Қазақша рефераттар

Топтың бірлесіп жауап беруі

Сабақ туралы мәлімет

Аймақ
Қызылорда облысы, Шиелі ауданы, Бәйгеқұм ауылы
Білім беру ұйымы
М.Әуезов атындағы №251 орта мектеп
Пән
Математика, 6-сынып
Мұғалім
Жакипов Галым Жардемханович
Сілтеме (дереккөздер)
ОМЖ, математика 6-сынып, ғаламтор деректері
Сабақ тақырыбы
Таңбалары әр түрлі сандарды қосуға есептер шығару

Жалпы мақсат

  • «Таңбалары әр түрлі сандарды қосу» тақырыбы бойынша есептер шығаруға баулу.
  • Таңбалар ережесін қолданып, таңбалары әр түрлі сандарды қосуды үйрету.
  • Топта бірлесіп жұмыс жасауға және өзгенің пікірімен санасуға тәрбиелеу.

Күтілетін нәтиже

Білім

Таңбалары әр түрлі сандарды қосу тақырыбы бойынша есептер шығара алады.

Дағды

Таңбалар ережесін қолданып, таңбалары әр түрлі сандарды қосуды меңгереді.

Құндылық

Топта бірлесіп жұмыс жасауға және өзгенің пікірімен санасуға үйренеді.

Тапсырмалар форматы

Топтық жұмыс

«Адасқан әріптер»

Жұптық жұмыс

«Кім ойшыл?»

Жеке жұмыс

Тест

Бағалау

Критерий арқылы және суммативті

Сабақ барысы (мұғалімнің жазбалары)

I. Ұйымдастыру

5 минут

  1. 1 Сыныпта жағымды психологиялық ахуал қалыптастыру: амандасу, оқушыларды түгендеу.
  2. 2 Оқушыларды топқа бөлу: әр түрлі қорапшаларға салынған математикалық таңбалар арқылы 3 топқа бөлу.
  3. 3 Үй тапсырмасын тексеру: үлгі бойынша өзін-өзі тексеру ұйымдастыру.

II. Ой қозғау

10 минут

Жұмбақ 1

Нәрселерді санағанда,
Керек ол бізге ауадай.
Айтыңдаршы, бұл қандай сан,
Жан-жағыңа қарамай?

Жауабы: Натурал сан

Жұмбақ 2

Бүтін сан, бөлшек сан —
Барлығы да бар онда.
Бұл қандай сан, айтыңдаршы,
Оң, теріс сан — бәрі сонда?

Жауабы: Рационал сан

Топтарға арналған сұрақтар

Әр топ ортақ талқылау арқылы жауаптарын ұсынады. Жауаптар критерийлер бойынша бағаланады.

Сұрақ 1

Теріс сандарды қосу үшін не істеу керек?

Сұрақ 2

Таңбалары әр түрлі сандарды қосуға бола ма?

Сұрақ 3

Рационал сандарды қалай салыстырамыз?

Бағалау критерийлері

  • Сұрақтың толық ашылуы.
  • Топтың бірлесіп жауап беруі.
  • Мысал арқылы түсіндірілуі.

III. Топтық жұмыс: «Адасқан әріптер»

10 минут

Есептерді шығарып, сәйкес әріптерді орналастыру арқылы жаңа сабақтың тақырыбы ашылады. Нүктелерді координаталық түзудің бойына орналастырыңдар. Бірлік кесінді — екі тор көз.

I топ

  • Ң (−6 + 6)
  • Т (−18 + 10)
  • С (11,6 + (−5,6))
  • А (−2,8 + 6,8)
  • Ы (−3,3 + 11,3)
  • Б (4,55 + (−2,55))
  • А (−1,9 + (−4,1))

Жауабы: Таңбасы

II топ

  • Т (−6 + 6)
  • Ә (−18 + 10)
  • Л (11,6 + (−5,6))
  • Р (−2,8 + 6,8)
  • І (−3,3 + 11,3)
  • Ү (4,55 + (−2,55))
  • Р (−1,9 + (−4,1))

Жауабы: әр түрлі

III топ

  • Е (−6 + 6)
  • Т (−2,8 + 6,8)
  • Е (11,6 + (−5,6))
  • Р (−3,3 + 11,3)
  • П (4,55 + (−2,55))
  • С (−1,9 + (−4,1))
  • Е (−18 + 10)

Жауабы: есептер

Қорытынды

Жаңа сабақтың тақырыбы: «Таңбалары әр түрлі сандарды қосуға есептер шығару».

IV. Жұптық жұмыс: «Кім ойшыл?»

10 минут

Оқушылар жұптасып отырып, оқулықтағы есептерді шығарады.

№ 476 есеп

Бос орынға (□) теңдік дұрыс болатындай санды қойыңдар.

№ 484 есеп

Жұлдызшаларды тиісті + немесе − таңбасымен ауыстырыңдар.

V. Жеке жұмыс: тест

7 минут

Тест тапсырмалары суммативті бағаланады.

I нұсқа

Тест тапсырмалары (мәтінде толық берілмеген).