Қазақша рефераттар

Сыныппен амандасу

Сабақ туралы мәлімет

Қызылорда облысы, Жаңақорған ауданы, №51 М. Қаратаев атындағы орта мектеп. Қазақ тілі мен әдебиеті пәні мұғалімі — Бейсенбекова Алима.

Пәні: Қазақ әдебиеті. Сабақ тақырыбы: Шәкәрім Құдайбердіұлы «Қалқаман–Мамыр» поэмасы.

Мақсат, нәтиже, түйінді идея

Сабақтың мақсаты

  • Поэма мазмұнымен танысу, шығармадағы негізгі ойды анықтау.
  • Автор идеясын өз көзқарасымен байланыстыра оқу, шығармадағы қарама-қайшылықтарды табу.

Күтілетін нәтиже

  • Поэманың мазмұнын меңгеріп, негізгі ойды таба алады.
  • Автор ұстанымын өз ойымен байланыстырып, қарама-қайшылықтарды анықтайды.

Түйінді идея

Поэмадағы негізгі ой — жеті атаға дейін қыз алыспау дәстүрін сақтаудың маңызы.

Сабақ форматы

Сабақтың түрі: сындарлы сабақ

Сабақтың типі: аралас сабақ

Жұмыс формалары: топтық, жұптық, жеке жұмыс

Әдіс-тәсілдер: ой қозғау, топтастыру, миға шабуыл, серпілген сауал

Ресурстар мен байланыстар

Қажетті жабдықтар

  • Оқулық
  • Кесте, А4 парағы
  • Маркерлер
  • Бағалау парағы
  • Интерактивті тақта

Пәнаралық байланыс және дереккөздер

Пәнаралық байланыс: қазақ тілі, орыс тілі, тарих.

Негізгі дереккөздер: оқулық, баспа материалдары, интернет ресурстар.

Сабақ барысы

Кіріспе

  1. Амандасу және ахуал қалыптастыру. Сыныпта жағымды психологиялық орта орнату.
  2. «Мен кіммін?» танымдық ойыны. Өз еркімен бір оқушы шығады. Оқушы маңдайына жапсырылған стикердегі кейіпкерді басқа оқушылардың сипаттауы арқылы табады. Қатысушылар кейіпкерді портреті, іс-әрекеті, мінез-құлқы сияқты қырларынан суреттеп, жауапты бірден айтып қоймауға тырысады. Кемінде 3–4 оқушы ойнайды.
  3. Топқа бөлу. Сынып 3 топқа бөлінеді.
  4. Үй тапсырмасын тексеру. «Он сұрақ» әдісі арқылы қорытындылау; оқушылар жазып келген мәтіндерін оқып, тапсырмаларды орындайды.

Тұсаукесер

  1. Тақырыпты айқындау. Тірек сөздер арқылы тақырыпты ашу.
  2. Тақырыпты негіздеу. Бүгінгі сабақта Шәкәрім Құдайбердіұлының «Қалқаман–Мамыр» поэмасымен танысамыз.

Негізгі бөлім

Ұсынылатын уақыт: 20 минут

1-топ

Көкенай мен Әнет бабаның іс-әрекетін Венн диаграммасы арқылы салыстырыңыз.

2-топ

Көкенайдың іс-әрекетімен келісетініңізді немесе келіспейтініңізді 5 дәлелмен негіздеңіз.

3-топ

Әнет бабаның іс-әрекетімен келісетініңізді немесе келіспейтініңізді 5 дәлелмен негіздеңіз.

Мәтінді талдау тапсырмалары

  1. Шығармадағы оқиғалардың даму ретін сызба арқылы көрсетіңіз.
  2. Оқиғалар тізбегінен ең маңызды 3 мәселені бөліп алыңыз.
  3. Маңызды деп тапқан мәселелерді бүгінгі күнмен салыстырыңыз.
  4. Поэмада мәнін ешқашан жоймауы тиіс мәселелерді дәлел келтіріп, сынып назарына ұсыныңыз.

Жұптық тапсырма

Қалқаман мен Мамырдың іс-әрекеттеріндегі салт-дәстүрге қайшы тұстарды атаңыз. Сіз нені өзгертуге тырысар едіңіз?

Қорытынды

Шығармашылық жеке тапсырмалар

  1. Мамырдың немесе Қалқаманның әрекетіне «екі жақты күнделік» ұсыныңыз.
  2. Қалқаман мен Мамырдың әрекеті сол кездегі қазақ жастарына қаншалықты әсер еткенін болжап жазыңыз.

Бағалау

Бағалау парағы арқылы оқушының топтық, жұптық және жеке жұмыстағы белсенділігі мен дәлелдеу сапасы ескеріледі.

Үй тапсырмасы

Поэманың толық нұсқасын жүктеп, мазмұнын қайталау және талдауға дайындалып келу.