Қазақша рефераттар

Сөздер мен сөз таптарын сәйкестендіру

Тақырып: Сөз таптары

Бұл сабақ жоспары оқушылардың сөз таптары туралы білімін жүйелеуге, бекітуге және танымдық тапсырмалар арқылы шығармашылық қабілетін дамытуға бағытталған.

Мақсаты

  • Білімділік: сөз таптары мен олардың түрлері туралы білімді жинақтау, бекіту; шығармашылық қабілетті дамыту.
  • Тәрбиелік: ана тілін сүюге, құрметтеуге тәрбиелеу; адамгершілік қасиеттерді қалыптастыру.
  • Дамытушылық: грамматикалық тапсырмалар арқылы сөздік қорды молайту, сауатты жазуды және шығармашылық ойлауды дамыту.

Сабақтың сипаты

Сабақ типі
Жаңа сабақты меңгерту
Сабақ түрі
Аралас сабақ
Сабақ әдісі
Сұрақ-жауап, әңгімелеу, қызығушылықты ояту, талдау, жинақтау

Көрнекіліктер

  • Суреттер
  • Кеспе қағаздар
  • Ереже жазылған плакат
  • Интерактивті тақта

Сабақ барысы

I. Ұйымдастыру кезеңі

Оқушылардың назарын сабаққа аудару, сыныптың дайындығын тексеру, сабақ мақсатын қысқаша айту.

II. Үй тапсырмасын тексеру

9-жаттығу: сөздер мен сөз таптарын сәйкестендіру.

1) Біз нені білеміз?

Өткен тақырыпты ереже бойынша қайталау.

2) Ойлан, тап

Ребус шешу.

3) Ойымызды жинақтайық

Үнтаспадан тыңдап, сөздерді сөз таптарына топтау.

I топ: Зат есім II топ: Сын есім III топ: Етістік IV топ: Сан есім

Шығармашылық тапсырма: топ ішінде қысқа мысалдар құрастырып, дәлелдеңдер.

Жаңа сабақ: Сөз таптары

Интерактивті тақта арқылы сөз таптарының негізгі түрлерін қайталау және мысалмен бекіту.

Зат есім

Кім? Не?

Етістік

Не істеді? Не қылды?

Сан есім

Неше? Қанша?

Сын есім

Қандай? Қай?

III. Сергіту сәті

Қысқа қимыл-қозғалыс жаттығулары арқылы зейінді сергіту.

4) «Кім шапшаң?» ойыны

11-жаттығу: суретке қарап, сөз таптарын анықтап айту.

Зат есім Етістік Сын есім Сан есім
Кім? / Не? Не істеді? Қандай? Неше?
ауыл көркейді үлкен бір

5) Тақтамен жұмыс

3-жаттығу: мәтінді көшіріп жаз.

Қыс

Қақаған аяз. Қалың қар жәндік біткенді жатқан індерінен шығармай тастады. Ашыққан түлкі түн жамылып ауылдың маңын торыды. Ол тауық тәрізді оңай олжа аулауға кірісті.

(Ж. Садықов)

Тапсырма: мәтіннен сөз таптарын тауып, астын сыз.

6) Өздік жұмыс

Сөз таптарын ажырату

  • Асан — зат есім.
  • Төрт — сан есім.
  • Биледі — етістік.
  • Қызыл — сын есім.

Көп нүктенің орнына тиісті зат есімдерді қой

Кісі аттары:

..., ...

Өзен аттары:

..., ...

Гүлдердің аттары:

..., ...

Сөздерді қойып, толық нұсқасын көшіріп жазыңдар.

7) «Кім зерек?»

Мағыналық картаны толтыру: сөз таптарын анықтап, тиісті бағанға орналастыру.

8) Шығармашылық тапсырма: «Бес жол өлең»

Тақырыбы: Аққала

  1. Не?
  2. Қандай?
  3. Не істейді?
  4. Сезіміңді білдір.
  5. Мағыналас сөз.

9) Ойын: «Аққала соғу»

Аққала макетінің артына жазылған сұрақтарға жауап беру.

  • 1 Зат есімнің сұрақтарын ата.
  • 2 Сан есім дегеніміз не?
  • 3 Етістікке мысал келтір.
  • 4 Сын есімнің ережесін жаз.

IV. Сабақты қорытындылау

Сәйкестендіру тесті арқылы негізгі ұғымдарды қайталау: зат есім, сын есім, етістік, сан есім.

Үй тапсырмасы және бағалау

Үйге тапсырма: «Қыс» тақырыбына мәтін құрастыр. Суретін сал.

Бағалау: тапсырмаларға қатысуы, жауаптарының дәлдігі және жазба жұмысының сауаттылығы бойынша.