Сендер қандай ертегімен таныстыңдар
Автор туралы қысқаша мәлімет
- Өңір
- Маңғыстау облысы, Қарақия ауданы
- Білім беру ұйымы
- Мұнайшы ауылы, «Балауса» балабақшасы
- Лауазымы
- Бейнелеу өнері оқытушысы
- Оқытушы
- Тлеумағанбетова Әсемгүл Орынғалиевна
- Тақырып
- «Менің сүйікті ертегім»
- Білім беру салалары
- Қатынас, шығармашылық, әлеуметтік орта
Сабақтың мақсаты мен міндеттері
Негізгі мақсат
Ертегінің желісін түсіндіру арқылы балалардың сөздік қорын, ой-санасын және қиялдау қабілетін дамыту; ертегіні рөлге бөліп орындауға және сурет салу дағдысын жетілдіруге ықпал ету. Балаларды қайырымды, көпшіл болуға тәрбиелеу.
Қосымша міндеттер
- Кейіпкерлер арқылы бейнелеу өнеріне қызығушылықты нығайту.
- Ертегі тыңдау мәдениетін қалыптастыру және белсенді жауап беруге үйрету.
- Шығармашылық ойлау мен ұжымдық әрекетті қолдау.
Әдіс-тәсілдер және көрнекіліктер
Әдіс-тәсілдер
Көрнекіліктер
- Слайд материалдары
- Жабайы аңдардың суреттері
- Ертегі кітапшалары
Сабақтың барысы: жылы қарсы алу және әңгімелесу
Қонақтармен амандасу
Бүгін бізде ерекше күн: сабағымызға қонақтар келіп отыр. Алдымен қонақтармен амандасып алайық.
Шаттық шеңбері
Сәлем, сәлем басым!
Сәлем, сәлем көзім!
Сәлем, сәлем бетім!
Сәлем, сәлем қолым!
Сәлем, сәлем, балалар!
Жыл мезгілі туралы сұрақтар
- Қазір жылдың қай мезгілі?
- Көктем мезгілінде неше ай бар?
- Көктемде қандай ерекшеліктер болады?
Сиқырлы сандықша және ертегілер әлемі
Тосын сәт
«Мына жаққа қарайықшы», — деп тәрбиеші сиқырлы сандықшаны көрсетеді. Сандықша музыка әуенімен ашылады. Ішінен «сиқырлы қапшық» шығады.
Бұл қапшық — жай қапшық емес. Оның ішінде балалардың сүйікті ертегілері бар.
Сұрақтар арқылы қызықтыру
- Ертегілерді жақсы көресіңдер ме?
- Қандай ертегілерді білесіңдер?
Ертегі деген не?
Ертегі — халқымыздың ертеден келе жатқан мәдени мұраларының бірі, ауыз әдебиетінің маңызды саласы. «Бұрынғы өткен заманда, ерте-ерте, ертеде…» деп басталуының өзі оның тамыры тереңде жатқанын аңғартады.
Ертегілерде халықтың тұрмыс-тіршілігі, әдет-ғұрпы, елдік тарихы, асулары мен арман-мұраты бейнеленеді. Жазу-сызуы кең таралмаған кезеңдерде ауызша айтылып, ұрпақтан-ұрпаққа жеткен көркем әңгімелердің бірі ретінде бағаланады.
Ертегінің түрлері
- Жануарлар туралы ертегілер
- Қиял-ғажайып ертегілер
- Шыншыл ертегілер
Осы түрлердің ішінде қиял-ғажайып ертегілер ерекше тартымды: оларда халық қиялы, жақсылық пен жамандықтың, әділдік пен жауыздықтың бітіспес тартысы айқын суреттеледі. Кейде шындық оқиға мен қиял-ғажайып желі қатар өрбіп, оқырманды ойландыра түседі.
Жұмбақтар арқылы кейіпкерлерді табу
1. Өзі қу, жүрген жері айқай-шу.
Жауабы: Түлкі
2. Далада жүр шапқылап, керемет тым саққұлақ, тек есектен басқада, оған ұқсар жоқ құлақ.
Жауабы: Қоян
3. Ит сияқты пішіні, ұнатпайды ол кісіні.
Жауабы: Қасқыр
4. Қыс бойына жатады, тәтті ұйқыға батады.
Жауабы: Аю
5. Өзі қып-қызыл болып піседі, күнге ұқсас келеді.
Жауабы: Бауырсақ
Негізгі бөлім: «Бауырсақ» ертегісі
Бүгінгі ашық оқу іс-әрекетінде біз «Бауырсақ» ертегісімен толық танысамыз. Слайд арқылы ертегінің мазмұны түсіндіріледі, кейін кейіпкерлерді атап, балаларды рөлдерге бөліп, шағын көрініс қойылады.
Рөлдік ойын
Балалар ертегі кейіпкерлеріне айналып, оқиғаны өздері сомдайды. Бұл тәсіл сөйлеу дағдысын, сенімділікті және топпен жұмыс істеуді дамытады.
Шығармашылық тапсырма: Бауырсақты саламыз
Тапсырманың идеясы
«Ата мен әженің бауырсағын қайдан тауып береміз?» деген сұрақ қойылады. Шешімі — ата мен әжеге бауырсақтың суретін салып беру.
Бауырсақтың пішіні домалақ, күнге ұқсайды. Сондықтан ол домалап жүре береді.
Орындалу қадамдары
- 1 Алдымен ауада шеңбер сызығын көрсетіп, қозғалысты қайталаймыз.
- 2 Ақ қағазға қылқаламмен үлкен шеңбер саламыз: бір нүктеден бастап, қылқаламды қағаздан алмай сол нүктеге дейін жеткіземіз.
- 3 Шеңбердің ішін сары түспен бояймыз.
Сергіту сәті
Ата ағаш жарады,
Әже нанды жабады.
Түлкі тамақ пісіріп,
Қасқыр кілем қағады.
Қоян көйлек тоқиды,
Аю сабақ оқиды.
Қорытынды және кері байланыс
Қайталау сұрақтары
- Бүгін қай ертегімен таныстық?
- Қандай ертегілерді білесіңдер?
- Ертегінің қандай түрлері бар?
Мадақтау және қоштасу
Балалар бүгінгі ашық оқу іс-әрекетіне белсене қатысты, бауырсақтың суретін ұқыпты әрі әдемі салды. Белсенділік танытқан балалардың есімдері аталып, әрқайсысы мақтау сөздермен қолпашталады.
Сабақ соңында қонақтармен қоштасып, оқу іс-әрекеті аяқталады. Ата мен әже ризашылығын білдіріп, алғыс айтады.