Балаларды жаңа технологияны қолдану арқылы ертегінің мазмұнын айта білуге үйрету
Ашық оқу іс-әрекетінің технологиялық картасы
«Балдырған» балалар бөбек бақшасының тәрбиешісі — Кошкинбаева Гульнар Олжабайқызы. Жұмыс ортаңғы топқа арналған.
- Күні
- 09.12.2015
- Білім беру саласы
- Қатынас, таным
- Бөлімі
- Көркем әдебиет, Қ.М.Т.Қ.
Тақырыбы
Орыс халық ертегісі «Үйшік» мәтінін модельдік технология арқылы меңгерту.
Мақсаты
- Жаңа технологияны қолдана отырып, ертегінің мазмұнын айтып беруге үйрету; пішіндердің көлемін және түстерін ажырату.
- Мазмұны бойынша қойылған сұрақтарға жауап беруге, өз түсінігін нақты жеткізе білуге дағдыландыру.
- Аңдардың мінез-құлқын бағалау арқылы жұмбақтарды шешуге ынталандыру; достыққа, ұйымшылдыққа тәрбиелеу.
Әдіс-тәсілдер
- Сұрақ-жауап
- Әңгімелеу
- ТРИЗ элементтері
Көрнекіліктер
- Кейіпкерлердің суреттері
- Пішіндер (үлгі-фигуралар)
Мотивациялық-қозғаушы кезең
«Шаттық шеңбері»
Тәрбиеші балаларды жылы атмосфераға жинақтап, сәлемдесу өлеңін бірге айтады:
Сәлем дейміз достарға, Сәлем дейміз құстарға, Сәлем дейміз қонақтарға, Сәлем дейміз апайға. Үлкенге де — сіз, Кішіге де — сіз. Баршаңызды құрметтеп, Бас иеміз біз!
Тосын сый
Есік қағылып, топқа ойыншық қоян кіреді. Балалардың қызығушылығын ояту үшін шағын диалог ұйымдастырылады.
Қоян: Сәлеметсіңдер ме, балалар! Мен сұр қоянмын.
Қоян: Мен қайда келдім?
Балалар: Сен «Болашақ» тобына қонаққа келдің.
Тәрбиеші: Сен қай ертегіден келдің?
Қоян: Мен «Бауырсақ», «Қоянның үйшігі», «Үйшік» ертегілерінен келдім.
Қоян: Жақсы, балалар, мен барып тонымды ауыстырып келейін.
(Қоян секіріп шығып, қайтадан топқа кіреді.)
Тәрбиеші: Балалар, бүгін бізге қонаққа кім келді?
Қоян: Сәлеметсіңдер ме, балалар!
Ескерту: Берілген материал үзінді түрінде берілген.