Қазақша рефераттар

Сабаққа әзірлігі Ыстық алақан жаттығуы

Сабақ туралы қысқаша мәлімет

Пәні

Қазақ тілі (3-сынып)

Сабақтың тақырыбы

Бастауыш

Сабақтың түрі

Аралас сабақ

Әдісі

Сұрақ-жауап

Сабақтың мақсаты

  • Оқушыларға бастауыш туралы түсінік қалыптастыру және сөйлем ішінен таба білуге үйрету.
  • Байланыстырып сөйлеу дағдысын және сөздік қорын дамыту.
  • Шыншылдыққа, көркем жазуға тәрбиелеу.

Көрнекіліктер

Ереже жазылған плакат Тірек-сызба Төрт түлік малдың суреттері

Сабақтың барысы

1) Ұйымдастыру кезеңі

  1. Оқушыларды түгелдеу.
  2. Сабаққа дайындығын тексеру.

«Ыстық алақан» жаттығуы

Көршіңе бұрылып, алақандарыңды түйістіріңдер. Бір-біріңе жүректеріңнің жылуын беріңдер.

2) Үй тапсырмасын пысықтау

Сұрақтар

  • Сөйлем мүшелері дегеніміз не?
  • Сөйлем мүшелері нешеге бөлінеді?

Тапсырма

«Айдана жазды. Олар шықты. Сиыр ішті.» сөйлемдеріне сөздер қосып, сөйлем мүшелерінің санын көбейтіп жаз.

3) Жаңа сабақ

Түсіндіру

Қимыл-қозғалыс, іс-әрекет иесін білдіретін сөзді бастауыш дейді. Бастауыш кім? кімдер? не? нелер? кімі? несі? сұрақтарына жауап береді.

Мысалдар

  • Жәния дайындалды.
  • Боран соқты.
  • Ауылдан әкесі келді.

Дәптермен жұмыс

Дәптерлеріңді ашып, күн ретін жазыңдар.

4) Тақтамен жұмыс және жаттығулар

22-жаттығу

Сөйлемдерді көшіріп жаз.

  • Жел соқты.
  • Бұлт қоюланды.
  • Жаңбыр себеледі.
  • Оқушы оқыды.
  • Малшы бақты.

Қарамен жазылған сөздердің астын сыз. Оларға сұрақ қой.

23-жаттығу

Сөйлемдерді оқып, көшіріп жаз.

  • Мұғалім түсіндірді.
  • Лақ маңырады.
  • Мұз қатты.
  • Күн шықты.
  • Сәкен оқыды.

Қимыл иесін білдіретін сөздердің астын сыз. Оларға сұрақ қой.

Шығармашылық тапсырма

Адасқан бастауыштарды өз орнына қойып жаз. «Не қалай дыбыстайды?»

Жануар Дыбыстауы
Арыстан ақырады
Түйе боздайды
Жылқы кісінейді
Қой маңырайды
Сиыр мөңірейді

Ескерту: Жауаптарды өз нұсқаңмен реттеп жазып шық.

25-жаттығу

Өлеңді көшіріп жаз. Бастауышты тауып, астын сыз.

Төсегіне күн жатты,
Жердің бетін түн жапты.
Маужырады шың-құздар,
Көзін ашты жұлдыздар.

Жылқы жусап далада,
Қой ұйықтады қорада.

5) Сергіту сәті

«Кім? Не?» сұрақтарына жауап беретін сөздерді пайдаланып, қатарлар бойынша жарыс ұйымдастыр.

6) Бекіту

26-жаттығу

«Адасқан сөздер» ойынын ойнай отырып, жаттығуды орында.

  • Арыстан — боздайды
  • Түйе — мөңірейді
  • Жылқы — ақырады
  • Қой — кісінейді
  • Сиыр — маңырайды

28-жаттығу

Сурет бойынша әңгіме құрастыр. Жазған сөйлемдеріңнен бастауышты тап.

Бағдар:

  • Суреттегі кейіпкерлерді ата.
  • Олардың іс-әрекетін сипатта.
  • Әр сөйлемнен бастауышты белгіле.

7) Үй тапсырмасы

  • Сурет бойынша әңгіме құрастыру.
  • Ережені жаттау.

8) Қорытынды

Сабаққа белсенді қатысқан оқушылар мадақталып, бағаланады.