Үйге берілген тапсырманы сұрау
8-сынып қазақ тілі: құрмалас сөйлем
Бұл сабақ жоспары құрмалас сөйлем тақырыбын меңгертуді, оқушылардың теориялық білімін практикада қолдануын және талдау дағдыларын дамытуды көздейді.
Сабақтың тақырыбы
Құрмалас сөйлем
Сабақтың түрі
Аралас сабақ
Сабақтың типі
Жаңа білім беру
Сабақтың мақсаты
Білімділік
Құрмалас сөйлем туралы алған теориялық білімді практикада қолдану; ауызша және жазбаша талдау жұмыстары арқылы білімді бекіту.
Дамытушылық
Ойлау қабілетін және қиялды дамыту; ой қорытып, нақты шешім қабылдауға үйрету; өзіне деген сенімді арттыру.
Тәрбиелік
Сауатты жазуға, ұқыптылыққа баулу; топпен жұмыс істеу мәдениетін қалыптастыру; бір-бірін тыңдай білуге үйрету және сөйлеу мәдениетін дамыту.
Сабақтың барысы
I. Ұйымдастыру кезеңі
Оқушылармен сәлемдесу, түгелдеу.
Оқушылар сөйлемдерді таңдап алады. Таңдалған сөйлемдер жақты және жақсыз сөйлемдерге қатысты болады: жақты сөйлемі бар оқушылар — 1-топ, жақсыз сөйлемі бар оқушылар — 2-топ.
Топ басшылары сайланады, топ атауы қойылады. Топ басшысы бағалау парағына қатысушылардың аты-жөнін белгілеп отырады.
II. Үй тапсырмасын тексеру
1) Үйге берілген тапсырманы сұрау.
2) «Сандар сыры» ойыны арқылы пысықтау.
Интерактивті тақтада сандар көрсетіледі. Оқушылар санды таңдап, оның артындағы сұраққа жауап береді.
3) Қайталау сұрақтары
- 1 Сөйлем құрылымына қарай нешеге бөлінеді?
- 2 Сөйлем дегеніміз не?
- 3 Сөйлемнің өзіне тән ерекшеліктерін ата.
- 4 Жай сөйлем дегеніміз не?
- 5 Жақты сөйлем дегеніміз не?
- 6 Жақсыз сөйлем дегеніміз не?
- 7 Жалаң сөйлем дегеніміз не?
- 8 Толымды сөйлем дегеніміз не?
- 9 Толымсыз сөйлем дегеніміз не?
- 10 Жайылма сөйлем дегеніміз не?
4) Талдауға арналған сөйлемдер
«Терезеден оның жүзіне айдың жұмсақ нұры түсіп тұр».
«Бұл уақыттың ішінде ел де өзгеріп кетті, адамдар да өзгерді».
III. Жаңа сабақ
Өтілген тақырыптар топтастыру әдісі арқылы қайталанып, жаңа тақырыппен байланыстырылды. Сөйлем түрлері слайдта топтастыру үлгісімен көрсетіледі.
Екі немесе одан да көп жай сөйлемнен құралып, күрделі ойды білдіретін сөйлем құрмалас сөйлем деп аталады.
Келесі қадам: құрмалас сөйлемнің түрлері мен байланысу жолдарын мысалдар арқылы талдау және бекіту тапсырмаларын орындау.