Қазақша рефераттар

Бастауыш пен баяндауыштың арасына қойылатын сызықша. Сабақтың тақырыбы

Сабақ тақырыбы

Баяндауыш. Бастауыш пен баяндауыштың арасына қойылатын сызықша.

Сабақтың мақсаты

  1. Бастауыш та, баяндауыш та зат есімнен болған жағдайда бастауыштан кейін сызықша қойылатынын салыстыру тәсілі арқылы түсіндіру.
  2. Тапсырмаларды орындау барысында ойлау, талдау, салыстыру арқылы алған білімдерін тиімді қолдану дағдысын дамыту.
  3. Жазу барысында сауатты, көркем, ұқыпты жазуға және жауапкершілікпен жұмыс жасауға тәрбиелеу.

Сабақ туралы қысқаша мәлімет

Көрнекілігі

Суреттер, ақылды тақта, қима қағаздар.

Сабақ түрі

Жаңа тақырыпты меңгертуге арналған дәстүрлі сабақ.

Әдіс-тәсілдер

Түсіндіру, сұрақ-жауап, ой қозғау.

Негізгі екпін

Бастауыш пен баяндауыштың арасына сызықша қойылу ережесін қолдану.

Сабақ барысы

1) Ұйымдастыру кезеңі

Оқушыларды сабаққа дайындау, көңіл күйді көтеретін қысқа «сәттілік сәтін» ұйымдастыру.

Көркем жазу

Ққ — құмсағат. «Құмсағат» сөзінен жаңа сөздер шығарып, жазу.

Терме диктант

Берілген сөздер ішінен баяндауыш болатындарын теріп жазу:

Құлыншақ үшінші жүгірді сатушы сөйлеп тұр қылқалам жарқырады тоқсан бес ұзындау мөңіреді көгілдір

2) Өткенді қайталау

Сөйлемнен бастауыш пен баяндауышты тауып, өткен тақырыпты пысықтау.

  • Баяндауыш дегеніміз не?
  • Баяндауыш қандай сұрақтарға жауап береді?
  • Баяндауыш қандай сөз табынан болады?
  • Баяндауышқа мысал келтір.

3) Жаңа сабақ

Зат есімнен болатын баяндауыш

  • Сәуле — биші.
  • Әділет — оқушы.
  • Сазан — балық.
  • Алма — жеміс.

Етістіктен болатын баяндауыш

  • Сәуле биледі.
  • Әділет оқыды.
  • Балық шоршиды.
  • Алма пісті.

Ереже: Бастауыш та, баяндауыш та зат есімнен жасалса, бастауыштан кейін сызықша (—) қойылады.

Әмір — күйші.

Алматы — сәулетті қала.

Сергіту сәті

Далада жел тұрды.

Жел қаттырақ соқты.

Найзағай жарқ етті.

Жаңбыр жауа бастады.

Жел баяулады.

Жаңбыр да ақырындады.

Жел басылды, күн ашылды.

1-тапсырма

Баяндауышы зат есімнен тұратын сөйлем құрастыр.

  • Ағам — суретші.
  • Атам — ұста.
  • Әкем — жүргізуші.
  • Нағашым — мұғалім.

2-тапсырма

Берілген сөздерді қолданып сөйлем құрастыр.

  • Абай Құнанбаев — ұлы ақын.
  • Астана — бас қала.
  • Роза Рымбаева — атақты әнші.
  • Талап — талмас қанат.

Сергіту сәті: көзге жаттығу

Қысқа көз жаттығуын жасап, кейін суреттер бойынша сөйлем құрастыр.

Құстар биікке ұшты.

Балықтар суда жүзді.

Дельфиндер суда шоршыды.

Жапалақтап қар жауды.

Кітаппен жұмыс

  • 49-жаттығу — жазбаша.
  • 51-жаттығу — ауызша.

4) Сабақты қорытындылау

Өтілген тақырып бойынша негізгі ұғымдарды жинақтау: баяндауыш және бастауыш пен баяндауыштың арасына қойылатын сызықша.

Шығармашылық тапсырма

«Баяндауыш» тақырыбы бойынша сөзжұмбақ құрастыр.