Қазақша рефераттар

Шығарманың басталуы

Қазақ әдебиеті • 6-сынып

Сабақ тақырыбы: М. Мағауин «Бір атаның балалары» (повестен үзінді)

Бұл сабақта оқушылар жазушы Мұхтар Мағауиннің өмір жолын еске түсіріп, «Бір атаның балалары» повесіндегі кейіпкерлерді, оқиғаларды және тілдік ерекшеліктерді талдау арқылы сыни ойлау мен бірлескен жұмыс дағдыларын дамытады.

Оқу мақсаттары (6.1.1.3)

  • М. Мағауиннің «Бір атаның балалары» шығармасын (повестен үзінді) мазмұны мен көркемдік-идеялық қырынан түсіну.

Бағалау критерийлері

  • Шығармадағы кәсіби, диалект және кірме сөздерді талдайды.
  • Ахмет пен Зекеннің іс-әрекетін анықтап, бағамдайды.

Құндылықтар

  • Сын тұрғысынан ойлау және ашық пікір айту.
  • Топтық жұмыс барысында сыйластық, ынтымақтастық, жауапкершілік.
  • Білім алуға дайын болу және өз ойын дәлелді жеткізу.

Пәнаралық байланыс

Лексика тарауы: кәсіби сөздер, диалект сөздер, кірме сөздер (5.1.).

Алдыңғы оқу

Оқушылар М. Мағауиннің өмірі мен шығармашылығы туралы бастапқы түсінікке ие, шығарманың мазмұнын жалпы біледі.

Сабақ барысы

Жеңіл режим • Light Mode

Сабақтың басы

7 минут • «Зымыран сұрақтар» әдісі

Жылдам жауап • Топтық жұмыс

Оқушылардың М. Мағауин туралы және «Бір атаның балалары» повесі бойынша білімін жинақтау үшін әр топқа 2–3 сұрақ қойылады. Мақсат — көп ойланбай, нақты жауап беру.

I топ: «Әдебиетшілер»

  1. Жазушы М. Мағауин қай жылы, қай жерде дүниеге келген?
  2. Ахмет ақсақал мен Дәуренбек арасындағы түсініспеушілік неден туды?
  3. Ауыл ішінде ойналған ойын қалай аталады?

II топ: «Зерттеушілер»

  1. Соғысқа сол ауылдан қанша азамат қатысты?
  2. Нартайды кім асырап алды?

III топ: «Мұхтартанушылар»

  1. Зекен сиырларды егінге түсіріп жібергенде Ахметпен жанжалдасқан кім?
  2. Ахмет қай ауылға көшеді?

IV топ: «Сыншылар»

  1. Ертайды кім асырап алды?
  2. Балаларды ауылға не үшін алып келді?

Сабақтың ортасы

30 минут • «Еркін жауап» әдісі

Талдау • Дәлел • Қорытынды

Оқушылар топтасып, әртүрлі әдістер арқылы М. Мағауиннің «Бір атаның балалары» повесін жан-жақты талдайды: мазмұн, композиция, идея, кейіпкерлер әрекеті және тілдік ерекшеліктер.

I топ: RAFT стратегиясы

  • R — Рөл: шығармадағы кейіпкерлер.
  • A — Аудитория: шығарма кімге арналған, қандай оқиғалар суреттеледі?
  • F — Форма: шығарма формасы қалай берілген, неше бөлімге бөлуге болады?
  • T — Тақырып: шығарма тақырыбы қандай, автор нені айтқысы келеді?

II топ: Шығарманың құрылымын талдау

Негізгі деректер

Шығарманың аты
«Бір атаның балалары»
Авторы
Мұхтар Мағауин

Композиция

  • Басталуы
  • Дамуы
  • Байланысуы
  • Шиеленісуі
  • Шарықтау шегі
  • Шешімі

III топ: Тұжырымдамалық карта

М. Мағауиннің өмірі мен шығармашылығына тоқталып, негізгі кезеңдер мен әдеби мұрасын байланыста көрсетеді.

IV топ: «Фишбоун» (балық қаңқасы) әдісі

Шығармадағы негізгі мәселені анықтап, себеп–салдар мен шешу жолдарын жүйелейді.

Бас сүйек

Өзекті мәселе (негізгі түйін).

Қабырға сүйектері

Мәселені шешу жолдары, дәлелдер.

Құйрық бөлігі

Негізгі қорытынды ой.

Автор туралы мәлімет

Білім беру ұйымы

№158 орта мектебі

Пән мұғалімі

Қазақ тілі мен әдебиеті пәні мұғалімі — Кетепова Жаухар

Материал: М. Мағауин «Бір атаның балалары» (повестен үзінді).