Қарамен берілген сөзді сөз құрамына талдап, кестеге жазу
Сабақ туралы
Сабақтың тақырыбы
Түбір мен қосымша. «Шынықсаң шымыр боласың»
Пән / сынып
Қазақ тілі, 2-сынып
Оқу мақсаты
Мәтіннің тақырыбы мен тірек сөздеріне сүйене отырып, мәтін мазмұнын болжау.
Күтілетін нәтижелер
Оқушылардың барлығы
- Оқулықтағы және қосымша тапсырмаларды орындайды.
- Жазба жұмысын орындайды.
- Сұрақтарға жауап береді.
Оқушылардың көпшілігі
- Топтық жұмысты бірлесе орындайды.
- Өз бетінше жұмыс жасайды.
- Сұрақтарға жауап береді.
- Үлестірме материалдармен жұмыс жасайды.
Оқушылардың кейбіреуі
- Оқулықтан тыс қосымша тапсырмаларды орындайды.
- Тақырып бойынша қосымша мәліметтер мен дәлелдер келтіре алады.
Бағалау критерийлері
- Сөз құрамына талдау жасай алады.
- Түбір мен қосымшаны ажырата алады.
- Сурет немесе тақырып бойынша әңгіме құрай алады.
- Жеке, жұптық және топтық тапсырмаларды орындай алады.
- Тыңдаушының назарын өзіне аудара алады.
Ресурстар мен әдіс-тәсілдер
Ресурстар
- Оқулық
- Суреттер
- Топқа бөлуге арналған кеспе қағаздар және әртүрлі заттар
- Топтық тапсырмалар
- Кері байланыс парағы
- Стикерлер
Әдіс-тәсілдер
- Сұрақ-жауап
- Әңгімелеу
- Түсіндіру
- Ойын
- Көрнекілік
- Рефлексия
Пәнаралық байланыс
Музыка, қазақ тілі.
Сабақ барысы
Басталуы
5 минут
Ұйымдастыру кезеңі
2 минут
Тақтаға спорт сайысының сызбасы ілінеді:
- Әр кезең белгіленеді; кезеңнен өткен сайын жалауша жылжып отырады.
- Бағалау «алтын», «күміс», «қола» жетондар арқылы жүргізіледі.
- «Жүлделер қоржыны» тақтасы ілінеді (қорытындыны маркермен белгілеп отыру жоспарланады).
Топтарға бөлу
Оқушылар сөреде ілінген стикерлерді алып, сөз мағынасына сәйкес топқа барып отырады.
1-топ: Синоним
Ойын: Хоккей
2-топ: Антоним
Ойын: Биатлон
3-топ: Омоним
Ойын: Мәнерлеп сырғанау
4-топ: Түбір сөз
Ойын: Коньки
Жаңа білім
10 минут
І кезең (топтық жұмыс): Білу және түсіну
- Әр топ өз спорт түріне сәйкес ассоциациялар ойлап, жазады.
- Жинақталған сөздерді кестеге түсіреді.
| Түбір сөз | Қосымша | Жасалған сөз |
|---|---|---|
| хоккей | -ші | хоккейші |
| коньки | -ші | конькиші |
ІІ кезең: Оқулықпен жұмыс
Тапсырма 1: №52
Сурет бойынша әңгіме құра.
Рөлдік элемент
«Спорт комментаторы» рөлінде әр топ оқушыларынан сұхбат алынады.
Жариялау әдісі
Әр топ берілген сұрақтар бойынша өз ұстанымын спикер арқылы 5 минут ішінде жариялайды.
- Бұл қысқы ойын түрі қалай ойналады?
- Осы ойын түрлері бойынша жүлдегер атанған қандай қазақстандық спортшыларды білесің?
Тапсырма 2: №53 (жұптық жұмыс)
Тақырыпты экраннан оқып, өлең мазмұнын болжау.
- Іштен оқу.
- Қарамен берілген сөздерді сөз құрамына талдап, кестеге жазу.
Қолдану
ІІІ кезең
Дәптермен жұмыс: №54
Тиісті сөзді қойып, көшіріп жазу.
Ойын: «Спорт комментаторы»
Дыбыссыз бейнероликті сөзбен хабарлау (комментарий жасау).
Сергіту сәті
2 минут
Ойын: «Қар лақтыру»
Әр топ мүшесі бүгінгі сабаққа қатысты бір сұрақты параққа жазады, парақты умаждап, келесі топқа лақтырады. Осылайша барлық топ сұрақтарға жауап беріп, жұмыс жасайды.
Мұғалім туралы мәлімет
Мұғалімнің аты-жөні: Қуанышбекова Н. Н.