Сабақта алған білімдерін орынды пайдалану
Алгебра
Сабақтың тақырыбы
Функция ұғымы және оның берілу тәсілдері
Сабақтың мақсаты
Білімділік
Оқушыларға функция ұғымын, оның анықталу облысы мен мәндер жиынын, функцияның графигін, сондай-ақ берілу тәсілдерін (кестелік, графиктік және аналитикалық) мультимедиялық көрнекіліктер арқылы түсіндіру. Өз бетінше жаттығулар орындауға баулу.
Дамытушылық
Оқушылардың ойлау қабілетін дамыту, өз бетінше еңбектену дағдыларын қалыптастыру және білімін тереңдету.
Тәрбиелік
Сабақта алған білімді орынды және жауапкершілікпен қолдануға тәрбиелеу.
Сабақтың ресурстары
- Көрнекілігі
- Анықтамаларға берілген мысалдар, интерактивті тақтада көрсетілетін мультимедиялық материалдар, орындалған ерекше жаттығулар.
- Техникалық құралдар
- Компьютер, интерактивті тақта.
Сабақты ұйымдастыру
- Әдісі
- Топтық жұмыс және жұптық жұмыстар.
- Түрі
- Жаңа тақырыпты меңгерту.
- Пәнаралық байланыс
- Бейнелеу өнері, информатика.
Күтілетін нәтиже
Оқушылар функцияның графигі және функцияны беру тәсілдері (кестелік, графиктік, аналитикалық) бойынша білімін, білігін және дағдыларын дамытады.
Сабақ барысы
I. Ұйымдастыру
- Сәлемдесу.
- Оқушыларды түгендеу.
- Сабаққа сәттілік тілеу.
II. Оқу-танымдық әрекетіне дайындық
Өзіңді тексер!
1) Сызықтық функция
y = kx + b түріндегі функциялар: олардың қасиеттері және графиктері.
2) Квадраттық функция
y = ax² + bx + c (a ≠ 0) түріндегі функциялар: олардың қасиеттері және графиктері.
3) Дәрежелік және кері пропорционалдық элементтері
y = ax³ және y = k/x (k ≠ 0) түріндегі функциялар: олардың қасиеттері және графиктері.
4) Қайталау тапсырмасы
Функциялардың негізгі түрлері бойынша қасиеттері мен графиктерін қайталау және салыстыру.