Кім жылда
Ұйымдастырылған оқу іс-әрекетінің технологиялық картасы
Білім беру саласы
Қатынас
Ұйымдастырылған оқу іс-әрекеті
Сауат ашу
Тақырыбы
А дыбысы және әрпі
Мақсаты
- Өткен сабақты еске түсіре отырып, балаларды А дыбысымен таныстыру.
- Дидактикалық материалдар арқылы есте сақтау, ойлау және сөйлеу дағдыларын дамыту.
- А дыбысы бар сөздер мен сөйлемдер ойлап табуға бағыттау арқылы сөздік қорын байыту, байланыстыра сөйлеуге тәрбиелеу.
Көрнекіліктер
Сабақ барысында дыбысты ажырату, буынға бөлу және әріпті жазу әрекеттері осы көрнекіліктер арқылы бекітіледі.
Мотивациялық-қозғаушылық
Шаттық шеңбері
Күн нұрындай көңілім,
Даламдай кең пейілім.
Жүрегім толы мейірім —
Бәріңе ортақ шуағым.
Қайырымды мен баламын.
Ұйымдастырушылық-ізденушілік
Жалпы сұрақтар
- Қазір жылдың қай мезгілі?
- Қай ай?
- Аптаның қай күні?
Өткенді еске түсіру
- Дыбыс дегеніміз не?
- Дыбыстар нешеге бөлінеді?
- Дауысты және дауыссыз дыбыстарды қандай текшелермен белгілейміз?
- Әріп дегеніміз не?
Түйін: Әріп — дыбысты таңбалайтын белгі. Әріпті көреміз, жазамыз, оқи аламыз.
Жұмбақ арқылы жаңа дыбысты ашу
Жаңа да бар, ескі де жоқ.
Таңда бар, ешкіде жоқ.
Жауабы
А
Талқылау сұрақтары
- Мынау ненің суреті? (Алма)
- «Алма» сөзі қай дыбыстан басталады?
- А дыбысы дауысты ма, дауыссыз ба? Неліктен?
- «Алма» сөзін қандай текшелермен құрастыруға болады?
Жаңа ұғым
А — дауысты дыбыс. Оны созып, анық айтуға болады.
Баспа түрі
А а
Жазба түрі
А а
Мұғалім А әрпінің баспа және жазба түрін көрсетіп, тақтада және ауада жазу бағытын түсіндіреді.
Практикалық жұмыс
1) Ауада жазу
Барлығымыз бірге А дыбысын ауада жазып көреміз.
2) «Кім жылдам?» ойыны
А дыбысынан басталатын сөздерді кім тез әрі көп айтады?
3) Буынға бөлу
Табылған сөздерді шапалақтау арқылы буынға бөлеміз.
Тақпақ
Астанамыз Алматы,
Алатау асқақ аясы.
Алқабында атақты —
Алқызыл апорт алмасы.
Сергіту сәті
Ептеп-ептеп жерден бидай терейік,
Тергеніңді торғайларға берейік.
Тойған торғай томпаң-томпаң секірсін,
Ол да біздей үлкен болып жетілсін.
Шаршадың ба? Отыра ғой, деміңді ал.
Енді менің әңгімеме құлақ сал.
Дәптермен жұмыс
Жазу тапсырмасы
Дәптерді ашып, үлгіге қарап сызықтарды қосу арқылы А әрпінің баспа түрін жазамыз.
Бекіту
А дыбысынан басталатын заттардың суреттерін көрсетіп, балалардан қай дыбыстан басталатынын айтқызу арқылы жаңа білімді бекітеміз.
Қорытынды: Бүгін біз А дыбысы және әрпімен таныстық, сөздер ойлап таптық, буынға бөлдік және жазу дағдысын бекіттік.