Сәт сапар ХХІ ғасыр түлектері
Салтанатты кеш сценарийі
«Сәт сапар, ХХІ ғасыр түлектері!»
Кеше ғана мектеп табалдырығын аттаған кішкентай бүлдіршін едік. Бүгін—есейіп, ер жетіп, алтын ұя мектебімізбен қоштасқалы тұрған түлектерміз.
1-жүргізуші
Армысыздар, құрметті қонақтар, ұстаздар, ата-аналар, оқушылар! Осыдан 11 жыл бұрын мектеп табалдырығын жаңа аттаған кіп-кішкентай бүлдіршін болсақ, бүгін міне есейіп, сіздердің алдарыңызда тұрмыз.
Алғаш мектепке келгенімізде ұстазымыз бізді құшақ жая қарсы алған еді. Бүгін—алтын ұя мектеппен қош айтысатын да кез келіп жетті.
Қошемет сөз:
Ұрпағың мақтануға болса лайық,
Біз бүгін мақтанайық, жар салайық.
Мектептің осы жылғы түлектерін
Құрметпенен қошеметтеп қарсы алайық!
Түлектерді қошеметпен қарсы алу.
2-жүргізуші
Қонақ—ырысың мен мерейің.
Енді аяңдап қонақтарға келейін.
Мектеппен қоштасу кешіне ортақ болған
Қонақтарды таныстырып өтейін.
Салтанатты жиын қонақтарын шақыру.
Рәміздерге құрмет
1-жүргізуші
Тарихы терең қазақ деген көне елде—
Ел белгі де, ерлік, өрлік, өнер де.
Жаһандағы ең жауынгер халықта
Кім сенеді ту болмады дегенге!
Ту кіргізіледі.
2-жүргізуші
Мектеп—еліміздің қаны мен жаны.
Мектептен басталады бәрі-бәрі.
Бүгінгі қоштасу салтанатында
Шырқалсын Қазақстан Әнұраны!
Әнұран орындалады.
Өнер бөлімі
1-жүргізуші
Келеді жыр сыйлағым, гүл сыйлағым,
Жанымның жайып салып тылсымдарын.
Махаббат боп маздаған мына ғалам—
Бақытты мектебімнің білсін барын!
Би: «Ертегілер елінде».
Құттықтау сөздер
2-жүргізуші
Ажырамай мектептен бір елісіз,
Жақсылыққа жаралған жүрегіңіз.
Сөз берелік құрметпен өзіңізге—
Арналсын түлектерге тілегіңіз.
Мектеп директорына сөз беріледі.
1-жүргізуші
Мерейтой, мейрамдарда мәртебеңіз биік.
Бүгінгі мектеп бітірушіге ақ тілек айтсын—
Сөз берелік бүгінгі келген қонақтарға.
Қонақтарға сөз беріледі.
Оқу озаттарын марапаттау
2-жүргізуші
Қиындық та кездесер, асу да көп,
Бұл асуда қанша тер төгілер.
Көп ізденіп аларсың биік шыңды,
Шын құрметтің төрі бар—өздеріңе берілер.
Оқу озаттарын шақыру және құрмет көрсету.
1-жүргізуші
Өнерді жаныменен түсінетін—
Қашанда өнерлі жас сүйсінерім.
Озаттарға мың бұралып билесін,
Бишілерім шашу шашып, биін төгейін!
Би: «Әке толғауы».
Түлектерге сөз
2-жүргізуші
Ата-ананың—өмірінің жалғасы,
Ұстаздың—толысқан арнасы.
Кең пейіл мен ақ арманнан нұр алған,
Туған жердің бақытынан жаралған.
Жүректерің не дейді?
Түлектерім сөйлейді!
Мектеп бітіруші түлектерге сөз беріледі.
Мектеп вальсі
1-жүргізуші
Армысыздар, жиналған ата-ана, ұстаз!
Той-дуансыз өмірдің мәні болмас.
Арамыздан талпынып, қақты қанат
11 жылда оң-солын таныған жас.
Түлектер «Мектеп вальсін» билейді.
Алғашқы ұстаздарға алғыс
2-жүргізуші
Міне, осыдан 11 жыл бұрын мектеп табалдырығын жаңа аттаған жас бүлдіршіндер қатарында едік. Енді есейіп, азамат атанып, жаңа өмірге қадам басқалы отырмыз. Алғаш қадамымызда жылы жүректі ұстаздарымыз қарсы алып, оқуға да, жазуға да баулыды.
Сіздер 4 жыл бойы жетекшіміз болып, өмір жолын үйреттіңіздер.
Ұлболсын мен Жанат апай, біз сіздерге мәңгі қарыздармыз.
Алғаш қолына қалам ұстатқан ұстаздарға сөз беріледі.
Қорытынды ескерту
Толық нұсқасын жүктеу үшін сценарийдің толық мәтіні мен қосымша бөлімдерін бір файлға біріктіріп, мектептің ресми арнасына орналастыру ұсынылады.