Қазақша рефераттар

Жемістер жинау

Тәрбие сағаты: «Намыс дода» (спорттық сайыс)

Бұл тәрбие сағаты оқушылардың дене дайындығын нығайтуға, спорттың денсаулыққа пайдасын түсіндіруге және салауатты өмір салтын қалыптастыру арқылы ептілікке, жылдамдыққа, шапшаңдыққа тәрбиелеуге бағытталған.

Жүргізуші сөзі

«Мен қазақпын мың өліп, мың тірілген,
Жөргегімде таныстым мұң тіліменен,
Жылағанда жүрегім күн тұтылып,
Қуанғанда күлкімнен күн түрілген», — деп Ж. Молдағалиев айтқандай, бәрің де егемен еліміздің бақытты ұл-қыздарысыңдар.

Ата-бабамыз бізге ұлан-ғайыр жерді мұра етіп қалдырған. Сол мұраны қорғау үшін денесі мығым, батыр әрі ержүрек ұрпақ қажет. Ендеше еліміздің болашағы, қорғаны болатын ұл-қыздарымыздың қатысуымен өтетін «Намыс дода» спорттық сайысын ашық деп жариялаймыз.

Сайыс бөлімдері

I. Таныстыру

Топ таныстыру
  • Төсбелгі арқылы өзін таныстыру.
  • Команда атауы мен ұранын таныстыру.

II. Музыкамен жаттығулар

Қимыл-қозғалыс

Әр оқушы музыка ырғағымен жаттығу жасап, спорттық шеберлігін көрсетеді.

III. «Кім жылдам?» ойыны

Жылдамдық пен үйлесім
  1. Әр топтан 4 ойыншы шығады.
  2. Екі ойыншының аяқтары байланады да, олар «үш аяқтап» бірге қозғалады.
  3. Әр топтың алдында 2 метр қашықтықта орындық үстіне шамамен 10 алма қойылады.
  4. Аяқтары байланған ойыншылар алманы орындықтан алып, жәшікке салады.
  5. 1 минут ішінде жиналған алма саны — ұпай.

Келіңдер, көріңдер — ынта бөліңдер,
Шығам деп сеніңдер — оқа емес әуелде.
Қиналсаң егер де, оп-оңай жеңімпаз
Болғандар жоқ елде.

IV. Арқан тарту

Күш пен бірлік

Ортаға сызық сызылады. Қай топ қарсыласын сызықтан асыра тартып өткізсе, сол жеңіске жетеді.

V. «Су тасымақ»

Тепе-теңдік
  1. Екі топ қатар сапқа тұрады.
  2. Әр топ жанында суы бар шелек тұрады.
  3. Ойыншы шелектен су алып, бос шелекті басына қояды да, арғы жақтағы ыдысқа су құяды.
  4. Шелекті қолмен ұстауға болмайды. Ұстаса немесе су төгілсе — ереже бұзылады.
  5. Ойынды келесі ойыншы жалғастырады.

Жеңімпазды әділ-қазылар ыдыста жиналған су мөлшеріне қарай анықтайды: қай топтың суы көп болса, сол топқа ұпай қосылады.

VI. «Шар жинау»

Ептілік пен дәлдік
  1. Ойынға барлық қатысушы тартылады.
  2. Ойыншылар кезектесіп екі-екіден шар жинап, алаңның екінші жағындағы жәшікке салады.
  3. Жолда «бұқалар» кедергісі болады: шығыршықтардың арасынан өту керек.
  4. Шарды жарғызуға болмайды. Егер шар жарылса, ұпай есептелмейді.

Ойын соңында жәшіктегі шар саны саналып, ұпай анықталады.

VII. «Шеңбер сызығы»

Ұйымшылдық

Алаңға шеңбер сызылады. Команда мүшелері белгіленген уақыт ішінде шеңбердің ішіне толық сыйып тұруы керек.

VIII. «Жемістер жинау» (капитандар сайысы)

Жылдамдық

Жемістер жәшіктің ішінде болады. Капитандар 1 минут ішінде мүмкіндігінше көп жеміс жинайды. Ұпай саны жиналған жеміс санына қарай есептеледі.

IX. «Білім жарысы»

Сұрақ-жауап
  1. Әр топ капитаны ортаға шығады.
  2. Үстел үстіндегі конверттердің бірін таңдайды.
  3. Конверт ішінде жасырылған әріп беріледі.
  4. Капитан жауапты сол әріптен басталатын сөзбен айтуы керек.

Сұрақтар

  • Спорттық ойындарды ата.
  • Денсаулыққа не зиян?
  • Денсаулыққа не пайдалы?
  • Ұлттық ойындарды ата.
  • Мақал-мәтел айт.

Жауап үлгілері

Спорттық ойындар:

баскетбол, сырғанақ, теннис, арқан тарту.

Зиянды әдеттер:

темекі, сағыз, алкоголь және т.б.

Пайдалы әрекеттер:

сәбіз, алма, таза ауада серуендеу.

Ұлттық ойындар:

алтыбақан, соқыртеке, бәйге.

Мақал-мәтелдер:

  • Біреудің ала жібін аттама.
  • Сен оқысаң, мен тоқығам.
  • Ақыл — тозбайтын тон, білім — таусылмайтын кен.
  • Бейнетсіз рахат жоқ.

Қорытынды

Сайыс соңында әділ-қазылар алқасының шешімі бойынша жеңімпаздар анықталып, марапатталады. Барша қатысушыларға белсенділігі мен ұйымшылдығы үшін алғыс айтылады.