Қазақша рефераттар

Мәтінге сүйеніп қажетті сөздерді тап

Оқу мақсаттары және күтілетін нәтижелер

Оқу мақсаттары

  • 2.2.3.1 Мұғалімнің көмегімен мәтіннің тақырыбы мен негізгі ойын анықтау.
  • 2.3.2.1 Мұғалімнің көмегімен үлгі бойынша шағын ертегілер мен жұмбақтар жазу, немесе дайын ұйқастарды қатыстырып шумақтар мен санамақтар құрастыру.

Сабақ мақсаттары

Барлық оқушылар

Мәтінді оқиды, түсінеді, бағалауға қатысады, жазба жұмысын орындайды.

Оқушылардың басым бөлігі

Тақырыпты болжайды, қажетті және мағыналас сөздерді табады.

Кейбір оқушылар

Жазушыға еліктеп көркем сөйлейді, нақты дәлелдермен жаза алады.

Бағалау критерийлері

  • Жеке, жұптық және топтық тапсырмаларды орындай алады.
  • Сабақ барысында тыңдаушының назарын өзіне аудара алады.

Сабақтың басы: көңіл күйді көтеру және топқа бөлу

Тренинг: «Күлімдеген күн»

Күлімдеп күн бүгін,
Қарайды маған да.
Күлімдеп күн бүгін,
Қарайды саған да.
Күлімдеп күн бүгін,
Қарайды бәріне.

Топқа бөлу: мақал-мәтелдер арқылы

  • 1. Дені саудың — жаны сау.
  • 2. Денсаулық — саулық негізі, саулық — байлық негізі.

Үй жұмысын тексеру: «Сиқырлы қорапша» ойыны

  1. «Менің туған өлкем» бөлімінде немен таныстық?
  2. Отан дегеніміз не?
  3. Кімнің мекені жақсы деп ойлайсың?
  4. Тәуелсіздікті қашан алдық?

Сабақтың ортасы: мағынаны ажырату және мәтінмен жұмыс

Мағынаны ажырату: сөзжұмбақ-жұмбақтар

  • Шар тәрізді кәдімгі, ол — мүшең ең қадірлі.

    Жауабы: Бас

  • Кезек-кезек ауысар, жолды аттаумен тауысар.

    Жауабы: Аяқ

  • Сезінбейсің тек оны, көтерер бар денені.

    Жауабы: Сүйек

Жалғасы

  • Табады ұлан болса үздік, онсыз ұстамайды ол түк.

    Жауабы: Қол

  • Екі көздің арасын мекен еткен дара шың.

    Жауабы: Мұрын

  • Бұл бір мүше — бек сыйлы, бар дыбысты естиді.

    Жауабы: Құлақ

Ой қозғау

Байлық деген не? Осы сұрақ арқылы оқушылар өз түсінігін айтады:

«Мен үшін байлық — ...»

Оқулықпен жұмыс: «Байлық» мәтіні

  • Автор туралы қысқаша түсінік беріледі.
  • Мәтінді түсініп оқу, рөлге бөліп оқу ұйымдастырылады.
  • Түсіндірме сөз

    Сом — теңге шыққанға дейін қолданылған ақшаның атауы.

Ауызша тапсырма

Мәтінге сүйеніп, «жарлы» сөзіне мағынасы жуық сөздерді ата.

Топтық жұмыс

1-топ

Мәтінге сүйеніп қажетті сөздерді тап:

  • ... көздерім
  • Қандай? ... құлақтарым
  • ... аяқтарым

2-топ

«Денсаулық — зор байлық» екенін дәлелдермен түсіндір.

Үлгі: Денсаулық — зор байлық. Өйткені менің ... көздерім болмаса, не істер едім?

Жетістік критерийлері

  • Қажетті сөздерді таба алады.
  • Өз пікіріне дәлелдер келтіре алады.

Сергіту сәті: «Көңілді шырша»

Қысқа қимыл-қозғалысқа негізделген сергіту жаттығулары орындалады. Мақсат — зейінді жаңғыртып, жұмыс ырғағын сақтау.

Постер қорғау

«Байлық» және «Денсаулық» ұғымдарын топтастырып, постер арқылы қорғайды.

Дәптермен жұмыс: ой толғау (жазылым)

Дайын ұйқастарды қатыстырып өлең шумақтарын құрастыру, денсаулық туралы мақал-мәтел жазу, немесе шағын әңгіме құрастыру.

Сабақтың соңы: үй тапсырмасы және рефлексия

Үй тапсырмасы

  • Мәтінді оқу.
  • Денсаулық туралы мақал-мәтелдер жазып, мағынасын түсіндіру.

Рефлексия және кері байланыс

Рефлексия сөйлемін жалғастыру: «Бүгін мен мәтін арқылы ... түсіндім»

Кері байланыс: «Блоб ағашы» әдісі арқылы өз сезімі мен жетістігін белгілейді.

Негізгі ой

Сабақтың өзегі — «байлық» ұғымын қайта қарастыру: ең құндысы — адамның денсаулығы, мүшелердің амандығы, жан мен рухтың тазалығы.