Екі амалмен шығарылатын есепті шешуді үйрету

Сабақ тақырыбы мен мақсаты

Сабақтың тақырыбы

Екі амалмен шығарылатын есеп.

Сабақтың мақсаты

Білімділігі: екі амалмен шығарылатын есепті шешуді үйрету.
Дамытушылығы: танымдық қабілетін дамыту, шығармашылыққа баулу, логикалық ойлау қабілеттерін арттыру.
Тәрбиелігі: өз бетімен жұмыс жасау арқылы өз еңбегін де, өзгенің еңбегін де қадірлеуге, алған білімін күнделікті өмірде қолдануға тәрбиелеу.

Әдісі

Түсіндіру, сұрақ-жауап, өзіндік жұмыс.

Түрі

Жаңа білімді меңгерту.

Көрнекілігі

Интербелсенді тақта, деңгейлік тапсырмалар.

Сабақ барысы

I. Ұйымдастыру кезеңі

Оқушылардың назарын сабаққа аудару.
«Ата-ананы тыңдаймыз» әні.
Психологиялық ахуал қалыптастыру.

Тірек білімді еске түсіру

Ауызша есептеу (өлең есеп):

Айдын көлге жұп аққу Ұшып келіп қонысты. Үш қаз және екі үйрек Жүзіп жүрген жолықты, Қарсы алуға оларды Төрт балапан шығысты. Жауабын тез айта салшы, Барлық құс нешеу болыпты?

Нұсқау: құстардың барлығын қосып сана.

Жауабы: 11 құс

II. Үй жұмысы

№5, 55-бет: 2 санын қосу және азайту кестесін сұрау.

III. Жаңа сабақ: екі амалмен шығарылатын есеп

Сабақтың идеясы

Бүгінгі сабақ отбасы тақырыбымен байланысты. Отбасы — тәрбиенің басты ұясы. Сабақ барысында өзімізді отбасымызда отырғандай сезініп, «жанұя мүшелерінің» тапсырмаларын орындаймыз.

Отбасында кімдер болады?

Ата, әже, әке, ана, аға, жеңгеше, апа, іні және басқа да туыстар.

Көрнекілік арқылы жаңа тақырыпқа шығу

Мұз айдынында сырғанап жүрген балалардың суреті арқылы оқушылардың назарын жаңа сабаққа аударамыз. Есептерді алдымен ауызша талдап шығарамыз, кейін шешуін дәптерге жазамыз.

IV. Оқулықпен жұмыс

Атаның тапсырмасы: 1-тапсырма

Есептің шешу жолдарын талқылап, бірнеше нұсқасын көрсетеміз.

а) Бір амалмен шығатын есеп

Шарты: Жүр еді — 12 бала. Кетті — 2 ұл бала. Қалды — ?
Шешуі: 12 − 2 = 10

Жауабы: 10 бала

ә) Бір амалмен шығатын есеп

Шарты: Жүр еді — 10 бала. Келді — 5 қыз. Неше болды — ?
Идея: Қосумен шығарылады.

б) Екі амалмен шығатын есеп (біріктіру)

Шарты: Жүр еді — 12 бала. Кетті — 2 ұл. Келді — 5 қыз. Неше болды — ?
Шешуі: (12 − 2) + 5 = 15

Жауабы: енді 15 бала сырғанап жүр

Түсіндіру: 1–2 есеп бір амалмен орындалады. Екі есепті біріктірсек, екі амалмен шығарылатын жаңа есеп құралады. Оқушылар шешуін дәптерге жазады.

Әженің тапсырмасы: 2-тапсырма

Шешуі тақтада түсіндіріліп, бірге талданады.

Сергіту сәті

Қысқа қимыл-қозғалыс жаттығулары арқылы оқушылардың белсенділігі арттырылады.

Әкенің тапсырмасы: 3-тапсырма

Сандық және әріптік өрнектердің айырмашылығын түсіндіреміз, кейін өзіндік жұмыс орындалады.

Өрнек: a − 2

Мұнда a = 32, 59, 11

32 − 2 = 30
59 − 2 = 57
11 − 2 = 9

Ананың тапсырмасы: 5–6-тапсырмалар

Тапсырмалар топпен және жұппен орындалады.

Уақыт өлшемдерін түрлендіру

1 сағ 20 мин = 80 мин
90 мин = 1 сағ 30 мин
100 мин = 1 сағ 40 мин
1 сағ 9 мин = 69 мин
1 тәулік 1 сағ = 25 сағ

Қосымша жұмыс

«Баспалдақ тұрғыз» тапсырмасы: берілген мысалдарды ретімен орындап, нәтижелер арқылы баспалдақ үлгісін құрастыр.

Ескерту: бастапқы мәтіндегі «1 сағ 10 мин = 10 мин = 80 мин» жазылымы түзетіліп, дұрыс түрі берілді: 1 сағ 20 мин = 80 мин.

V. Үй тапсырмасы

№4 есеп (оқулық бойынша).

VI. Бағалау

Оқушылардың сабаққа қатысуы, тапсырмаларды орындауы және есептерді түсіндіруі бойынша қорытынды бағалау жүргізіледі.