Анаңа ауыр сөз айтпа, Артыңа ауыр жүк артпа
Сабақтың тақырыбы: «Ата көрген оқ жонар»
Бұл тәрбие сағаты отбасының тәрбиедегі орны мен ата-ана ықпалының маңызын тереңірек түсіндіруге бағытталған. Отбасындағы жылулық, сыйластық пен жауапкершілік — баланың тұлға болып қалыптасуының берік іргетасы.
Сабақтың мақсаты
- Бала тәрбиесінде ата-ананың алатын орны ерекше екенін түсіндіру.
- Жанұядағы ата-ана мен бала арасындағы қарым-қатынасты нығайту.
- Баланың ата-анаға деген сүйіспеншілігін ояту, алғысын арттыру.
- Мектеп–ұстаз–ата-ана бірлігін күшейту.
- Отбасы мүшелері арасындағы бауырмалдықты дамыту.
- Қайырымдылық пен достық қарым-қатынасты қалыптастыру, үлкенді сыйлауға, сыпайы әрі ілтипатты болуға тәрбиелеу.
Көрнекіліктер
Кіріспе сөз
Құрметті ұстаздар мен оқушылар! Бүгін біз «Ата көрген оқ жонар, Ана көрген тон пішер» тақырыбындағы тәрбие сағатын өткіземіз. Отбасы — адам баласының түп қазығы, алтын ұясы. Адам дүниеге келгеннен бастап, сол ортаның ыстық-суығына бейімделіп, ықпалына көнеді, осы ортада ер жетеді.
Әке — шаңырақ иесі, отбасы мүшелерінің жауапкершілігін арқалайтын тірек. Ана — отбасының ұйытқысы, мейірім мен берекенің бастауы. Баланы өсіру мен тәрбиелеу — ата-ананың қасиетті міндеті. Бала әкеден — ақыл, анадан — мейірім алады.
Тәртіпті де тәрбиелі ұрпақ — отбасы мен мектептен алған үлгі-өнегенің нәтижесі. Мектеп пен ата-ана бірлігі нығайған сайын, бала бойындағы адамгершілік құндылықтар да тереңдей түседі.
Ән
«Әке – Ана»
Әке туралы ой
Отбасының ұйытқысы, берекесі, қамқорлықтың қайнар көзі — әке. Әкенің рөлі бала-шағаның ата-анаға деген сүйіспеншілігімен, жанашырлығымен, ана көңілін қас-қабағынан танып, түсіне білуімен одан әрі бекіп, биіктей береді.
Ер бала үшін әке — сырлас, жолдас, ақылшы дос. Көп жағдайда ол қандай да бір қадам жасамас бұрын әкесімен ой бөлісуді жөн көреді. Ер баланың өсіп-жетілуіне, өз алдына тұлға болып қалыптасуына және қоғамдағы орнын табуына әкенің еңбегі ерекше.
Көрініс
«Әкесі мен баласы»
Мақал-мәтелдер: ата-ана және бала
Келесі бөлім — тоқсан ауыз сөздің тобықтай түйіні болған ата-ана, әке мен ана туралы мақал-мәтелдер. Олар ұрпақ тәрбиесіндегі өмірлік ұстанымдарды ықшам да нұсқа жеткізеді.
1
Атаңның баласы болма, халықтың баласы бол.
2
Ұяда не көрсең, ұшқанда соны ілерсің.
3
Балалы үй — базар, баласыз үй — қу мазар.
4
Ата көрген оқ жонар, ана көрген тон пішер.
5
Ананың сүті — бал, баланың тілі — бал.
6
Туған үйдің түтіні жылы, туған ананың күтімі жылы.
7
Анаңа ауыр сөз айтпа, артыңа ауыр жүк артпа.
8
Әке — асқар тау, ана — шалқар көл.
9
Атадан жақсы ұл туса, елінің қамын жейді. Атадан жаман ұл туса, елінің малын жейді.
10
Бала — ананың бауыр еті, көз нұры.
Сабақты қорытындылау
Оқушылар әке мен анаға арнап жүрекжарды тілектерін жазады. Жазылған тілектер стрикерлерге жазылып, арнайы орынға жапсырылады.
Тапсырма
Ата-анаға тілек жазу
Формат
Стикер арқылы жапсыру