Сабақтың көрнекілігі. Сабақтың барысы
Әдебиет • 5-сынып
Сабақтың тақырыбы: Әдебиет шыңына апаратын соқпақ (халық ауыз әдебиеті)
Бұл сабақ — халық ауыз әдебиеті бойынша өткенді еске түсіріп, жанрлар жүйесін қайталау арқылы оқушының шығармашылық ойлауын, сөз мәдениетін және әдеби талғамын дамытуға бағытталған.
Сабақтың мақсаттары
1) Білімділік мақсаты
Халық ауыз әдебиеті бойынша өткенді еске түсіріп, жүйелі түрде қайталау. Әр жанрға байланысты тапсырмалар арқылы оқушылардың шығармашылық қабілетін арттыру.
2) Дамытушылық мақсаты
Өз пікірі бар, эстетикалық талғамы қалыптасқан, сауатты әрі мәдениетті оқырман тәрбиелеу. Ауызша еркін сөйлеуге, шешендікке, көркем тілмен жеткізуге және сауатты жазуға үйрету; осы дағдыларды дамыту.
3) Тәрбиелік мәні
Туған халықтың тілі мен әдебиетіне деген ұлттық сезімді нығайту. Эстетикалық талғамды қалыптастырып, әдебиетке қызығушылықты арттыру.
Сабақтың көрнекілігі
- «Әдебиет шыңына апаратын соқпақ» плакаты
- Венн диаграммасы
- Семантикалық карта
- Үлестірме материалдар
Сабақтың форматы мен әдіс-тәсілдері
Сабақтың түрі
Топтық және жұптық жұмыс
Әдіс-тәсілдер
- Сын тұрғысынан ойлау стратегиялары (оқу мен жазу арқылы)
- Ассоциация
- Венн диаграммасы
- «Түртіп алу» әдісі
- Семантикалық карта
Сабақтың барысы
- 1 Ұйымдастыру кезеңі
- 2 Жаңа сабақты түсіндіру
Әдебиет пәні — сөз өнері. Сондықтан әдебиетті оқытудың басты мақсаты — оқушыларды сөз өнерінің қыр-сырымен таныстыру, халық даналығы мен өсиетінен нәр алдыру, кітапқа қызығушылығын ояту және халқымыздың рухани байлығы саналатын әдеби мұраны жан-жақты игерту.
Бұл сабақта оқушының ой-пікірі мен әсерін қалыптастыру, шығармашылық қабілетін ояту көзделеді. Сол себепті халық ауыз әдебиеті түрлерінен өткенді қайталау сабағы «Әдебиет шыңына апаратын соқпақ» деп аталады.
«Жеті аялдама» идеясы
Әдебиет шыңына жету үшін біз жеті аялдама арқылы өтеміз. Бұл — халық ауыз әдебиетінің негізгі жанрларына байланысты сұрақтар мен тапсырмалар орындалатын кезеңдер.
Бұл соқпақ — әдебиет әлеміне енді қадам басқан жас буынға арналған танымдық сапар. Біз халқымыздың асыл мұрасынан, бейнелі сөз маржандарынан, ауыз әдебиетінің қазынасынан жаңа білім мен әсер аламыз.
Сапарға шығар алдындағы қадам
Керуен сапар басталмас бұрын халық ауыз әдебиетінің түрлерін еске түсіріп алайық.