Білім аукционы
Іс-шара құжаты
Smart Student зияткерлік ойынының сценарийі
Пән
Информатика
Мұғалім
Қамалиден Айгерім Сағындыққызы
Аясында
Информатика, математика және физика апталығы
Өтетін орны: салтанат залы. Көрермендер: оқытушылар, І және IV курс студенттері.
Мақсаты
- Ойын-сабақтар арқылы оқушылардың танымдық белсенділігін арттыру және пәнге қызығушылығын күшейту.
- Зияткерлік қабілетін дамыту, логикалық ойлау жүйесін қалыптастыру.
- Шапшаңдыққа, жүйелілікке, жауапкершілікке, ізденімпаздыққа және эстетикалық талғамға тәрбиелеу.
Техникалық құралдар
Сайыс форматы
Ойынға 2 команда қатысады. Сайыс 4 турдан тұрады.
- I Білім аукционы
- II Эрудиттер сайысы
- III Таңдау — табыс
- IV Ширату
Кіріспе сөздер
1-жүргізуші
Қайырлы күн, құрметті қонақтар, оқытушылар және білімге құштар жас өрендер! Smart Student атты зияткерлік ойынға қош келдіңіздер.
Ойын 4 турдан тұрады: I тур — Білім аукционы II тур — Эрудиттер сайысы III тур — Таңдау — табыс IV тур — Ширату
Өмірге өзек болған нақты ғылым,
Әлемге ақпараттың шашты нұрын.
Келеді тәрбиелеп еркін елдің,
Ертеңгі алғыр қызын, тапқыр ұлын.
Ойынымыз басталмас бұрын, білім сайысының әділқазы мүшелерімен таныс болыңыздар:
_________________________________________________
2-жүргізуші
Нұрлы үмітпен арқалаған арқаға,
Жан сәулесін тарататын баршаға.
Шын ықыласпен құрметімізді білдіріп, Smart Student ойынының сайыскерлерін ортаға шақырайық.
Алдарыңызда өз білімімен, ақыл-ойымен, эрудициясымен ерекшеленген оқушылар бақтарын сынамақ.
1-команда
__________________________
2-команда
__________________________
Ендеше, Smart Student білімділік сайысын бастауға рұқсат етіңіздер. Кезек қатысушыларға берілсін: әр команда өздерін таныстырып өтсін.
I тур — Білім аукционы
Ойын ішіндегі ең динамикалық кезең: сұрақтар баға арқылы «сатып алынады», ал жауап капиталды арттырады немесе азайтады.
Бастапқы капитал
50 теңге
әр командаға
Ереже
Сұрақтың бастапқы бағасы — 10 теңге. Команда капитаны бағаны көтере алады. Ең жоғары баға ұсынған команда сұрақты алады.
Ұпай есептеу
Дұрыс жауап болса — ставка сомасы команда қорына қосылады. Қате болса — сол сома капиталдан шегеріледі.
Ескерту
Егер команда барлық капиталын бір сұраққа қойып, қателессе — банкрот. Бұл команда аукционға қатыса алмайды.
Ұлы ұстаз Ахмет Байтұрсыновтың: «Білім — біліктілікке жеткізер баспалдақ, ал біліктілік — сол білімді іске асыра білу дағдысы» деген сөзіне сүйене отырып, аукционды бастаймыз.
Лот №1 — Информатикаға үлес қосқан ғалым
Сұрақ: «Компьютердің атасы кім?»
Жауабы
Чарльз Бэббидж
Лот №2 — Компьютер тарихы
Сұрақ: «Гректер мен Батыс Еуропалықтар — абак, қытайлықтар — суанпан деп атаған санау құрылғысын жапондықтар қалай атаған?»
Жауабы
Соробан
Лот №3 — Информатика теориясы және әдістемесі
Сұрақ: «1846 жылы Бэббидж машинасына бағдарлама жазған, Байронның қызы, әлемдегі алғашқы әйел бағдарламашы кім?»
Жауабы
Ада Лавлейс
Лот №4 — Информатикаға үлес қосқан ғалым
Сұрақ: «19 жасында дүние жүзінде алғаш рет қосу машинасын жасап шығарған ғалым кім?»
Жауабы
Блез Паскаль
Лот №5 — Компьютер тарихы
Сұрақ: «1694 жылы неміс математигі Лейбниц қандай машина құрастырды?»
Жауабы
Арифмометр
Лот №6 — Информатика теориясы және әдістемесі
Сұрақ: «1890 жылы АҚШ-та халық санағы нәтижелерін өңдеуді жылдамдату үшін Герман Холлерит қандай құрылғы ойлап тапты? (Кейін осы кәсіпорын негізінде IBM құрылды.)»
Жауабы
Табулятор
Ескерту
Бұл мәтін берілген нұсқаның толық емес бөлігі. Құжатта «Толық нұсқасын жүктеу» деген белгі бар, бірақ сілтеме мәтінмен бірге берілмеген.