Қазақша рефераттар

Сабақта Күліп тұрған күн алған балаларды мадақтау

Сауат ашу

Тақырыбы

В дыбысы мен әрпі

Түрі мен әдісі

  • Түрі: жаңа сабақ
  • Әдісі: түсіндіру, сұрақ-жауап

Сабақтың мақсаты

  • Балаларды В дыбысы және В әрпімен таныстыру.
  • В дыбысы бар сөздерге дыбыстық талдау жасай білуге үйрету, буынға бөлдіру.
  • Әріптің баспа түрін дұрыс әрі көркем жазуға дағдыландыру.
  • Сурет арқылы ойды жүйелі жеткізіп, әңгімелей білуін дамыту.
  • Адамгершілік қасиеттерін, білімге қызығушылығын қалыптастыру.

Көрнекіліктер

В әрпінің баспа түрі кеспе әріптер түлкі «Мақта қыз бен мысық» кейіпкерлері шаблон суреттер

Сабақтың барысы

Сабақ «Мақта қыз бен мысық» ертегісінің желісімен өтеді: оқушылар 7 өткелден өтіп, тапсырмаларды орындай отырып, мысыққа қатығын табуға көмектеседі.

I. Ұйымдастыру кезеңі

Психологиялық дайындық: мұғалім балаларды шаттық шеңберіне шақырады.

Қуанамын мен де,

Қуанасың сен де.

Қуанамыз, достарым,

Арайлап атқан күнге.

Үлкенге де — сіз,

Кішіге де — сіз.

Қонақтарға құрметпен,

Бас иеміз біз.

Сұрақ: Қазір, балалар, қандай сабақ?

Жауап: Сауат ашу.

Сабақ «сиқырлы тақтаның» көмегімен басталады. Ертегі кейіпкерлері слайд арқылы көрсетіледі.

II. Үй тапсырмасын сұрау

Бүгінгі сабақ ерекше: тапсырмалар тізбегі арқылы 7 өткелден өтеміз.

1-өткел

Сиырдың тапсырмасы

Өткен әріптер мен дыбыстарды еске түсіру.

  • Дыбыс дегеніміз не?
  • Әріп дегеніміз не?
  • Ю дыбысы қандай дыбыс? Мысал келтір.
  • Қосымша сұрақ: «Жапырақ» сөзіне назар аударту.

2-өткел

Теректің тапсырмасы

Перфокартамен жұмыс: әр оқушы суреттегі зат атауына дыбыстық талдау жасап, буынға бөледі.

III. Жаңа сабақ

Мысық шаршады, сондықтан сергіту сәтін орындаймыз. Сергіген соң мысық су іздеп жолға шығады. Алдарынан қыздар кездеседі.

3-өткел

Қыздардың тапсырмасы

Бүгінгі дыбыс пен әріп туралы білеміз.

«Құпия жұмыртқаны» ашамыз: ішінен 1 және 3 сандары жазылған қағаз шығады. Қағазда жұмбақ берілген:

Қосылған бір мен үштің арасы,

Қандай әріп, қарашы?

Жауабы: В

Бүгінгі тақырып: В дыбысы мен әрпі. В дыбысын хормен айтамыз. Мұғалім В әрпінің таңбасын көрсетіп, оның дауыссыз дыбыс екенін түсіндіреді (дауыссыз дыбыстар көк текшемен белгіленеді).

IV. Сурет бойынша сөйлету

Тақтадағы суреттердің атын атаймыз және буынға бөлеміз:

автобус телевизор вокзал ваза

4-өткел

Дүкеншінің тапсырмасы

Жұмбақтарды шешу:

  1. Бір-бір қорап үйлер тіркесіп,

    Қос сүйреумен әрі-бері жүр көшіп.

    Жауабы: вагон

  2. «Хош келдіңіз!» — ұраны,

    Бір сөнбейді шырағы.

    Жұрттың бәрін қарсы алып,

    Шығарып салып тұрады.

    Жауабы: вокзал

Сергіту сәті

Дыбыспен, әріппен таныстық. Енді дәптерге көркем жазбас бұрын сергіп алайық:

1, 2, 3 — бойға жинап күш.

Қолға қалам аламыз,

4 пен 5-ке жазамыз.

V. Дәптермен жұмыс

5-өткел

Тауықтың тапсырмасы
  • В әрпін жазып үйрену.
  • Ауада жазу (қимыл арқылы көрсету).
  • Жазу жолындағы үлгі бойынша әріпті жазу.
  • Жазудың әдемі, таза, сауатты орындалуын қадағалау.

VI. Ойын: «Сөз ойла, тез ойла»

6-өткел

Тышқанның тапсырмасы

В дыбысы кездесетін сөздерді айту.

велосипед автобус вагон вокзал трамвай ваза

Мысық келген жолымен кері қайтып, жолай дәнін алып жүреді. Соңында Мақта қызға келеді.

VII. Сабақты қорытындылау

7-өткел

Мақта қыздың тапсырмасы
  • Қандай дыбыспен таныстық?
  • В дыбысы қандай дыбыс?
  • В дыбысы сөздің қай жерінде кездеседі?

Мақта қыз мысыққа: біреудің еңбегіне қол сұқпау, үлкендердің тілін алу, әдепті болу туралы ақыл айтады.

Қорытынды: біз әдепті, адал болып, алған затымызды уақытында қайтаруымыз керек.

VIII. Бағалау және кері байланыс

Оқушылар өздерін «күн» арқылы бағалайды. Сабақ соңында сұрақ-жауап арқылы әсерлері талқыланады.

Ойланайық бір мезет,

Бақылайық, байқайық,

Бірімізге-біріміз

Күн шуағын сыйлайық.

Қуанышты хабарлама

Сабақта «күліп тұрған күн» алған балалар мадақталады.

Кері байланыс сұрақтары

  • Бүгінгі сабақ ұнады ма?
  • Қандай жұмыс түрлері ұнады?

Нәтиже

Сұрақ-жауап арқылы сабақтың өту барысы қорытындыланып, сабақ аяқталады.