Қарамен жазылған сөздерге күшейткіш буын қосып, сөйлемдерді көшіріп жазғызу

Сабақ тақырыбы

Қазақ тілі (4-сынып): күшейткіш буын арқылы жасалатын қос сөздер. Бұл сабақта оқушылар қос сөздің жаңа түрімен танысып, оны сөйлем ішінде орынды қолдануды үйренеді.

Мақсаты мен міндеттері

Мақсаты

Қос сөздің жаңа түрімен таныстыру: күшейткіш буын арқылы жасалатын қос сөздер.

Міндеттері

Оқушылардың тапсырманы өз бетімен меңгеруіне ықпал ету.
Жаттығулар арқылы дағды қалыптастыру.

Күтілетін нәтижелер

Қос сөздерді қатыстырып сөйлем құрастырады.
Өз пікірін дәлелдеп, ойын нақты жеткізе алады.

Қолданылатын модульдер

СТОҮ

Жаттығуларды сыни тұрғыдан талдау.

Оқыту мен ОЖТ

Оқытудағы басқару және көшбасшылық.

Диалогтік оқыту

Талқылау арқылы түсіну, ойды жүйелеу.

Сабақ барысы

Кіріспе

5 минут

Сыныпта ынтымақтастық атмосферасын қалыптастыру үшін қысқа диалог ұйымдастырылады:

Әрбір адам?
Әрбір сабақ?
Әрбір ісің?
Әрбір сөзің?

Оқушылар қиынды қағаздар арқылы топқа бөлінеді. Әр топ өз ішінен топбасшы сайлап, топ атауын таңдайды.

Таныстырылым

Өткен сабақ қорытындыланады: 4-жаттығу тексеріледі. Оқушылар көп нүктенің орнына тиісті қос сөздерді қойып, мәтінді көшіріп жазады (оқу, түсіндіру).

Кестемен жұмыс: қос сөздердің түрлері

Түрі	Қалай жасалады	Мысал
Қосарлама қос сөздер	Бір түбірдің екі рет қайталануы арқылы жасалады.	түрлі-түрлі, шөре-шөре
Қайталама қос сөздер	Екі түрлі түбірдің қосарлануы арқылы жасалады.	киім-кешек, жауын-шашын
Күшейткіш буын арқылы жасалатын қос сөздер	Түбір сөздің алдына күшейткіш буын қосылып айтылады. Мағынасы күшейіп, белгінің айқындылығы артады.	жап-жасыл үп-үлкен

Негізгі назар бүгінгі тақырыпқа аударылады: күшейткіш буын сөздің әсерін арттырып, сипаттауды нақтыландырады.

Негізгі бөлім

«Қос сөз жаса, тез жаса» ойыны

Топтық жұмыс

Берілген сөздерге күшейткіш буын қосып, қос сөз жасаңыз.

I топ

суық
жаңа
семіз
әдемі

II топ

терең
таза
алыс
оңай
қалың
толық

Ескерту: кей сөздерде күшейткіш буынның дыбысталуы тілдік нормаға сай өзгеруі мүмкін (мысалы: жап-жасыл, қып-қызыл).

2-жаттығу

Оқушылар өлеңді жатқа жазады. Мәтіннен қос сөздердің күшейткіш буынын тауып, астын сызады.

3-жаттығу

Жұппен жұмыс

Оқушыларға санау арқылы тапсырмалар бөлінеді. Қарамен берілген сөздерге күшейткіш буын қосып, сөйлемдерді көшіріп жазады.

1) Біздің үйде егіз лақ болды. Екеуінің де жүні жылтыр, әдемі болатын.

2) Көлдің таза, тұнық суы күнге шағылысып, айнадай жалтырайды.

3) Сылдырап аққан бұлақтың жағасында жуан жалғыз ағаш өсіп тұр.

4) Күн ашық болғанымен, ызғар бетті қарып барады.

5) Түзу көше бойымен асықпай жүріп келеді.

Қорытынды тапсырма

«Күшейткіш буын арқылы жасалатын қос сөздер» тақырыбы бойынша қысқа қорытынды жасап, өз мысалдарыңызды келтіріңіз.