Қазақша рефераттар

Таңбалары бірдей рационал сандардың қосу

Сабақ: Рационал сандарды көбейту (6-сынып)

Бұл сабақ рационал сандарды көбейту ережелерін түсінуге және оларды есеп шығару барысында сауатты қолдануға бағытталады.

Сабақтың мақсаты (білімділік)

Рационал сандарды көбейту ережелерін түсіндіру және оны есептер шығаруда дұрыс қолдануға үйрету.

Сабақтың мақсаты (дамытушылық)

Оқушылардың логикалық ойлау қабілетін дамыту, өз бетінше жұмыс істеу дағдыларын қалыптастыру.

Сабақтың мақсаты (тәрбиелік)

Еңбекқорлыққа, дәлдікке, ұқыптылыққа, шапшаңдыққа және ойды дәйекті жеткізуге тәрбиелеу.

Сабақтың түрі

Жаңа ұғымды меңгерту сабағы.

Әдіс-тәсілдер

Түсіндіру, сұрақ-жауап, топпен жұмыс.

Көрнекіліктер

  • Интерактивті тақта, презентация
  • Кеспе қағаздар, электронды оқулық
  • Формулалар

«Миға шабуыл»: өткен тақырыптарды пысықтау

Топтық жұмыс арқылы негізгі ұғымдарды еске түсіреміз және қысқа сұрақтарға жауап береміз.

1-топ

  1. Натурал сандар дегеніміз не?
  2. Әр түрлі таңбалы сандарды қалай қосамыз?
  3. −100 бен −12-нің қайсысы үлкен? Неліктен?

2-топ

  1. Бүтін сан дегеніміз не?
  2. Таңбалары бірдей рационал сандарды қосу ережесін айтыңдар.
  3. Координаталық түзу дегеніміз не?

3-топ

  1. Рационал сан дегеніміз не?
  2. Екі қарама-қарсы рационал санның қосындысы неге тең?
  3. Координаталық түзуде A(−3) және B(8) нүктелерінің арақашықтығы неге тең?

Білу: сәйкестендіру тапсырмасы

Төмендегі өрнектердің мәнін тауып, сәйкес нәтижемен жұптастырыңыз.

Өрнектер

  • 0,73 + 5,27→
  • 1 − 10→
  • 100 + (−0,25)→
  • −3,42 − 2,1→
  • 0 − 2,5→
  • 4 − (−0,78)→
  • −3,32 + (−4)→
  • −6,3 + 6,3→
  • −5,6 − 10→

Нәтижелер

  • −5,52
  • −2,5
  • −15,6
  • 0
  • 99,75
  • 4,78
  • −7,32
  • −9
  • 6

Түсіну: рационал сандарды көбейту ережелері

Рационал сандарды көбейткенде көбейткіштердің арасында теріс сандар кездесуі мүмкін. Сондықтан алдымен көбейтіндінің таңбасын анықтаймыз, содан кейін модульдерді көбейтеміз.

1) Таңбалары әртүрлі болғанда

Мысалдар:

−4 · 3 = (−4) + (−4) + (−4) = −12

−0,35 · 3 = (−0,35) + (−0,35) + (−0,35) = −1,05

(−8) · 6 = −(8 · 6) = −48

Ереже: таңбалары әртүрлі екі рационал санды көбейту үшін:

  • көбейткіштердің модульдерін көбейтеміз;
  • шыққан санның алдына «−» таңбасын қоямыз.

Таңбалар ережесі

(−) · (+) = (−)     (+) · (−) = (−)

Формула түрінде

(−a) · b = −ab

a · (−b) = −ab

2) Таңбалары бірдей болғанда

Мысалдар:

4 · 15 = 60

12 · 10 = 120

−7 · (−5) = 35

−0,2 · (−1,5) = 0,3

−2 · (−15) = 30

−0,4 · (−0,1) = 0,04

−8 · (−10) = 8 · 10 = 80

Ереже: таңбалары бірдей рационал сандарды көбейткенде нәтиже оң сан болады. Екі теріс санды көбейту үшін көбейткіштердің модульдерін көбейтеміз.

Таңбалар ережесі

(+) · (+) = (+)     (−) · (−) = (+)

Формула түрінде

(−a) · (−b) = ab

Мұғалім туралы

Математика пәні мұғалімі: Әуезханова Г. Ж.