Қазақша рефераттар

ПУСК батырмасын басыңдар

Сабақ тақырыбы

Ақпараттарды жазу және оқу

Сабақтың типі

Практикум элементтері бар баяндап көрсету.

Сабақтың әдісі

Білім көзіне қарай топтастырылған әдістер: сөздік және практикалық.

Пәнаралық байланыс

Физика, математика.

Құзыреттілікке жеткізетін мақсат-міндеттер

Ақпараттық құзыреттілік

«Менің компьютерім» қапшығының терезесі, Бағыттауыш (Explorer) және «Пуск» батырмасы арқылы бағдарламаларды іске қосу мен құжаттарды ашу тәсілдерімен таныстыру.

Коммуникативтік құзыреттілік

Оқушылардың бағдарламаны іске қосу және құжаттарды ашу тәсілдерін меңгеруін, қолданбалармен жұмыс істеу дағдыларын дамыту.

Проблемалық құзыреттілік

Оқушыларды ұқыптылыққа, реттілікке және эстетикалық талғамға тәрбиелеу.

Күтілетін нәтижелер

Оқушылар білуі тиіс

  • қолданбалармен жұмыс істеудің негізгі қағидаларын;
  • бағдарламаларды іске қосу және құжаттарды ашу тәсілдерін;
  • Бағыттауыш (Explorer) бағдарламасының не екенін және қызметін.

Оқушылар үйренуі тиіс

  • қолданбаларды үш тәсілмен іске қосуды;
  • құжаттарды үш тәсілмен ашуды.

Оқыту құралдары мен технологиялар

Педагогикалық технология

АКТ

Оқыту құралдары

Кітап, ережелер

Көрнекілік

Интерактивті тақта

Практика

Жұмыс дәптері, тапсырмалар

Сабақтың барысы

I. Ұйымдастыру кезеңі

  • Мұғалім оқушылармен амандасады.
  • Сыныптың тазалығын тексереді.
  • Кезекшіден қатыспаған оқушылардың тізімін алады.
  • Оқушылардың назарын сабаққа шоғырландырады.

II. Үй тапсырмасын тексеру

Ауызша сұрақ-жауап: «Windows-тың қандай объектілерін білесің?»

III. Жаңа материалды меңгерту

Теориялық материал оқулықта берілген. Түсіндіру барысында жұмыс дәптеріндегі кестелер толтырылады, бағдарламаларды іске қосу және құжат ашу тәсілдері көрсетіледі. Әдістердің ұқсастығы мен айырмашылығы талданып, қай жағдайда қай тәсіл тиімді екені анықталады. Әр оқушы тәсілдерді өз бетімен орындап көреді.

Негізгі ұғым: 3 тәсіл

Бағдарламаны іске қосудың және құжатты ашудың үш негізгі тәсілі бар:

1) «Менің компьютерім» арқылы

Қапшықтар құрылымы арқылы қажетті орынға өтіп, бағдарламаны іске қосу немесе құжатты ашу.

2) Бағыттауыш (Explorer) арқылы

Сол жақтағы ағаш құрылым мен оң жақтағы мазмұн аймағын пайдалану арқылы.

3) «Пуск» батырмасы арқылы

Бас мәзір арқылы бағдарламаларға және құжаттарға жылдам қол жеткізу.

Ескерту

Тапсырмаларда әрекеттер тізбегін ретімен көрсету қажет. Сондай-ақ әр қадамның нәтижесін нақты белгілеу маңызды. Мысалы: «Пуск» батырмасын басқанда Бас мәзір ашылады.

Практикалық тапсырмалар

«Пуск» арқылы бағдарламаны іске қосу

  1. «Пуск» батырмасын басыңдар.
  2. «Бағдарламалар» бөлімін таңдаңдар.
  3. «Стандартные» бөлімін таңдаңдар.
  4. Таңдалған қолданбаның белгішесін шертіңдер.

«Пуск» арқылы құжат ашу

  1. «Пуск» батырмасын басыңдар.
  2. Маус нұсқағышын «Құжаттар» (Documents) бөліміне апарыңдар.
  3. Таңдалған құжаттың белгішесін шертіңдер.

«Менің компьютерім» арқылы бағдарламаны іске қосу

  1. «Менің компьютерім» белгішесін екі рет шертіңдер.
  2. C: дискінің белгішесін екі рет шертіңдер.
  3. Program Files қапшығын екі рет ашыңдар.
  4. Accessories қапшығын екі рет ашыңдар.
  5. Таңдалған қолданбаның белгішесін екі рет шертіңдер.

«Менің компьютерім» арқылы құжат ашу

  1. «Менің компьютерім» белгішесін екі рет шертіңдер.
  2. C: дискінің белгішесін екі рет шертіңдер.
  3. «Менің құжаттарым» қапшығын екі рет ашыңдар.
  4. Таңдалған құжаттың белгішесін екі рет шертіңдер.

Бағыттауыш (Explorer) туралы

Бағыттауышты іске қосу

  1. «Пуск» батырмасын басыңдар.
  2. Маус нұсқағышын «Стандартные» командасына апарыңдар.
  3. «Бағыттауыш» командасын шертіңдер.

Терезе құрылымы және белгілер

Бағыттауыш терезесі екі бөліктен тұрады: сол жақта қапшықтардың құрылымы, оң жақта таңдалған қапшықтың мазмұны көрсетіледі.

  • + белгісі қапшықтың ішінде бағыныңқы қапшықтар бар екенін көрсетеді. Белгішені шерткенде ішкі қапшықтар ашылып, + белгісі − белгісіне ауысады.
  • − белгісі қапшық мазмұны ашық екенін білдіреді. Оны шерткенде қапшық жинақталып, − белгісі + белгісіне ауысады.

Бағыттауыш арқылы бағдарламаны іске қосу

  1. Жоғарыдағы тәсілмен Бағыттауышты іске қосыңдар.
  2. Сол жақ бөліктен Program Files қапшығының + белгісін шертіңдер.
  3. Accessories қапшығын таңдаңдар.
  4. Оң жақ бөліктен таңдалған бағдарламаның белгішесін екі рет шертіңдер.

Бағыттауыш арқылы құжат ашу

  1. Жоғарыдағы тәсілмен Бағыттауышты іске қосыңдар.
  2. Сол жақ бөліктен «Менің құжаттарым» қапшығының + белгісін шертіңдер.
  3. Оң жақ бөліктен таңдалған құжаттың белгішесін екі рет шертіңдер.

Бақылау тапсырмасы (сөйлемді аяқта)

  • Бағыттауыш қолданбасының терезесі екі бөліктен тұрады: сол жақ бөлігі — __________, оң жақ бөлігі — __________.
  • + белгісі __________ екенін көрсетеді.
  • − белгісі __________ екенін білдіреді.

Жаңа материалды бекіту

  • Бағдарламаны іске қосу және құжаттарды ашу тәсілдерін практикада қайталау.
  • Бағдарламаны іске қосудың және құжат ашудың үш тәсілін жаттау.
  • Бағыттауыш бағдарламасының не үшін қажет екенін түсіндіру.

Үй тапсырмасы

«Ақпараттарды жазу және оқу» тақырыбын қайталау.

Қорытынды

Сабақ аяқталды. Сау болыңыздар!