Неткен сұлу, неткен көркем

Сабақтың тақырыбы: Туған өлкем Ө. Тұрманжанов
Сабақтың мақсаты: 1. Оқушыларға ақын жайлы қысқаша мәлімет беріп, өлеңді түсініп, мәнерлеп оқыту арқылы туған жердің, табиғаттың әсемдігі жайлы, байлығы жайлы түсініктерін тереңдету.
2. Оқу дағдысын қалыптастырып, ойлау қабілеттерін, сөйлеу мәдениетін, сөздік қорларын молайтып, пәнге деген қызығушылығын дамыту.
3. Туған жерді, елді, Отанын сүюге тәрбиелеу.
Сабақтың түрі: Аралас сабақ.
Сабақтың әдіс - тәсілі: әңгімелеу, түсіндіру, сұрақ - жауап, сөздік әдісі
Сабақтың көрнекілігі: Ө. Тұрманжановтың суреті, өмір баяны туралы сызба,
сөзжұмбақ, мақал - мәтелдер.
Пәнаралық байланыс: дүниетану

Сабақтың барысы
I. Ұйымдастыру кезеңі:
а) оқушылармен сәлемдесу
ә) дайындығын қадағалау
б) психологиялық дайындық
Ана тілің арың бұл,
Ұятың боп тұр бетте.
Өзге тілдің бәрін біл,
Өз тіліңді құрметте.

II. Үй тапсырмасын тексеру кезеңі:
а) Өлеңді жатқа сұрау
ә) 3 қатарға берілген тапсырмаларды сұрау.
*1 - қатар Қазақ тілі - мемлекеттік дәрежеде қолданылып отыр
*2 - қатар Қазақ тілі - мемлекеттік дәрежеде қолданылып отырған жоқ деген ұғымдарды дәлелдейді.
*3 - қатар Тіл туралы мақалдар жазып келу.
1. ОЙ ҚОЗҒАУ
Сызбаны толтыру. (Бүгінгі өлеңде Туған тілім деп отырғаны қандай тілдер екен.)

Сұрақ - жауап алу
1. Дихан Әбілев кім?
2. Оның қандай өлеңімен таныс болдыңдар?
3. Туған тіл қандай тіл екен?

III. Жаңа сабаққа дайындық кезеңі:
2. ОЙ ҚОЗҒАУ
Сөзжұмбақ шешу

1. Талас ауданының орталығы
2. Мемлекеттік рәміздердің бірі
3. 5 - пен 4 - тің қосындысы
4. Елордамыз -
5. Біздің Республикамыз
6. Көру мүшесі
7. Ешкінің төлі
8. Білім ордасы
9. Асқар тау
10. Біз қай облыста тұрамыз.

IV. Мақсат қою
- Сөзжұмбақтың ерекше жолынан қандай сөз шықты?
- Туған өлкем
Бүгінгі сабақтың мақсаты – Ө. Тұрманжановтың Туған өлкем өлеңімен танысу.
Туған өлкем
Көгінде күн нұрын төккен,
Жерінде гүл жұпар сепкен.
Неткен сұлу, неткен көркем!
Осы менің туған өлкем!
Алтын дәнді даласы бар,
Ақ күмістей қаласы бар.
Неткен сұлу, неткен көркем!
Осы менің туған өлкем!
Түлігі өскен алуан - алуан,
Төс, алқабы малға толған.
Неткен сұлу, неткен көркем!
Осы менің туған өлкем!
Ер еңбегі шалқып, тасқан,
Ел еркіндеп бақыт тапқан.
Неткен сұлу, неткен көркем!
Осы менің туған өлкем!
Туған өлкем Ө. Тұрманжанов жүктеу