Қашықтықты табуға берілген есептерді шығаруға, есепке сызба құруға үйрету
Математика (4-сынып)
Сабақтың тақырыбы: бір-біріне қарама-қарсы қозғалысқа берілген есептер. Бұл сабақта қашықтықты табу формуласы қайталанып, есепке сызба (схема) құру дағдылары дамытылады.
Өлшем бірліктерін қайталау
Төмендегі сәйкестіктерді есте сақтаңыз және есеп шығаруда дұрыс қолданыңыз.
Аудан: мм² ↔ см²
1 см2 = 100 мм2
Аудан: см² ↔ дм²
1 дм2 = 100 см2
1 дм2 = 10 000 мм2
Аудан: дм² ↔ м²
1 м2 = 100 дм2
Жинақталған түрі
1 м2 = 100 дм2 = 10 000 см2 = 1 000 000 мм2
Жер өлшемі: а
1 а = 100 м2
Жер өлшемі: га
1 га = 100 а = 10 000 м2
Үлкен аудан: км²
1 км2 = 1 000 000 м2
Сабақтың мақсаты
-
1) Білімдік
Қашықтықты табуға берілген есептерді шығаруға, есепке сызба (схема) құруға үйрету; есептеу дағдыларын жетілдіру. Жақындау жылдамдығы ұғымын қалыптастыру.
-
2) Дамытушылық
Есепті өздігінен талдап шығара білуге дағдыландыру; математикалық ойлауын және есте сақтау қабілетін дамыту.
-
3) Тәрбиелік
Ұқыптылыққа тәрбиелеу.
Сабақтың түрі, әдістері және көрнекілігі
Сабақтың түрі
Аралас сабақ.
Әдістері
- Түсіндіру
- Сұрақ-жауап
- Өздік жұмыс
- Есептеу
- Салыстыру
Көрнекілігі
Қосымша тапсырмалар жазылған үлестірмелер, кестелер.
Сабақтың барысы
I. Ұйымдастыру кезеңі
Сабаққа даярлық: амандасу, оқушыларды түгендеу, назарды сабаққа шоғырландыру.
Сабағымыз басталды, балаларға пайдалы.
Бәрін ұғып алыңдар, санауға зер салыңдар.
II. Үй тапсырмасын тексеру
№9 тапсырма, 182-бет.
III. Өткенді пысықтау
Ауызша жұмыс.
IV. Жаңа сабақ
Түсіндіру, еске түсіру және қайталау.
Белгілеулер
- v — жылдамдық
- t — уақыт
- s — қашықтық
Негізгі формула
S = v · t
Қашықтықты табу үшін қозғалыс жылдамдығын уақытқа көбейтеміз.
Назар аударайық
Бүгінгі сабақтың негізгі бағыты — бір-біріне қарама-қарсы қозғалысқа берілген есептер. Есептерді шығаруда жақындау жылдамдығын табу және сызба арқылы жағдайды дәл бейнелеу маңызды.