Қазақша рефераттар

Егінші мен қасқыр (Литва ертегісі)Мақсаты

Сабақ туралы

Сабақ тақырыбы

«Егінші мен қасқыр» (Литва ертегісі)

Мақсаты

Ертегіні түсініп оқуға үйрету.

Міндеттері

  1. Ертегіні рөлге бөліп оқу.
  2. Берілген сурет пен ертегінің байланысын анықтау.
  3. «Дүниедегі ең дәмді ас» туралы пікірін дәлелдеу.

Көрнекіліктер

  • Слайд
  • Тірек сызба
  • Үлестірме қағаздар
  • Бейнеролик

Күтілетін нәтижелер

Оқушы меңгереді

  • Жаңа тақырып туралы түсінік қалыптастырады.
  • Тақырыптың мағынасы мен мазмұнын түсінеді.
  • Өз пікірін жеткізіп, тапсырмаларды орындай алады.
  • Ойын еркін әрі сыни тұрғыдан талдап айта алады.

Қамтылатын модульдер

  • 1-модуль: Оқыту мен оқудағы жаңа тәсілдер
    Топтық жұмыс, диалогтік оқыту.
  • 2-модуль: Сыни тұрғыдан ойлауға үйрету
    Ассоциация, кубизм.
  • 3-модуль: Бағалау
    Өзін-өзі және өзара бағалау.
  • 4-модуль: АКТ қолдану
    Интерактивті тақтамен жұмыс, бейнематериал.

Сабақтың құрылымы

1-қадам
Қызығушылықты ояту
2-қадам
Мағынаны ашу
3-қадам
Ой толғаныс
4-қадам
Рефлексия
5-қадам
Бағалау

Сабақ барысы

Мұғалімнің іс-әрекеті

  1. Үй тапсырмасын сұрайды.
  2. Оқушыларды топқа бөледі.
  3. Зейінді сабаққа шоғырландырады.
  4. Жаңа тақырыпты түсіндіреді.
  5. Тапсырмалар береді.

Оқушының іс-әрекеті

  1. Үй тапсырмасын орындайды.
  2. Геометриялық фигуралар арқылы топқа бөлінеді.
  3. Зейінін сабаққа аударады.
  4. Жаңа тақырыпты меңгереді.
  5. Тапсырмаларды топпен орындайды.
  6. Кері байланыс береді (алма ағашына алма ілу арқылы).
  7. Бағалау парақтары және «Екі жұлдыз, бір тілек» тәсілі арқылы өзара бағалайды.

I. Қызығушылықты ояту

Ұйымдастыру кезеңі (5–10 минут)

Психологиялық дайындық: «Жүректен жүрекке»

Әр оқушы кішкентай жүрекшеге бір-біріне тілек жазып, «Ғажайып ағашқа» іледі.

Үй тапсырмасын тексеру

Модуль 1 (диалогтік оқыту): «Шегіртке мен құмырсқа» мысалын 2–3 оқушыға жалғастыра айтқызу.

Үй тапсырмасын пысықтау
Модуль 2, әдіс: «Ортадағы қаламсап»
Сұрақ-жауап

Оқушылар қаламсаптарын ортаға жинайды. Мұғалім таңдаған қаламсап иесі сұраққа жауап береді.

Сұрақ 1

«Шегіртке мен құмырсқа» мысалы кімнің аудармасы?

Сұрақ 2

Жаз мезгіліндегі және қыс мезгіліндегі шегірткені салыстыр.

Сұрақ 3

Құмырсқа шегірткені неліктен илеуіне кіргізбеді?

Сұрақ 4

Өмірде шегірткеге ұқсап қалмау үшін қандай әрекет етер едің?

Топқа бөлу

Оқушылар геометриялық фигуралар бойынша 3 топқа бөлінеді: үшбұрыш, шаршы, шеңбер.

II. Мағынаны ашу

20–25 минут

Жаңа сабаққа әзірлік
Модуль 2: ассоциация, «Миға шабуыл»
Ойна да, ойла!

— Балалар, араларыңда оқығысы келмейтіндер бар ма?

— Ал оқығысы келетіндер ше?

Мектепке келгендеріңе де үш жыл болды. Жыл өткен сайын білімдерің шыңдалып келеді. Ендеше, «Ойна да, ойла!» ойынын ойнайық: берілген сандарды өсу ретімен орналастырсаңдар, жаңа сабағымыздың тақырыбы шығады.

Кілт тапсырма
1 2 3 4 5 6 7 8 9 10 11 12 13 14 15

Егінші мен қасқыр

Бүгінгі сабақ осы ертегіге арналады. Күннің жадын және тақырыпты дәптерге жазу.

Ертегіні оқу
Модуль 1: диалогтік оқыту
4–5 оқушы

Ертегі 4–5 оқушыға тізбектей оқытылады. Сұрақтар арқылы мазмұны тереңдетіледі.

1-сұрақ

Егінші не істеді? Аздап тыныққан соң, қолына нан алып жей бастады.

2-сұрақ

Осы кезде қандай жағдай болды? Бір үлкен қасқыр келді.

3-сұрақ

Қасқыр адамнан не сұрады? «Адам, не жеп отырсың?»

4-сұрақ

Адам не деп жауап берді? «Нан».

5-сұрақ

Қасқыр не деді? «Маған да наныңнан берші!»

6-сұрақ

Қасқыр егіншіге қандай өтініш айтты? «Сен маған оны табудың жолын үйретші».

Сергіту сәті
Қимыл-қозғалыс

Қысқа сергіту жаттығулары орындалады.

III. Ой толғаныс және қорытындылау

Ой қозғау тапсырмалары топпен орындалады.

I топ
Пікір

Дүниедегі ең дәмді ас қандай тағам деп ойлайсың? Пікіріңді дәлелде.

II топ
Ереже

Нанды құрметтеуге қатысты қандай әдеп ережелерін білесің? Өз бетіңше ереже құрастыр.

III топ
Көрініс

Ертегінің негізгі идеясына сай көрініс көрсет.

Үй тапсырмасы, рефлексия және бағалау

Үй тапсырмасы

Ертегіні оқып келу және оны көрініс ретінде сахналап көрсету.

Рефлексия

Оқушылар сабақтан алған әсерін стикерге жазып, кері байланыс парағына іледі.

Кері байланыс тәсілі

«Алма ағашына алма ілу».

Бағалау

  • Бағалау парақтары арқылы өзара бағалау.
  • «Екі жұлдыз, бір тілек» арқылы топтардың бірін-бірі бағалауы.