Педагог Бақытты бала деп жазылған бойтұмарды қасындағы баланың мойнына тағып

Мамандықтың бәрі жақсы.
Мақсаты: әртүрлі мамандықтармен таныстыру; ойлау, сөйлеу қабілеттерін дамыту; мамандық иелерін құрметтеуге тәрбиелеу.
Қолданылатын көрнекі құралдар: жұмыс дәптері, демонстрациялық құрал.
Билингвальды компонент: аспаз - повар, дәмді - вкусный.
Сөздік жұмыс: қынап, жарықты жағатын бала.
Мотивациялық қозғаушылық
Балалар бір - бірінің қолдарынан ұстап тұрады. Педагог Бақытты бала деп жазылған бойтұмарды қасындағы баланың мойнына тағып: Сен бақытты баласың, өйткені сенің достарың көп ,- дейді.
Ұйымдастырушылық ізденістік
Осы кезде есік қағылып, топқа аспазшы апай кіреді.
Аспаз:
- Сәлеметсіңдер ме, балалар! Мен сендердің денсаулықтарың жақсы болсын деп дәрумендер әкелдім.
(Дәрумендерді балаларға таратады).
- Енді аспаз апайдан тамақты дәмдеу үшін қандай көкөністер қосатынын сұрайық.

Аспаз тағамға сәбіз, картоп, жуа, асқабақ қосатынын айтады.

Балалар, сендер тағы қандай мамандықтарды білесіңдер?

- Көптеген мамандық иелерін біледі екенсіңдер, бұл мамандықтардың бәрі адам баласына қажет.
- Өз ата - аналарың қандай жұмыс жасайды? Қандай мамандық иесі? Білесіңдерме?
Педагог балаларға М. Хакімжанованың Кім немен ойнайды? өлеңін мәнерлеп оқып береді.

Сергіту сәті:
Менің мамам - дәрігер.
Тіс ауырса,
Іш ауырса,
Мамам дәрі береді.
Барлық ана,
Барлық бала,
Оны жақсы көреді.
Дидактикалық ойын: Кімге не керек? .
Ойын шарты: әртүрлі мамандық иелеріне қандай құрал қажет, жапсырмалар орнын тауып жапсырады.
Дәптермен жұмыс:
Дәптердегі № 16 тапсырма орындалады. Жеке жұмыс жүргізеді.

Маңғыстау облысы,
Түпқараған ауданы. Форт - Шевченко қаласы
Баутин ауылы, "Ақбота" балабақшасының тәрбиешісі
Жангожина Айман Туралиевна

Толық нұсқасын жүктеу