Қыздардың тапсырмасы

Сабақ туралы мәлімет

Білім саласы: Таным
Ұйымдастырылған оқу іс-әрекеті: Оқыту іс-әрекет түрі
Тақырыбы: 10 саны мен цифры
Әдісі: Сұрақ-жауап
Пәнаралық байланыс: Тіл дамыту, көркем әдебиет

Мақсаттары

10 санының пайда болуын түсіндіру.
10 санының таңбасымен таныстыру және оның екі таңбалы сан екенін меңгерту.
10 санының құрамын анықтау (1 және 0 арқылы жазылатынын ұғындыру).
Балалардың ой-өрісін, ойлау қабілетін, шапшаңдығын және сауаттылығын дамыту.
Дұрыс сөйлеуге, шығармашылық еңбекке және ұйымшылдыққа тәрбиелеу.

Көрнекіліктер

1 0-ден 10-ға дейінгі кеспе цифрлар.
2 «Мақта қыз бен мысық» ертегісінің суреттері.

Оқу іс-әрекетінің барысы

1) Ұйымдастыру кезеңі

Балалар, бүгін бізге қонақтар келді. Қонақтармен амандасайық.

Психологиялық дайындық: бір-біріміздің қолымыздан ұстап, алақан жылуы арқылы жылы лебізімізді білдірейік.

Жетелеуші сұрақтар

— Мына ағаштың басында неше торғай отыр?

Жауап: 9 торғай.

— 9 торғайға тағы 1 торғай келіп қосылды. Енді неше торғай болды?

Жауап: 10 торғай.

Негізгі түсінік

10 — екі таңбалы сан.
10 саны екі цифрмен жазылады: 1 және 0.
9 — бір таңбалы сандардың ең үлкені.

Дәптермен жұмыс

10 цифрын ауада жазып көрсету.
Дәптерге 10 санын жазу.

2) Ертегілер еліне саяхат

Балалар, біз қандай ертегілермен таныстық?

Енді көзімізді жұмып, ертегілер еліне саяхат жасап қайтайық. Көзімізді ашайық — ертегілер еліне келдік.

«Мақта қыз бен мысық» ертегісін еске түсіру

Мысық қатықты төгіп алады. Мақта қыз мысықтың құйрығын кесіп қояды. Мысық жалынып:

— Апа, құйрығымды берші!

Қыз:

— Егер менің тапсырмаларымды орындасаң, құйрығыңды қайтарамын, — дейді.

Мысық келіседі. Балалар, мысыққа көмектесеміз бе? Тапсырмаларды орындаймыз ба?

Балалардың жауабы: Көмектесеміз, орындаймыз.

3) Тапсырмалар

1) Сиырдың тапсырмасы

Санау

0-ден 10-ға дейін тура және кері санау.

2) Ағаштың тапсырмасы

Есеп

Ағаштың басында 10 жапырақ ілініп тұр еді. Кенет жел тұрып, 5 жапырақ жерге түсіп қалды. Ағашта неше жапырақ қалды?

Жауабы: 5

3) Қыздардың тапсырмасы

Логика

Оң қолыңда неше саусақ бар? Сол қолыңда ше? Екі қолыңда барлығы неше саусақ болады?

Жауабы: 10

Сергіту сәті

Сыңғыр, сыңғыр сырғалар,

Құлағымда сырғалар.

Оң қолымда білезік,

Сол қолымда білезік.

Саусағымда сақина:

1, 2, 3, 4, 5, 6, 7, 8, 9, 10

Отырайық тып-тыныш.

4) Дүкеншінің тапсырмасы

Көршілес сандар

3 санының көршілері кімдер?

2 4

5) Тауықтың тапсырмасы

Қосу

5 + 4
2 + 3
0 + 3

6) Тышқанның тапсырмасы

Қатар

Сандар қатарындағы жоғалған сандарды тап:

0, …, 2, …, …, 5, …, 7, 8, …, 10

4) Қорытынды

Мысық Мақта қыздың барлық тапсырмасын орындады. Мақта қыз риза болып, мысықтың құйрығын қайта берді.

Енді ертегілер елінен өз тобымызға қайтайық. Орындарымызға жайғасайық.

Қайта сұрақ қою

— Бүгін біз қандай санмен таныстық?

— Қайда саяхаттадық?

Жарайсыңдар, балалар! «Мақта қыз бен мысық» сендерге риза болды. Барлығың да үлгілі, білімді екенсіңдер. Енді қонақтармен қоштасайық.