Сабақтың алғышарттары

Дүниетану. 2 сынып
Сабақтың тақырыбы: Өсімдіктердің көктемгі тіршілігі
Сабақтың мақсаты: Оқушылардың зерттеу әрекеттерін дамыту арқылы оқу мен жазу процесіне ынталандыру ортасын құру.
Сабақтың міндеттері:
• Оқушылардың ата - аналарымен бірге сабаққа дейін тақырып бойынша зерттеу жұмыстарын жүргізуге бағыт беру;
• Өсімдіктердің көктемгі өзгерістеріне талдау жасау және бақылау жүргізу арқылы өз бетінше түсінік құруға көмектесу;
• Жазу, ой бөлісу, оқу және талдау арқылы баланың жеке көзқарасын дамытуға жағдай жасау;
• Балаларды сабақта және сабақтың тыс зерттеу әрекеттерін ұйымдастыру арқылы оқыту процесін құру;
Күтілетін нәтижелер:
• Ата - аналар баласымен бірге зерттеу әрекетін жасаған соң сабағына, ынтасына, жетістіктеріне деген қызығушылығы туындайды;
• Бала көру, бірлесе талдау, ойын ортаға салу арқылы жеке білімін қалыптастырады;
• Оқу және жазу арқылы оны талдап, сараптап үйренеді және білім ғана емес, жеке пікірін де дамытады;
• Білімді ізденіс және зерттеу, жасау арқылы алуға дағдыланады;
Сабақтың алғышарттары:
• Оқушылар бірнеше апта бұрын өз отбасымен бірге үйінде топыраққа әртүрлі өсімдіктер отырғызады,
(укроп, сарымсақ, қызанақ, қияр, дәнді дақылдар т. б.) бақылайды және жазады.
• Бәйшешек, бақбақ гүл, өгейшөп деген өсімдіктер туралы қосымша оқып, суреттерін салып, газет шығарып келеді, кейбір аңыздарды зерттеп келу, ата - аналардан сұхбат алып келу.
• Сонымен қатар, балалар топтық жұмыс ережелерімен таныс болуы тиіс.
Бағалау:
• Сабаққа дейінгі отбасылық эксперимент және бақылау күнделігі бағаланады.
• Сабақ кезіндегі жеке жазбаша ойлары мен топтағы белсенділігі бағаланады.
Оқушыларды топқа бөлу: Оқушылар топқа 4 - 5 адамнан отырады.
Қызығушылықты ояту:
Бейнефильм Көктем . 3 минут. Мұғалімнің сұрағы: мұнда не болып жатыр деп ойлайсыңдар?
Балалар жеке ойларыңды жазыңдар. 2 - 3минут.
Жазғандарыңды жұпта оқып беріңдер, топта талқылаңдар енді жариялаңдар. Жариялау барысында сыныптағы балаларға қарап сөйлеңдер. Оқушылардың жауаптары.

Мағынаны ашу:
1. Өсімдіктердің көктемгі тіршілігі туралы бейнефильм.
Мұнда не болып жатыр, ауызша айту, топта талқылау. Бүршік деген не?
1. Балалар үйден әкелген ақпараттарды, ресурстарды ортаға салады, жариялайды. Бәйшешек, бақбақ гүл, өгейшөп деген өсімдіктер туралы қосымша айтып береді.
2. Балалар ағаштардың өзгерістерін қолмен жасайды, талқылайды, жариялайды.
Ой толғаныс жасау:
Бес жолды өлең жазу. Жеке жазу.