Оқушыларға тақпақты хормен оқыту
Атырау облысы, Исатай ауданы
Х. Наубетов атындағы орта мектептің бастауыш сынып мұғалімі — Шарбану Нұрмашева Насырқызы.
Сабақтың тақырыбы
Ө дыбысы мен әрпі
Сабақтың мақсаттары
- Білімділік: Ө дыбысы және әрпімен таныстыру; айтылу ерекшелігін түсіндіру және жазылу жолын үйрету.
- Дамытушылық: Ө дыбысымен байланысты тапсырмаларды орындау арқылы оқушылардың ой-өрісін, ойлау қабілетін дамыту.
- Тәрбиелік: көркемдікке, әдептілікке баулу.
Сабақтың әдістері
Түсіндіру, ойын, сұрақ-жауап, танымдық ойлау, талдау, топтау, интерактивті жұмыс.
Ұйымдастыру және ресурстар
Пәнаралық байланыс
Ана тілі, дүниетану.
Техникалық құрал
Компьютер, мультимедиялық кешен.
Көрнекіліктер
Ө әрпінің баспа және жазба түрі, сюжетті суреттер, текшелер, кеспе әріптер және т.б.
Сабақта меңгерілетін сөздер
Сабақтың барысы
1) Ұйымдастыру кезеңі
Психологиялық дайындық.
Қара, достым, жан-жаққа,
Дайынсың ба сабаққа?
Орнында ма, қараңдар,
Кітап, дәптер, қаламдар?
2) Өткен сабаққа шолу
«Буын ұстау» ойыны
Шарты: доппен ойналады. Мұғалім бірінші буынды айтады, допты алған оқушы сөзді аяқтайды.
- Ән — ші
- Дә — рі
- Ә — теш
Сұрақ-жауап
«Ә дыбысы дауысты ма, дауыссыз ба?» — дауысты, жіңішке.
Жауапты текшелер арқылы көрсету.
3) Жаңа сабақ
Ой шақыру: жұмбақ
Шөлде бар,
Суда жоқ.
Көлде бар,
Буда жоқ.
Балалар «ө» дыбысын табады. «Шөл», «көл» сөздеріне дыбыстық талдау жасалады. Осылайша бүгінгі жаңа тақырып: Ө дыбысы мен әрпі.
Көрнекілікпен таныстыру
- Ө әрпінің баспа және жазба түрлері.
- Ө әрпі О әрпіне ұқсайды.
«Сөз ойла, көп ойла» ойыны
Ө әрпінен басталатын сөздерді жылдам айту:
Жаңа сөздермен жұмыс
- сөл — шөл
- төл — жаңа туған малдың баласы
- өмір, өріс, өңір
Сөздерге түсінік беріліп, хормен айтқызылады.
«Өрмекші» сөзіне дыбыстық талдау
Буынға бөлу: Өр — мек — ші. Оқушылар текшелер арқылы дыбыстарды көрсетіп отырады.
4) Сергіту сәті
«Шөжелерім» әні.
5) Оқулықпен жұмыс
- 1 «Шырын» сөзіне тоқталу.
- 2 «Шырын» тақырыбы бойынша мазмұнды суретке қарап әңгіме құрастыру.
- 3 Мұғалім мәтінді оқиды; дәмді, тәтті сөздерін қышқыл, ащы, тұщы сөздерімен мағыналас қатарда түсіндіреді.
Оқушыларға мәтінді оқыту
Мәтінді кезекпен немесе жеке-жеке оқиды.
6) «Ойлан, тап!» ойыны
Жұмбақ 1
Бір әріп бар, кей бала
Айтамын деп бүлдірген.
Оқи алмай шүлдірлеп,
Жолдастарын күлдірген.
Жауабы: Р
Жұмбақ 2
Жұмыртқадай дөңгелек,
Кетпейді бірақ дөңгелеп.
Жауабы: О
Жұмбақ 3
Әлде толған Ай ма екен,
Әлде үрген шар ма екен?
Белінде бар белдігі,
Бұндай әріп бар ма екен?
Жауабы: Ө
7) Жазу жұмысы
Қолға қалам алайық,
Әдемі етіп жазайық.
- 1 Ауада жазу.
- 2 Тақтаға жазу: Ө ө
- 3 Үлгі дәптерге жазу.
8) Тақпақ
Мультимедиялық кешен арқылы тақпақты оқу.
Ө — дегенім, өрік,
Өрікті ал, теріп!
Өзің ғана жемей,
Өркенге бер бөліп.
Жұмыс түрлері
- Тақпақты хормен оқу.
- Тақпақтың мазмұнын талқылау: не туралы, жаңа әріп кездесті ме?
Сөздік жұмыс
Өрік — тәтті жеміс.
9) Қорытындылау: «Паровоз» ойыны
Ойын тәртібі: оқушылар төртбұрыш орындарына дыбыстардың үйлесіміне сәйкес әріптерді қойып, сөздерді оқиды.
Мысал
Ор → өр
Мысал
оң → өң
Мысал
тол → төл
10) Бағалау
Жақсы жауап берген оқушыларға жұлдызшалар таратылады.
11) Үй тапсырмасы
- 1 «Шырын» мәтінін оқу.
- 2 «Дәмді», «тәтті» сөздеріне буындық және дыбыстық талдау жасау.