Қайырлы күн құрбым
Павлодар қаласы, №26 жалпы орта мектебі
Қазақ тілі мен әдебиеті мұғалімі: Абылхаирова Ғалима Темірболатқызы
Оқыту мақсаты
- Жаңа сөздерді және мәтін мазмұнын меңгерту.
- Сөйлем құрауға үйрету.
- Сауатты жазуға дағдыландыру.
Күтілетін нәтиже
- Алған білімін қорытындылап, жүйелей алады.
- Топтық жұмыс арқылы қарым-қатынас мәдениетін көрсетеді.
Оқушыға қойылатын критерийлер
A деңгейі
Тақырып бойынша жаңа сөздердің мағынасын ажыратып, сөз тіркестерін құрастырады және шағын тапсырмаларды орындайды.
B деңгейі
Жұппен және топпен жұмыс барысында шағын диалог құрып, орташа көлемдегі әңгіме құрастырады.
C деңгейі
Тақырып бойынша толыққанды әңгіме құрастырады.
Сабақ барысы
Ұйымдастыру кезеңі
- 1. Амандасу.
- 2. Психологиялық дайындық (тренинг).
Тренинг мәтіні
Қайырлы таң, досым!
Қайырлы күн, құрбым!
Бейсенбінің сәті
Сәттілікке толсын!
Бүгінгі алған бағаң
Кілең бестік болсын!
Кіріспе (білу)
Қызығушылықты ояту және жаңа тақырыпқа шығу:
- «Ребуста қандай сөздер шықты? Кезекпен оқыңдар.»
- «Бүгінгі сабақтың тақырыбы қандай деп ойлайсыңдар?»
- «Мақсатымыз қандай болады?»
Мағынаны тану (түсіну)
Жаңа сөздер:
| Қазақша | Орысша |
|---|---|
| туған жер | родная земля |
| жақын | близко |
| тудым | родился |
| шағын | маленький |
| ұнайды | нравится |
Тапсырмалар (қолдану)
1) Мәтінді оқы
Мәтін бойынша сұрақтар құрастыр.
2) Постер дайында
Мәтіннен алынған мәліметтерді постерге түсір.
Мәтін: «Туған жер»
Туған жер адамға ең жақын болады. Мен Павлодар қаласында тудым. Сондықтан менің шағын отаным — осы жер. Туған қаламнан басқа жаққа кетсем, сағына бастаймын. Қаланың әрбір көшесі, әрбір тасы мен үшін өте ыстық. Туған жерімді мен өте қатты жақсы көремін.
Негізгі ой
Туған жер — адамға ең жақын, жүрекке ыстық мекен.
Кілт сөздер
Оқушыға бағыт
Мәтіндегі жаңа сөздерді қолданып, туған жерің туралы 5–7 сөйлем құра.