Қазақша рефераттар

Балтаның иесі кім

Сабақтың тақырыбы

«Алтын балта» (Ана тілі)

Сабақтың мақсаттары

  • Білімділік: оқушылар ертегіні түсініп оқиды, мазмұнын ашады.
  • Дамытушылық: оқушылардың сөйлеу тілі дамиды.
  • Тәрбиелік: оқушылар Отанын сүюге, құрметтеуге тәрбиеленеді; бойларына адамгершілік қасиеттерді сіңіреді.

Әдіс-тәсілдер

Сабақтың әдісі: СТО технологиясы.

Сабақтың түрі: жаңа сабақ.

Көрнекіліктер

  • Слайдтар
  • Концептуалды кесте

Сабақтың барысы

1) Қызығушылықты ояту

Болжау + сөйлем құрау

Оқушыларға суреттер көрсетіледі. Мұғалім сұрақ қояды: «Суреттерге қарап, бүгінгі сабақ не туралы болады деп ойлайсыңдар? 1–2 сөйлем құрастырайық.»

Мысал сөйлемдер:

  • Орманшы отын жарды.
  • Балтасының басы ұшып кетіп, суға түсіп кетті.
  • Диірменші балта ұсынды.
  • Алтын балтадан ақша шашылып жатыр.

Қорытынды сұрақ: «Сонымен, сабақ не туралы болады?» — бүгінгі тақырыбымыз: «Алтын балта».

2) Мағынаны ашу

Оқу + талдау

2.1) Мәтінді оқу және талдау

Алдымен кейіпкерлерді атаймыз. Мәтінді қаншалықты түсінгенімізді анықтау үшін, төмендегі сұрақтарға жауап беріп, концептуалды кестені толтырамыз.

  1. Балтаның иесі кім?
  2. Балта кімнің қолына түседі?
  3. Судан балтаны алуға көмектескен кім?
  4. Диірменші қандай балталарды ұсынады?
  5. Кедей қандай балтаны алады?
  6. Бай қандай балтаны алады?
  7. Диірменші кедейге қандай балтаны сыйлайды?
  8. Диірменші байға қандай балтаны сыйға ұсынады?
  9. Диірменші неге бұлай жасады деп ойлайсыңдар?
  10. Ертегі бізді қандай адам болуға шақырады?
Ертегі кейіпкерлері Балтаның иесі Балта кімнің қолына тиеді? Көмектескен кім? Ұсынылған балталар Сыйға тартқан Неге?
Кедей Кедей Диірменші шалдың қолына түседі Диірменші шал
Алтын Күміс Қара
Алтын балта Ақкөңілдігі мен адалдығы үшін
Бай Бай Диірменші шалдың қолына түседі Диірменші шал
Алтын Күміс Қара
Сый берілмейді (тәрбиелік қорытынды) Дүниеқоңыздық пен жалғандық үшін

2.2) Мәтінді мәнерлеп оқыту және сипаттау

Тапсырма: ертегіден жасыл түспен ерекшеленген тұсты теріп оқыңдар. Бұл сөздер қай кейіпкерге қатысты? Кейіпкерді сипаттап айтыңдар.

Келесі тапсырма: қара түспен ерекшеленген сөздер қай кейіпкерге қатысты? Сипаттап айтыңдар.

Талқылау сұрағы: «Осы ертегіден көңілімізге не түйдік?»

2.3) Кейіпкер бейнесін салу және мінезін ашу

Оқушылар қолдарындағы дөңгелектерді пайдаланып, мәтіндегі кейіпкерлердің бейнесін салады. Жұмыстың соңында таңдаған бейненің себебін түсіндіреді.

Қосымша: Күннің сәулелеріне кейіпкеріңнің мінез-құлқын жазыңдар.

  • Неліктен дәл осылай бейнеледің?
  • Қай кейіпкерге ұқсағың келеді? Неге?

Талқылау: Мінезі жайдары, ақжарқын адамды күнге теңейді. Бұл неге байланысты?

Себебі ондай адам күн сияқты айналасына жылу таратады, кез келген жағдайда көмекке келеді.

Ой-толғаныс

«5 жолды өлең» әдісі

  1. Күн
  2. Шуақты, жылы
  3. Нұрландырады, қыздырады
  4. Күн күркіресе, көк дүркірер
  5. Планета

Қорытынды ой

Ертегі адалдықты, ақкөңілдікті және қарапайым еңбекті бағалайды. Адамды адам ететін — байлық емес, мінезі мен таңдауы.

Бағалау

Оқушылардың мәтінді түсінуі, жауаптарының дәлдігі, сөйлеу мәдениеті және шығармашылық жұмысы негізінде бағаланады.

Үй тапсырмасы

Ертегіні мазмұндау.