Мазмұнын әңгімелеу

Сабақтың тақырыбы: Жануарлардың бір - біріне қайырымдылығы
Сабақтың мақсаты:
1. Жануар тіршілігінің басты ерекшелігі, табиғатта болатын өзгерістердің жануарларға әсері туралы түсінік беру.
2. Жануарлар тіршілігі, олардың бір - біріне қайырымдылығы туралы білімдерін толықтыру, белсенділігін, қиялын дамыту.
3. Аңдарды, құстарды қорғауға тәрбиелеу, қамқорлық жасауға баулу, табиғатты сүюге тәрбиелеу.
Көрнекілігі: суреттер.
Сабақтың әдісі: түсіндіру, сұрақ - жауап.

Сабақтың барысы:
I. Ұйымдастыру кезеңі. Психологиялық дайындық.
Адам сенің есімің,
Табиғат – тал бесігің.
Қамқоршысы бола біл,
Тимесін еш кесірің.

II. Үй тапсырмасын сұрау.
Ұрпақ – тіршілік жалғасы
1. Мазмұнын әңгімелеу
2. Сұрақ - жауап алысу.

III. Қызығушылықты ояту. Семантикалық картаны толтыру.
Жұптық жұмыс.

IV. Жаңа сабақ.
Сонымен, балалар, жануарлар ұрпақтарына қандай қамқорлық
жасайтынын біліп алдық, ал бүгін жануарлардың бір - біріне қайырымдылығы турала жаңа сабақ өтеміз.
1. Мәтінді оқып беру
2. Көрнекіліктер арқылы мәтіннің мазмұнын түсіндіру.(Суыр, арқар, шақшақайдың достығы туралы әңгімелеу.)
3. Мәтінді тізбектеп оқыту.
4. Сұрақ - жауап

V. Ұйқасын тап ойыны.
Бата алмас түлкі,
Үсті тікен..... (кірпі)
Өзіне ноян,
Қорқақ кім? (қоян)
Жер басқанның жүйрігі,
Аспаннан келер бұйрығы.
Бұйрығы жетіп келгенде,
Шошаңдайды......... (қарақұйрық)
Айбат шегер алыстан,
Аң патшасы........(арыстан)
Белестен шапқан бесті ат,
Бүкір келген желісті ат,
Бейғам елді іздейді,
Малдан күдер...... (қасқыр)
Үні ғажап дүлдүл,
Бақта сайрар.......(бұлбұл)

VI. Сергіту сәті.
Шөліркемей гүл тұрсын,
Жерім жайнап құлпырсын.
Нұрын сыйлап біздерге,
Көкте мәңгі күн тұрсын.
Ортақ бізге туыстық
Нұр сыйлаған күн ыстық.
Ыстық бізге кең өлке,
Ыстық бізге тыныштық.

VII. Шығармашылық тапсырма.
Аңшы мен бала атты көрініс.
- Құс аулауға шығамысың?
- Шығамын.
- Атқаныңды жығамысың?
- Жығамын.
- Мә, мылтығым, атамысың?
- Атамын.
- Мен дем алып қайтамын. (Бір айналып келеді)
- Құсың қайда қарағым - ау?
- Атпадым.
- Таппадың ба тоғайдан құс?
- Таппадым.
- Көп еді ғой көлде құс?!
- Көп екен.
- Я, неге атпадың?
- Түк дәлелім жоқ екен.
- Атуға сен қимадың ба?
- Қимадым. Табиғаттың құстарын да, аңдарын да өзіне қайта сыйладым.
ҮІІІ. Адасқан аңдар ойыны арқылы сабақты қорытындылау.
Оқушыларды бағалау.