Гүл Мақсаты

Тақырыбы: Гүл
Мақсаты: Ірі және ұсақ элементтерді орналастырып, әжелеріне гүл жасауды үйрету, пішіндерден гүлді құрастырып, жапсыру тәсілін үйрету;
ұқыпты жұмыс жасауды үйрету;
логикалық ойлау қабілеттерін дамыту.
Көрнекіліктер: үлгі, қылқалам, желім, сүлгі, қағаздан қиылған пішіндер.
Үнтаспа.
Билингвалды компонент: әже - бабушка, гүл - цветок, сыйлау - подарить.
Мотивациялық - қозғаушылық
(топтың бір жағын жайлау көрнісі безендірілген, балалар әуенмен топқа кіреді)
Шаттық шеңбері
Балалар бүгін біз жайлауға саяхаттап келдік. Жан - жағымызға қарайықшы.
- Не көріп тұрмыз?
- Өсіп тұрған гүлдерді.
- Дұрыс айтасыңдар, ал енді осы гүлдерді әр бір бала жұлып алып, өз тілегін айтып, менің қолымдағы құмыраға салады.
- Аспанымыз ашық болсын,
- Жұртымыз аман болсын,
- Еліміз тыныш болсын
- Деніміз сау болсын
- Ата - анамыз ауырмасын
- Балабақшамыз көркейе берсін
- Досымыз көп болсын,
- Ата - анамыз аман болсын
- Барлығымыз аман болайық.
Жарайсыңдар балалар, ал енді саяхатымызды жалғастырайық.
(Осы кезде ағаш үйдің қасында ұршық иіріп отырған Әжеге кездеседі.)
- Сәлеметсіз бе, Әже!
- Сәлеметсіздер ме, балаларым! Қайдан келе жатырсыңдар?
- Жайлауда саяхаттап жүрміз.
- Солай ма, жайлау ұнады ма? Не көрдіңдер?
- Иә жайлау ұнады, тамаша екен.
- Төрлетіңдер, үйге кіріңдер.
- Рахмет Әже, біз жол жүруіміз керек.
- Олай болса жолдарың болсын, аман болыңдар балаларым!
- Рахмет, сау болыңыз!
- Балалар жайлауда не көрдік?
- Раушан, қызғалдақ, бәйшешек т. б
Гүлді жапсыратындарын хабарлайды.
Ұйымдастыру - іздестіру
Жапсыру жолымен жасалған гүлдің үлгі суретін көрсетіп, сипатталады. Балалардың оң қолдарын көтертіп гүлді ауада салуды ұсынады және гүлдің күлтешелері мен жапырағының қандай пішінге ұқсайтынын сұрайды.
Гүлді жапсыру жолдары:
кеңістікті бағдарлап, қағаз бетін пайдалануды түсіндіру;
гүлдің сабақтарын жолақшалардан, жапырақтарын ұсақ сопақша пішіннен жапсырту;
гүлді дөңгелек, күлтелерін сопақша пішіннен жасату;
үстінен сүлгімен басу;

Сергіту сәті
Бас бармағым атам – үйдің панасы,
Баланүйрек әжем – үйдің данасы
Ортан терек әкем – үйдің қамқоршысы,
Шылдыр шүмек шешем – үйдің ажары,
Кішкентай бөбек – мен бәрінің базары.

Түсіңді тап дидактикалық ойыны
Тақтаға бес түрлі түс ілінеді сары, қызыл, көк, жасыл, ақ. Және отбасы мүшелеріңің адамдарыңың киімінің түстеріне қарай орналастыруы керек.
- Мынау кім?
- Әже
- Әженің көйлегінің түсі қандай?
Әженің суретін қызыл түстің қасына іледі.
Көрме ұйымдастырады. Балалардың жұмыстарын мадақтайды.
Рефлексивті – түзетушілік

Корыту
Сұрақтар қоя отырып, сабақты қорытылайды.
Күтілетін нәтиже:
Нені білуі керек: өсімдік түрлері туралы.
Нені игереді: ірі және ұсақ бөлшектерді жапсырып, гүл жасауды.
Нені біледі: желімді дұрыс жағуды

Маңғыстау облысы, Бейнеу ауданы,
"Болашақ балабақшасы" МКҚК тәрбиешісі
Джубанова Жазира