Логикалық есептерді шешу

Сабақ тақырыбы

«Ерен еңбектерің — жеңісің, ерке ұлдарың — жемісің»

Сабақтың мақсаты

Оқушыларды тапқырлыққа, табандылыққа және іскерлікке дағдыландыру.

Көрнекіліктер

Интерактивті тақта
Заттар
Фигуралар және басқа да құралдар

Сабақтың жоспары

Ұйымдастыру кезеңі
Оқушыларды ата-аналарымен ортаға шығару
Сайыстың шарттарымен таныстыру
Әділқазылар алқасымен таныстыру
Оқушылардың өнерін тамашалау
Қорытындылау
Марапаттау

Кештің ашылуы

Армысыздар, осында жиналған қауым!

Сіздерді қызықтырар небір сыр бар.

Рұқсат етсеңіздер, құрметті көрермендер,

Кешімізді бастайық, қадірлі қатысушылар!

Бүгінгі кеш төрінде — математика тілінде сайыс.

Жанұялар жарысып, жұмбақ шешіп, ой ұшқырлығын сынайды. Шабыт тасып шалқысын — есеппен ән салып, көңілді кеш жасаймыз.

Әкесімен, ағасымен, анасы да — алда озар ең мықтысы осы жолда. Көпшілік өнерлерін қызықтамақ, ендеше қатысушыларды ортаға шақырайық.

Сайыстың шарттары

А) Логикалық есептерді шешу
Б) Мақал-мәтелдің жалғасын табу
В) Жұмбақты шешу және орыс, ағылшын тіліне аудару
Г) Математикалық ойындар

Ең қиыны — жарыстың! Жорға келді, мықтылары келіпті — жеңсін енді. Тез жауап бер, ойланып тұрып қалмай — осы ойыннан көрейік ерен ерді.

1-бөлім: Логикалық есептер

Қай сан барлық санға қалдықсыз бөлінеді? Жауабы: 0
2 ғасырда неше жыл бар? Жауабы: 200
Бір нүктеден шығып, екі сәуледен құралатын фигура қалай аталады? Жауабы: бұрыш
Кез келген екі нүкте арқылы нені жүргізуге болады? Жауабы: түзу
Бұрышты өлшейтін құрал қалай аталады? Жауабы: транспортир
Қай сан барлық санға қалдықсыз бөлінеді? Жауабы: 1
Екі әкесі, екі баласы үш алманы қалай бөліп жейді? Жауабы: атасы, баласы, немересі
5 жұмыртқа 12 минутта піссе, 10 жұмыртқа қанша минутта піседі? Жауабы: 12 минут
Бір жанұяда 5 ұлдың әрқайсысының бір қарындасы бар. Жанұяда барлығы қанша бала? Жауабы: 6 бала
Екі бұтақтағы торғайлардың жалпы саны — 15. Бірінші бұтақтан 3 торғай ұшты. Екінші бұтақтан 2 торғай ұшып барып, бірінші бұтаққа қонғанда, екі бұтақтағы торғайлар саны тең болды. Бастапқыда әр бұтақта қанша торғай отырды?
Жауабы: 1-бұтақта 7, 2-бұтақта 8
Бала қорапқа барлығы 8 өрмекші мен қоңыз жинады. Қораптағы барлық аяқ саны 54 болса, қанша қоңыз және қанша өрмекші бар? (Қоңызда 6 аяқ, өрмекшіде 8 аяқ.) Жауабы: 5 қоңыз, 3 өрмекші
Натурал сандар дегеніміз қандай сандар? Жауабы: нәрселерді санауға арналған сандар
Жазықтықта бір нүктеден бірдей қашықтықта орналасқан нүктелер жиыны қалай аталады? Жауабы: шеңбер
Құрамында әрпі бар өрнек қалай аталады? Жауабы: әріпті өрнек
Бұрышты қақ бөлетін сәуле қалай аталады? Жауабы: биссектриса
Суретші мектеп бөлмелерін нөмірлеуі керек. Бөлме саны 100 болса, «9» цифры неше рет жазылады? Жауабы: 19 рет
50 саусақ көрінуі үшін неше баланың қолы көрінуі керек? Жауабы: 5 бала
Спутник Жер шарын 103 минутта айналып өтті. Ол неше сағат, неше минут? Жауабы: 1 сағат 43 минут
Сағаттың 1/4 бөлігі неше минут? Жауабы: 15 минут

2-бөлім: Мақал-мәтел жарысы

Төмендегі мақал-мәтелдердің жалғасын табу немесе мағынасын түсіндіру ұсынылады.

Алты жыл аш болсаң да, ата салтыңды сыйла.
Отыз күн оразаның бір күн айт(ы) бар. Әр қылған жақсылықтың бір қайтуы бар.
Жерді екі жыртқан, өнімді екі есе алады.
Шындық он екі қабат шынжырды үзеді.
Жалқаудың екі досы бар: бірі — ұйқы, бірі — күлкі.
Алты аға бірігіп әке болмас, жеті жеңге бірігіп ана болмас.
Дос сегіз болса, дұшпан сегіз.
Бермегенге бесеу де көп, алғанға он болса да аз.

Досыңның мың болғанына мақтан, дұшпаның жалғыз болса да сақтан.
Алдыңа бір қарасаң, артыңа он қара.
Бес саусақ жұмылса, жұдырық болады.
Ел құлағы — елу.
Ер қаруы — бес қару.
Ер жігіт бірде бір кісілік, бірде мың кісілік.
Үш жыл қой баққаннан қырық жыл ақыл сұрама.
Бір күн дәм татқанға — қырық күн сәлем.

3-бөлім: Математикалық жұмбақтар

Жұмбақтың шешуін тауып, қажет жерінде орыс және ағылшын тілдеріндегі баламасын айтуға болады.

Өзі төрт қанатты және алты аяқты, сөйтсе де тікұшақтың көшірмесі сияқты.
Инелік стрекоза dragonfly
Екі ағайынды, екеуі де бір үйде, бірін-бірі көрмейді. Көз
Таңертең төрт аяқты, түсте екі аяқты, кешке үш аяқты. Адамның үш шағы
Жаңылмасын жетеуі, кезек қызмет етеді. Апта күндері
Жоқ өзінде бас та, қас та, мойын да — ұзындығы жазулы тұр бойында.
Сызғыш линейка a ruler
Қабат-қабат қаптама, ақылың болса аттама.
Кітап книга book
Түйеқұс таразыда тұрғанда 12 кг тартады. Ал егер екі аяғымен тұрса, қанша тартады?
12 двенадцать twelve
Сан ол сызықпен бөлінген: үсті — алым, асты — бөлім деп аталып, әсем түрде керілген. Дұрыс, бұрыс, аралас деп түрлері берілген. Бөлшек
Бүтін, бөлшек бөліктерден үтір айырып тұрады. Осы санның аты қандай? Ондық бөлшек
Нүктеден, екі түзуден құралған фигура. Айтыңдаршы, қалай аталады? Бұрыш

Қорытынды және марапаттау

Сайыс қорытындыланып, қатысушылардың тапқырлығы мен белсенділігі бағаланады. Жеңімпаздар мен ерекше көзге түскен оқушылар марапатталады.