Әсем күлкі
Дастархан — берекенің символы
Қазақ халқы қуанышты да, қайғыны да дастархан басында бөліскен. Өсиет айту, бата беру, татуласу, достасу — бәрі де бір дастарханның маңында шешімін тапқан. Сол себепті халқымыз дастарханды құт-берекенің қасиетті нышаны деп қадірлейді.
Дәстүрлі көрініс
Үй төріне дөңгелек үстел жайылып, ақ дастархан төселеді. Жиналған жұрт дастарханды айнала отырып, бірлік пен ынтымақтың мәнін айқындайды.
Тақырып: «Нан — байлықтың атасы»
Бұл тақырып оқушыларға нанның қадірін ұғындырып, еңбектің мәнін терең түсіндіруге бағытталған тәрбиелік мазмұны зор жұмыс ретінде ұсынылады.
Мақсаты
- 1 Оқушыларға нан мен дән туралы мағлұмат беру, нанның үлкен еңбекпен келетінін түсіндіру, сөздік қорын молайту.
- 2 Топтық жұмыс арқылы тақырыпты ашу, танымдық қабілетін арттыру.
- 3 Нанды қастерлеуге, құрметтеуге тәрбиелеу.
Жұмыс форматы
- Топтық жұмыс
- Сахналық көрініс
- Талдау және әңгімелеу
- Ойын элементтері
Пәнаралық байланыс
Ана тілі, музыка, дүниетану, қазақ тілі.
Көрнекіліктер
Тақырып жазуы, нан өнімдерінен жасалған көрме, нақыл сөздер, топтарға арналған тапсырмалар, шарлар.
Сабақ барысы: ұйымдастыру кезеңі
Қонақтармен амандасу
Ақ көңілді жүрекпен,
Ақ ниетті тілекпен,
Амандасып алайық,
Қонақтарға ізетпен!
Психологиялық дайындық: «Шаттық шеңбері»
Сұрақ–жауап
- Көңіл-күйлеріңіз қалай?
- Керемет! (қолдарын көтереді)
- Сабаққа дайындықтарыңыз қалай?
- Тамаша! (алақандарын шапалақтайды)
- Ынтаңыз ше?
- Ғажап! (қолдарын көтереді)
Ендеше бастайық!
Жұмбақ
Алға жайып тұз-дәмін,
Келтіреді үй сәнін.
Ол — халқымның ақ жаны,
Жақсы дәстүр маржаны.
Кең пейілде арайлы,
Осы жерден тарайды.
Шешуі
Дастархан