейірімді жүрекпен,
Ақ пейілді тілекпен,
Амандасып алайық,
Бір жадырап қалайық.
Апай, сізді көргенімізге қуаныштымыз!
Іздену-ұйымдастырушы кезең (кіріспе)
Тәрбиешінің жетекші сұрақтары
- №2 слайд: «Мынау ненің суреті?»
- «Отбасы деген кімдер?»
- «Отбасы мүшелеріне кімдер жатады?»
- «Қане, “Шалқан” ертегісін еске түсірейік: ата, әже, қыз — олар қайда тұрады?»
- «Шалқанды кім отырғызды? Ол қандай болып өсті?»
- «Үлкен шалқанды қалай жұлып алды? Кім кімге көмектесті?»
Балалардың жауаптары мен тұжырымдары
Отбасы — бір үйде тұратын адамдар.
Отбасы мүшелері: әке, ана, әже, ата, аға, әпке, қарындас, іні және мен.
«Шалқан» ертегісінде шалқанды атасы отырғызады, ол үлкен болып өседі.
Атасы үйдегілерді көмекке шақырып, бәрі бір-біріне көмектесіп, шалқанды бірге жұлып алады.
Негізгі ой
Бір-бірін жақсы көріп, сыйлап, өзара көмектесетін отбасын тату отбасы деп атайды.