Қазақша рефераттар

Бекзат әкесі Сейілхан мен анасы Сырлыкүлдің кенже баласы

Сабақ тақырыбы

Қ. Рысбекұлы. «Бекзат»

Мақсаты

  • Мәтін мазмұнын тақырыппен байланыстыра отырып, негізгі идеясын ашуға жағдай жасау.
  • Бекзат Саттархановтың балалық арманы, жеткен жетістіктері мен шыққан биіктері туралы түсінік қалыптастыру.
  • Спортқа қызығушылықты оятып, елін және жерін сүюге тәрбиелеу.

Күтілетін нәтиже

  • Оқушылар мәтінді түсініп оқиды, негізгі ойды анықтайды.
  • Ақпаратты топта талдап, қорытынды жасайды және пікірін дәлелдейді.
  • Спорт пен отансүйгіштік құндылықтарын өмірмен байланыстырады.

Психологиялық ахуал

Оқушылар шеңберге жиналып, мұғаліммен бірге бүгінгі сабаққа сәттілік тілейді. Ынтымақтастық атмосферасын қалыптастыру үшін шағын өлең-ырғақ айтылады.

Өлең-ырғақ

Бала, бала, балақан,

Кәне, қайсы алақан.

Саусақтарың әйбат,

Былай-былай ойнат.

Топ-топ басайық,

Жалаудан күн жасайық.

Жаса, жаса алтын күн,

Жаса, жаса жарқын күн.

Қызығушылықты ояту

Сурет бойынша жұмыс

Оқушылар суретке сүйене отырып, болжам жасайды: бүгінгі мәтіннің тақырыбы, кейіпкері, негізгі идеясы туралы ой бөліседі.

Нәтиже

Жаңа сабаққа қызығушылық артып, оқушылар тапсырмаларға белсенді әрі ерекше ынтамен кіріседі.

Мағынаны тану

Автор туралы

Қыдырбек Рысбекұлы — «Бекзат» мәтіні арқылы жас спортшының арманы мен қайсар мінезін, биік мақсатқа адалдықты танытатын тұлғалық үлгіні сипаттайды.

Бекзат Саттарханов туралы мәлімет

Туған жері мен өмірі

  • 1980 жылғы 4 сәуірде Түркістан қаласында дүниеге келген.
  • 2000 жылғы 31 желтоқсанда, жаңа жылға санаулы минуттар қалғанда, Шымкент маңындағы Темірлан бекеті тұсында жол апатынан қаза болды.

Отбасы және бала мінезі

  • Қарапайым отбасында өскен; әкесі — Сейілхан, анасы — Сырлыкүл.
  • Отбасындағы кенже бала.
  • Сәби кезінде нәзік, аурушаң әрі әлжуаз болған.

Спортқа келуі

Алғашында ата-анасы «өзіңді қорғауды үйренсін» деген оймен Бекзатты күрес үйірмесіне береді. Бірақ ол күреске онша қызықпайды және күрестің бой өсіміне әсері болуы мүмкін деген оймен боксты таңдауға шешім қабылдайды.

1995 жылы бокс үйірмесіне жазылып, балалар бапкері Нұрлан Жұмабаевтан тәлім ала бастайды. Ата-анасы бұл қызығушылықты бастапқыда өтпелі кезең деп қабылдағанымен, Бекзат бір жылға жетпей-ақ республикалық сайыста жеңімпаз атанып, өз таңдауының дұрыстығын дәлелдейді.

Білімі

  • 1986–1996 жж. Абай атындағы мектеп-интернатта, кейін Жұмабек Еділбаев атындағы №18 орта мектепте оқыған.
  • Мұхтар Әуезов атындағы Оңтүстік Қазақстан мемлекеттік университетінің дене шынықтыру факультетіне түскен.
  • Қожа Ахмет Ясауи атындағы халықаралық қазақ-түрік университетінің заң факультетін тәмамдаған.

Үлгі тұтқан тұлға және арман

  • Бокста Серік Қонақбаевты үлгі тұтқан.
  • Анасы Сырлыкүлдің «Бекзат та чемпион болсын» деген үлкен арманы болған.
  • Бекзат бұл арманды ақтап, Сиднейдегі жеңісін Түркістан қаласының 1500 жылдығына тарту ететінін айтқан.

Оқулықпен жұмыс

JIGSAW әдісі

Мәтін бөліктерге бөлінеді. Әр топ өз бөлігін оқып, негізгі ақпаратты анықтап, басқа топтарға түсіндіреді.

Сөздік жұмысы

Мәтіндегі жаңа сөздер мен тіркестердің мағынасы талданып, сөйлем ішінде қолдану арқылы бекітіледі.

Қорытынды

Оқушылар мәтінмен жұмыс жасап, ой қорытады, дәлелді жауап беруге дағдыланады.

Сергіту сәті

Бекзат туралы бейнебаян көрсетіліп, қысқа сергіту жаттығулары орындалады.

«Сен білесің бе?» айдары

Қазақ боксшылары туралы қысқаша мәлімет беріледі, оқушылар өздері білетін спортшыларды атап, дерек келтіреді.

Топтық жұмыс

Оқушылар тапсырмаларды топпен орындап, нәтижесін сынып алдында қорғайды. Идеяларды жүйелеу үшін сызба және топтастыру әдістері қолданылады.

I топ

Бекзат туралы «5 жолды өлең» құрастыру.

II топ

Сипаттау мәтінін жазу.

III топ

Мақал-мәтелдер жазу және мәнін түсіндіру.

IV топ

Өлең ұйқасын құрастыру.